Zakariya 11:6 - Kifuliiru

⁶ «Kwokwo, nie Nahano nadetaga kwokuno: Kiri na naani, yabo bandu, ndagaki shubi bakejeerera. Si ngaaleka bakizi libuzibwa naꞌbatuulani baabo, balibuzibwe kiri na mwami. Ikihugo kyabo, kigashereezibwa lwoshi-lwoshi. Ndaanaye mundu ye ngalekaga kwo atoloboke mu maboko gaabo.»

Zakariya 11:6 Referans Kwoze

Yeremiya 13:14

Ha nyuma, ngakizi bateerania bongwa ku bongwa, kiri naꞌbabusi naꞌbaana baabo. Ndaanaye kiri noꞌmuguma ye ngakejeerera. Ndanâye bayuvwirwe indengeerwa, mbu ndeke ukubaminika.”» Kwokwo kwo Nahano adesiri.

Mataayo 22:7

«Ulya mwami, mbu abonage kwokwo, anashavura bweneene, anayami tuma abasirikaani baage, bagendi minika balya biitani, banajigiivye naꞌkaaya kaabo.

Mika 5:8

Kwokwo, lyo mugalonga ukuhima abagoma biinyu. Ee! Yabo bagoma booshi, munakizi baminika.

Zaburi 50:22

«Buno, mukoli nyibagiiri. Aahago! Yaga magambo gaani, mutee gayisaliza kwo. Buzira kwokwo, ngamùjanganula-janganula, ndaanaye úgaki mùkiza.

Yakobo 2:13

Iri abandu bangaba batali mu bonerana ulukogo, iri nabo batagalubonerwa. Haliko, iri bangaba bali mu lubonerana, iri nabo, mu kutwirwa ulubaaja, bagaakogwa.

Baheburaniya 2:3

Na buno, nyiitu kwakundi keera tukalonga ubukize bwaꞌkahebuuza! Neꞌri twangakizi bugayiriza, kutagi kwo twangaki fuuka? Ee! Yubwo bukize bwitu, Nahano yenyene ye katee bumenyeesa mu bandu. Neꞌri bakamúyuvwa, nabo banayiji butangira ubumasi mu kati kiitu.

1 Batesaloniki 2:16

Bali mu gira mbu batuhangirire kiri na ku kyanya tuli mu looza ukutwala amagambo goꞌbukize mu bandu beꞌgindi milala. Ikyanya bagweti bagaagira kwokwo, bali mu yilugiza ibyaha. Ee! Keera uburaakari bwa Rurema bukola bu batibukira.

Yohana 19:15

Lyeryo, yabo booshi banayitulikania, mu kuyamiza, ti: «Umúzimiize! Umúzimiize! Umúyitire ku kibambo!» Pilaato anababuuza: «Ka nimúyitire ku kibambo, anali mwami winyu?» Abakulu baꞌbagingi banamúshuvya: «Ndaaye gundi mwami ye tugweti, átali Kahisaari naaho!»

Mataayo 24:10

Ku yikyo kyanya, abandu bingi bagajandagirira ubwemeere bwabo, banakizi shombana, noꞌkukizi songerana.

Mataayo 10:21

«Ku yikyo kyanya, umundu agayitiisa mwene wabo. Na yishe woꞌmwana, anayitiise umwana wage. Abaana nabo, bagayihindulira ababusi baabo, banabayitiise.

Zakariya 14:13

Yulwo lusiku, Nahano agabahuumiza bweneene, banasigale bakoli shengusiri. Banayihindulirane, halinde ngiisi muguma anagendi teera uwabo.

Zakariya 11:14

Ha nyuma, kandi, nanatoolaga irya ngoni ya kabiri íri mu buuzibwa Buguma, nanagivunaga mwo kubiri, mu kuyerekana kweꞌkihango kyaꞌBayuda bakanywana naꞌBahisiraheeri, nakyo keera kyahongolwa.

