Zakariya 14:9 - Kifuliiru

⁹ Nahano agaaba ye mwami weꞌbihugo byoshi. Yehe yenyene ye gakizi yikumbwa nga Nahano. Ee! Iziina lyage naaho, lyo ligalumbuuka.

Zakariya 14:9 Referans Kwoze

Bwigule 11:15

Umuganda wa kalinda anadihiriza ikibuga kyage. Lyeryo, mwiꞌgulu mwanayuvwikana amazu mahamu, ganadetaga: «Ubwami bwa kino kihugo, Nahano ye kola mwene bwo, bo noꞌlya Kirisito wage. Aganayama atwaziri imyaka neꞌmyakuula!»

Danyeri 7:27

Haaho, abemeera ba Rurema úli hiꞌgulu lya byoshi banahaabwe ubutwali, noꞌbuhagarusi, noꞌbukulu bwaꞌmaami gooshi ga mu kihugo. Yubwo bwami bwabo, buganayama ho imyaka neꞌmyakuula. Na yabo batwali booshi, bagakizi múyikumba, iri banamúsimbaha.”

Sefaniya 3:9

«Haaho, amagambo gaꞌbandu bagweti bagaadeta, ngagayeruusa, halinde booshi bakizi koleesa iziina lyani, mu kunyikumba ku mutima muguma.

Bukengeeze 6:4

«E Bahisiraheeri, muyuvwagwe! Nahano, Rurema witu, ali muguma naaho, ndaanaye gundi.

Zaburi 72:17

Mwami akizi yama alumbuusiri isiku zooshi. Anakizi kengeerwa, halinde ku kyanya izuuba ligaaba likiri ho. Aba mu mahanga gooshi, bakizi gashaanirwa hiꞌgulu lyage, halinde nabo banakizi múgashaanira.

Mataayo 1:23

«Loli! Umunyere, kundu atazi menyana noꞌmushosi, haliko agaheeka inda, anabute umwana woꞌbutabana! Noꞌyo mwana, bagamúyinika iziina Manweri, umugeeza gwalyo: Tutuliinwi na Rurema.»

Yeremiya 23:6

Mu butwali bwage, lyeꞌkihugo kyeꞌBuyuda kigakizibwa, halinde umunyerere gunatoole mwo. Uyo mwami agakizi buuzibwa Nahano ye Lukiza Witu.

Hisaaya 54:5

Si Rurema ye kakulema, ye nakolaga yibalo. Iziina lyage, ye Nahano woꞌbushobozi bwoshi! Yoyo Mutaluule waꞌBahisiraheeri, ye mu kuguluula. Ye nali mu buuzibwa Rurema waꞌMahanga gooshi.

Zaburi 86:9

Si we kabumba abandu baꞌmahanga gooshi! Booshi bagakizi yiji kuyikumba, banakizi menyeesania ubulangashane bwiꞌziina lyawe.

Mataayo 28:19

Ku yukwo, mugendage mu bandu beꞌmilala yoshi, munakizi bagira babe bigirizibwa baani. Mukizi babatiiza kwiꞌziina lya Daata, na lyoꞌMwana, na lyoꞌMutima Mweru.

Zaburi 67:4

E Rurema, abandu beꞌmilala yoshi bakizi kuyivuga. Ukizi yivugwa mu bandu baꞌmahanga gooshi.

Hamoosi 9:12

Haaho, Abahisiraheeri bagashubi hyana ngiisi twaya útukasigala mu kihugo kyeꞌHedoomu. Banahyane kiri noꞌtwaya twaꞌgandi mahanga gooshi. Yaga gooshi, nie Nahano nie wagadeta, nganagakoleesa.»

1 Samweri 2:10

si ngiisi ábali mu hagana na Nahano bagatemwa-temwa biniga-biniga. Agalavya hiꞌgulu lyabo, nga mulavyo ukulyoka hiꞌgulu, ye ganahana amahanga gooshi. Agaheereza mwami wage imisi. Ee! Bwo keera akamútoola, aganamúhuuza.»

Ndondeko 49:10

Abayuda bayamiragi bali neꞌngoni yeꞌkyami. Itaganalyoka mu magulu ga mwami wabo, halinde ukuhisa ku kyanya ulya úgikwaniini agaahika. Yehe, ibinyamahanga byoshi bigakizi músimbaha.

Mika 5:4

anakizi bileeta mwoꞌmutuula. Abahasuriya bagayiji teera ikihugo kiitu, banakizi libata ku nyumba ziitu mbamu. Kinatume tugabiika abatwali balinda, bakizi tulanga. Ee! Ibirongoozi munaana, byo bigaturongoora.

Hisaaya 45:21

Balya bandu, mubabwirage kwo banyijire. Ee! Tuganuulire kuguma! Ngiisi íbiri mu koleka buno, nyandagi úkagwanwa abiyerekana? Ka hali úkagwanwa abimenyeesa? Nanga, maashi! Si niehe Nahano naaho nie kabideta! Kwokwo, ndaaye gundi Rurema, átali niehe. Nie Lukiza úkwaniini, na ndi Rurema woꞌkuli. Ndaaye gundi úli ho!

Hobadiya 1:21

Indwani zaꞌBahisiraheeri zigaahima, zinashonere ku mugazi Sayuni, banagendi twala imigazi yeꞌHedoomu. Nahano yenyene, ye gaaba mwami wabo!

Habakuki 2:14

Nga kwaꞌmiiji gayijwiri hooshi mu nyaaja, kwo na kwokwo, ubulangashane bwa Nahano bugamenyeekana hooshi mu bandu.

Zakariya 9:9

E bandu beꞌSayuni! Mushambaalage! E bandu beꞌYerusaleemu! Mubandage akabuuli! Langiizi! Mwami winyu agweti agamùyijira. Uyo mwami, ye kwaniini, anali muhimi. Kuguma na yibyo, ali mutuudu, anashoniri ku punda. Punda wage, akiri mwanuke.

Malaki 1:14

«Umundu, nga angandagaania kwo agandangira ikitugwa kiija, anayiji ndangira kyaꞌkashembo, uyo adaakwe. Si nie mwami mukulu! Naꞌmahanga gooshi, gayamiri ganyobohiri. Kwokwo, kwo nie Nahano woꞌbushobozi bwoshi ndesiri.»

Zaburi 97:1

Nahano ye mwami. Kwokwo, abandu booshi mu kihugo, bakizi shambaala. Abandu ba mu tulira nabo, bakizi shagaluka.