Zakariya 1:16 - Kifuliiru

¹⁶ Ku yukwo, nie Nahano woꞌbushobozi bwoshi, nadetaga kwokuno: E bandu beꞌYerusaleemu! Ngamùgalukira, ninamùyereke ulukogo lwani. Inyumba yani igaki yubakululwa, kiri naꞌkaaya kooshi kwakundi.”»

Zakariya 1:16 Referans Kwoze

Zakariya 8:3

Kyo kitumiri nadetaga kwokuno: Ngagalukira i Yerusaleemu, na njubi tuula mwo. Iyo munda i Yerusaleemu igashubi detwa Kaaya kemeera. Umugazi gwani Sayuni, gugakizi detwa Mugazi mweruusibwa.»

Zakariya 4:9

«Zurubaberi ye kabiikaga ulutaliro lweꞌnyumba ya Rurema, ye ganagiyusa.» Yibyo byoshi, mango biyiji kolekaga, lyo mugaamenya kwo Nahano woꞌbushobozi bwoshi ye kandungika imwinyu.

Hezekyeri 47:3

Ulya mundu anayisunga uluhande lweꞌsheere, afumbiiti umugozi, anagera yeꞌmeetere magana gataanu. Ananjabula yago miiji, ganambikira mu bigere-gere.

Hezekyeri 40:3

Iri Rurema akaba keera andwala yaho, nanabona umundu ayimaaziri mu mulyango, akeyengiini nga mulinga, anafumbiiti umugozi gweꞌkitaani, niꞌsanga. Yibyo byombi, âli kizi bikoleesa mu kugera.

Hayubu 38:5

Nyandagi úkashungika ibigero byeꞌkihugo? Na nyandi úkagolola umugozi mu kukigera?

Hagayi 1:14

Kwokwo, guvuruneeri Zurubaberi weꞌporoveesi yeꞌBuyuda, Nahano anamúkania umutima, kuguma noꞌlya mugingi mukulu Yoshwa, kiri na ngiisi ábakahunguuka. Kyanatuma bagatondeera ukuyubakulula irya nyumba ya Rurema wabo, anali ye Nahano woꞌbushobozi bwoshi!

Hezekyeri 48:35

Yibyo bibambaazi byoshi kwo biri bina, ukubizunguluka, ziri meetere bihumbi mwenda. Ukulyokera ku yikyo kyanya, yaka kaaya kakola kagakizi detwa: Yaho ho Nahano ali.»

Hisaaya 34:11

Kirya kihugo, banakasare bo bakola bagakituula mwo, kuguma na banafufulu, na banamujongo. Nahano agakishereeza lwoshi, kinasibe.

Hisaaya 12:1

Ku kyanya íkigayija, mugayimba, ti: «E Nahano, ngweti ngakuyivuga. Ee! Kundu wâli koli ndakariiri, haliko, ubute bwawe keera bwamala, unakola mu mboleeza.

Zakariya 2:4

Nanashubi múbuuza: «Yaba bandu, bikagi byo bayiji gira?» Na wa naye, ti: «Yibyo binyamahanga íbikayiji teera ikihugo kyeꞌBuyuda, yabo batuzi bayiji bileeza mweꞌkinyukura, bakabuli biminika.»

Zakariya 10:6

Yabo Bayuda, kuguma naꞌBahisiraheeri, ngabasikamya, na mbakize. Na bwo mbakuuziri, ngashubi bagalulira imwabo. Ngaaba nga ndazindi balahira. Si nie Rurema Nahamwabo. Neꞌkyanya bagambuuna, ngabashuvya.

Yeremiya 30:18

Nahano adetaga kwokuno: «Ngakejeerera abandu baani, na mbagalulire mu kihugo kyabo, halinde bashubi tuula mwo. Utwaya twabo, kundu twâli mali siba, bagashubi tusibuula. Kiri naꞌkaaya keꞌYerusaleemu, bagashubi kayubaka mweꞌnyumba zoꞌmulimbo, nga kwo kâli tuula.

Zakariya 2:5

Nanashubi langiiza, nanabona umundu afumbiiti umugozi gwoꞌkugera.

Zakariya 2:6

Nanamúbuuza: «Ewe! Ugweti ugagenda hayi?» Na wa naye, ti: «Ngweti ngagenda mu kaaya keꞌYerusaleemu, gira ngendi kagera ubula-bula naꞌmatambi.»