Zakariya 1:15 - Kifuliiru

¹⁵ Si abandu beꞌgindi milala, kundu bayuvwiti kwo batuuziri ku butoge, boohe mbashavuriiri. Irya gindi milala, ubwa mbere, nâli kizi barakarira hiniini naaho. Halikago buno, keera baleezagya ulugero mu kukizi libuza abandu baani.

Zakariya 1:15 Referans Kwoze

Yeremiya 51:24

Nahano ashubi detaga kwokuno: «Mwe Bababeeri, ngamùhana, kuguma naꞌbandu biinyu booshi, bwo mwâli kizi girira i Sayuni amabi.»

Hisaaya 54:8

Ku kirya kyanya, nâli shavwiri ngana-ngana! Kyanatuma ngalahira kwo ndagaki kubanda kwiꞌsu. Kundu kwokwo, urukundo lwani luyamiri ho imyaka neꞌmyakuula, kyo kitumiri ngaki kukejeerera. Kwokwo, kwo nie Nahano, Lukiza wawe ndesiri.

Zakariya 1:11

«Kwokwo, ulya muganda wa Nahano, ngiisi ábâli shoniri ku yizo zindi fwarasi banamúbwira: “Keera twatanduulaga ikihugo. Emwe! Ikihugo kyoshi kituziizi.”

Zakariya 1:2

«Nꞌgarakarira bweneene bashokuluza biinyu. Ku yukwo, ugendi bwira Abahisiraheeri kwokuno: “Nie Nahano woꞌbushobozi bwoshi! Aaho! Mungalukirage, gira naani nimùgalukire.”

Zaburi 69:26

halinde ishumbi zaabo, zisigale mushaka. Hatanabe umundu woꞌkushubi tuula mu maheema gaabo.

Hamoosi 6:1

Yayewe imwinyu, mwe mujeberiiri mu kaaya keꞌSayuni! Yayewe neꞌmwinyu, mwe mutuuziri ku butoge ku mugazi gweꞌSamariya! Buno, baki gweti bagamúgingika mu bwami bwinyu, munalumbuusiri. Abahisiraheeri booshi, banagweti bagayiji mùtabaaza.

Hezekyeri 26:2

«E mwana woꞌmundu, abandu beꞌTiiro bagweti bagashekeereza akaaya keꞌYerusaleemu, mbu kundu abadandaza bâli kizi lenga mwo, haliko leero kashereezibwa. Banadete, mbu: “BweꞌYerusaleemu ikola biguuka, twe tukola tugaagala!”

Zaburi 137:7

E Nahano, i Yerusaleemu, ulusiku abagoma bakagigwata imbohe, ukengeere ngiisi kwaꞌBahedoomu bâli kizi honyoleza, ti: «Yako kaaya, mukahongole. Ee! Mukunyule kiri neꞌndaliro zaako.»

Zaburi 123:4

Abanabwihemye, si bâli kizi tuhonyoleza! Keera banatulibuza bweneene. Ee! Balya banabwikangaate, keera bakatunegura ngana.

Zakariya 6:8

Haaho, ulya muganda anambamagala, anambwira kwokuno: «Langiiza! Zirya fwarasi ízikagenda imbembe, keera zikaluhuusa umutima gwani iriira munda.»

Hayubu 30:13

Yabo bagoma, bali mu mbangirira, mbu ndalenge, gira balonge ukunjeereza. Ndaanaye mundu woꞌkundabaala.

Yeremiya 30:16

Kundu kwokwo, ngiisi ábali mu mùjanganula, nabo ngabajanganula. Abagoma biinyu booshi, nabo kandi bagatwalwa imbohe mu mahanga. Na ngiisi ábakamùshahula ibindu, nabo bagayiji bishahulwa. Na ngiisi ábakamùteera, nabo bagayiji teerwa.

Yeremiya 50:33

Nahano woꞌbushobozi bwoshi, adetaga kwokuno: «Abahisiraheeri naꞌBayuda, bakola baja. Abagoma keera bakabagwata imbohe, banalahira kwo batagabaliika.

Habakuki 3:12

Wâli kizi lenga-lenga mu kihugo, iri unakoli rakiiri. Wanaminika igindi milala yoshi hiꞌgulu lyoꞌbute.

Zakariya 14:12

Halikago, ku luhande lwa ábakayiji teera i Yerusaleemu, Nahano agabaleeteraga buno buhanya: Amagala gaabo gagaabola, banakiri bagumaana. Amasu gaabo, gagavunda ganakiri mu bikangara byago. Indimi zaabo, zigaabola zinakiri mu tunwa.