Zakariya 11:8 - Kifuliiru

⁸ Mu mwezi muguma naaho, nanayami yimula abangere baabyo bashatu. Kundu kwokwo, birya bibuzi, ndanaki biyigenderera. Nabyo, byananjomba.

Zakariya 11:8 Referans Kwoze

Yohana 15:18

«Iri abandu beꞌkihugo bangamùshomba, mukengeere kwo nie bakatee shomba.

Yohana 7:7

Mwehe, bitangaziga kwaꞌbandu beꞌkihugo bamùshombe. Halikago niehe, bakoli njombiri, bwo ngweti ngayerekana kweꞌmikolezi yabo iri mibi.

Hisaaya 49:7

Wehe, abandu bakiri mu kugayiriza, banaki kushombiri. Ulyagagi muja naaho woꞌkukizi kolera abatwali. Kundu kwokwo, Nahano ali Lukiza, Umutaluule waꞌBahisiraheeri, anakola mu deta kwokuno hiꞌgulu lyawe: «Ikyanya abaami bagakizi kubona, bagakugingika. Kiri naꞌbakulu banakufukamire.» Kwokwo, ukizi mbiika kwoꞌmulangaaliro! Mukuba, nie Nahamwinyu, Umutaluule waꞌBahisiraheeri. Keera nanakutoola.

Luka 19:14

«Uyo mundu, abandu ba mu kihugo kyage bâli múshombiri bweneene! Kyanatuma bagamúkulikiza kweꞌndumwa, ti: “Uyu mundu, tutaloziizi kwo abe mwami witu!”

Hosheya 5:7

Yabo Bahisiraheeri batakiri bemeera imwa Nahano, si bagweti bagabuta abaana imbuga. Na bwo bali mu yikumba byeꞌbibeesha, ha nyuma lyoꞌmwezi muguma, bagashereezibwa kuguma neꞌkihugo kyabo.

Baheburaniya 10:38

Neꞌri umundu angaba akwaniini imbere lyani, agaramba ku njira yoꞌkumúbiika kwoꞌbwemeere. Haliko, iri angagaluka kifudeete, atangaki nzimiisa!»

Hosheya 9:15

Nahano adetaga kwokuno: «Bakatondeerera ukugira amabi i Girigaali. Haaho, ho nꞌganatondeerera ukubashomba. Na bwo baki gweti bagakizi gira amabi, ngabayimula booshi mu kihugo kyabo. Bwaꞌbimangizi baabo bakoli huniri booshi, ndagaaba ngi bakuuziri.

Yeremiya 14:21

Kundu kwokwo, utakolwe mbu utujandage. Tutaloziizi kwiꞌziina lyawe lidukwe. Si we gweti úgagingikwa ku kitumbi kyawe kyeꞌkyami! Kwokwo kirya kitumbi, utaki kijamburiise, kinali noꞌbulangashane. Kirya kihango kyo tukanywana, ukikengeerage maashi, utanaki shubi kihongola.

Yeremiya 12:8

Na kundu nâli mali batoola, haliko bakoli gweti bagandundumira, nga ndare za mu lubako. Kwokwo, ngoli bashombiri ngana-ngana!

Zaburi 106:40

Kyanatuma Nahano agarakarira abandu baage. Kundu bâli riiri beꞌmwage, halikago anabanenuuka bweneene.

Bukengeeze 32:19

Ikyanya abaana ba Nahano, abatabana naꞌbanyere, bakagira kwokwo, anabona, anaraakara, anabalahira.

Balaawi 26:44

«Kundu kwokwo, ku kyanya bagaaba bali iyo munda i mahanga, mu kihugo kyaꞌbagoma baabo, ndagaaba mbakabuliiri lwoshi-lwoshi. Nanga! Ndaganabashombereza, mbu mbahemukire, kandi iri mbu mbongole ikihango kyo tukanywana twe nabo. Niehe, nie Nahano Rurema wabo.

Balaawi 26:30

Bwo ngaaba ngoli mùjinikiiri, ngamùsheregeza ho mugweti mugayikumbira imizimu. Kiri noꞌtutanda two muli mu giyokera kwoꞌmubadu, ngatuhongola. Ibirunda biinyu, ngabilasha ku migisi yinyu ífwiri namunyogo.

Balaawi 26:11

«Ngayiji shumbika mu kati kiinyu, ndanâye mùheereze ingoto.

Luka 12:50

Kiri na nienyene, ngwiriiri ndenge mu bubatiizo. Na ngoli gweteriirwi, halinde ku kyanya bugaamala!

Zaburi 78:9

Beene Hifurahimu, ikyanya bâli mwiꞌzibo, bâli fumbiiti imiheto neꞌmyambi. Kundu kwokwo, banagalulwa kifudeete, halinde banapuumuka.

Zaburi 5:5

E Rurema, ikyanya banangora-mabi bali mu yifunda mu mabi gaabo, utali mu siima. Yabo booshi, ubashombiri ngana, kinatume batâye fine imwawe.

Yeremiya 6:30

Kyo kitumiri bagakizi detwa kwo iri iharija íyajajaakwa. Mukuba, Nahano keera akabajajaaka.»

Hezekyeri 14:5

«“Ha nyuma, abandu baani Abahisiraheeri, kundu bakanjanda, mbu bakizi yikumba imigisi, haliko, nie Nahano ngabashimya, halinde bashubi ngalukira.”

Hezekyeri 16:45

«Na niinyu, muli banyere boꞌmukazi úkashomba yiba naꞌbaana baage. Munali nga mukulu winyu na mulumuna winyu, bwo nabo bâli shombiri bayiba naꞌbaana baabo. Nyoko ali Muhiti-kazi, na yisho Muhamoori.

Hosheya 4:6

Na íbitumiri abandu baani bakoli gweti bagashereezibwa, bwo babuziri ubumenyi. E bagingi! Bwo mulahiiri ukummenya, naani ngalahira kwo mutakiri bandu baani. Na bwo mutaki twaziizi imaaja za Rurema winyu, naani ndagaki twaza abaana biinyu.

1 Baami 11:25

Uyo Resoni âli shombiri Abahisiraheeri mu siku zooshi zoꞌbutwali bwa Sulumaani. Anayushuula ku mabi ga Hadaadi, mu kukizi tyoza Abahisiraheeri, ku kyanya kyoshi âli twaziri ikihugo kyeꞌHaraamu.