Zakariya 11:9

Kwokwo, nanabibwira: «Ndagaki genderera ukushubi ba mungere winyu. Iri mugaafwa, mufwe! Neꞌri mugayitwa, muyitwe! Neꞌbigafuuka, bilooza bikizi janganulana!»

Zakariya 11:5

Ábali mu kizi bigula bali mu bitongeera, buzira kubona kwo bagira buligo. Na ábali mu kizi biguliisa nabo, bali mu deta: “Kongwa imwa Nahano! Buno, keera twagalaga!” Kiri naꞌbangere baabyo boonyene, ndaayo ndengeerwa babiyuvwitiiri.

Zakariya 8:10

«Ikyanya batâli zaazi tondeera ukuyubakulula inyumba ya Rurema, ndaazo fwaranga zo bangahembiri kwaꞌbakozi, kandi iri zoꞌkukoleesa ibitugwa. Ndaanaye mugeezi úwâli kizi genda noꞌbutoge. Si abagoma bâli riiri ngiisi luhande, nanashombania abandu booshi.

Hagayi 2:22

Abaami ba mu kihugo, ngola ngabanyanyaga haashi. Yabo baami, ngola ngabamala imisi. Amagaare gaabo giꞌzibo, ngagakunangulira haashi. Ngakabulira na ábali mu gagendera kwo. Ifwarasi zaabo, zigayami fwa. Na ábali mu zigendera kwo, bagayitana ku ngooti.

Mika 6:14

Kundu mugakizi lya, si mutagaki yiguta. Amabunda giinyu gagayama gali mamaata. Na kundu mugakizi lunda ibindu, haliko bigakizi nyerera! Ngiisi byo mwasingula, ngaaleka binyagwe ku ngooti.

Hosheya 2:10

«Uyo mukazi atayijagi kwo nie wâli kizi múheereza byoshi byo âli hiiti, ngeꞌngano, neꞌdivaayi mbyahya, naꞌmavuta. Nie wâli kizi múheereza kiri neꞌharija, neꞌnooro. Kundu kwokwo, birya byoshi, âli kizi bitangira umuzimu Baali.

Hosheya 1:6

Ha nyuma, Gomeeri anashubi heeka inda, anabuta umwana woꞌbunyere. Rurema anabwira Hosheya: «Uyo mwana, umúyinike iziina Lo-Ruhama, (kuli kudeta: Ndakundwa). Mukuba, ndagaki kunda Abahisiraheeri, ndaganaki bakoga.

Hezekyeri 9:10

«Kwokwo, naani ndagaki bakejeerera, kandi iri kubakeerera. Si amabi go bâli kizi girira abandi, go nabo ngakizi bagirira.»

Hezekyeri 8:18

Yago mabi gaabo, go gatumiri ngabahana ku buraakari bwani. Naani ndagaki bakejeerera, kandi iri kubalekeerera. Kundu bangandakira kwiꞌzu lihamu, ndagabatwaza.»

Hisaaya 27:11

Yabo Bahisiraheeri balyagagi nga matavi ágayumuusiri. Ikyanya gali mu konyoka, abakazi banakizi yiji gashenya. Yabo Bahisiraheeri balyagagi bizeeze, ndaanalyo igambo basobanukiirwi. Kundu Rurema ye kabalema, si atakiri mu baholeeza. Kundu ali Mulemi wabo, atakiri mu bayuvwirwa indengeerwa.

Hisaaya 3:5

Abandu bagakizi libuzania, halinde ngiisi mundu anakizi hagana noꞌmutuulani wage. Imisore, igakizi shundeeza abashaaja, noꞌtufwa-busha, tugakizi shundeeza abanalushaagwa.

Kimombo 2:21

Imisore naꞌbashaaja, booshi keera bakayitwa ku ngooti. Ibirunda byaꞌbanyere naꞌbatabana, bikoli lambamiri mu njira. Si wenyene we kabayita ku buraakari bwawe, buzira kubayuvwirwa ikimino!

Kimombo 5:8

Abaja, bo bakoli ba batwali biitu, ndaanaye úwangaki tuguluula mu maboko gaabo.