Zaburi 99:3 - Kifuliiru

³ E Nahano, yabo booshi bakizi yivuga iziina lyawe. Mukuba, liri likulu, linali lya kahebuuza, linali lyeru bweneene.

Zaburi 99:3 Referans Kwoze

Hisaaya 6:3

Yibyo biremwa, byâli kizi koobezania kwokuno: «Nahano woꞌbushobozi bwoshi ali mweru bweneene! Ee! Ali mweru! Ali mweru! Ikihugo kyoshi kiyijwiri mwoꞌbulangashane bwage.»

Bukengeeze 28:58

«Aaho! Mukizi ba makengwa. Mukizi kulikiriza amagambo gooshi ágali mu maaja za Rurema, nga kwo gali mayandike mu kino kitaabo. Munakizi simbaha Nahano, Rurema winyu, mu kukizi huuza iziina lyage, na mu kukizi liyoboha.

Zaburi 111:9

Akaguluula abandu baage, ananywana ikihango bo nabo, kinayamiri ho, halinde imyaka neꞌmyakuula. Iziina lyage, liri litaluule, linali lya kahebuuza.

Bwigule 4:8

Ngiisi kingisho-ngisho, kyâli hiiti ibyubi birindatu-birindatu. Yibyo byubi, byâli yijwiri kwaꞌmasu mu nda neꞌmugongo. Yibyo bingisho-ngisho, biyamiri biri mu yimba kwokuno úbwakya-úbwayira: «Nahano Rurema woꞌbushobozi bwoshi, ali mweru! Ali mweru! Ali mweru! Ye kiri ho, ye wanâli yamiri ho! Ye ganaki yija!»

Yohana 17:11

«Ndagaki beera hano mu kihugo, si ngola ngagalukira iyo munda uli. Haliko boohe, bagaki sigala mu kihugo. Ku yukwo, e Daata Mweru! Ukizi balanga ku bushobozi bwiꞌziina lyawe, lirya lyo ukambeereza. Kwokwo, lyo bagakizi tuula mu kati koꞌbuguma, nga kwo twembi tuli muguma.

Zaburi 145:17

Nahano ali mu gira íbikwaniini mu kati ka byoshi, anali mu ba akuuziri byoshi byo akabumba.

Zaburi 66:3

Mukizi bwira Rurema kwokuno: «Ngiisi byo uli mu gira, biri bya kitangaaza. Bwo uli kihagarusi bweneene, abagoma baawe bali mu yiji fukama imbere lyawe.

Nehemiya 4:14

Aahago! Ikyanya mugayuvwa izu lyeꞌkibuga, munayami kishololokera. Rurema witu ye gatulwira.»

Nehemiya 1:5

«E Nahano Rurema wa mwiꞌgulu! Wehe naaho, we mukulu, unali wa kahebuuza. Iri abandu bangaba bakukuuziri, banabe basimbahiri imaaja zaawe, uli mu kengeera ikihango kyo mukanywana, mu kati koꞌrukundo.

Yoshwa 24:19

Lyeryo, Yoshwa anabakengula, ti: «Mwehe, mutangahasha ukukolera Nahano. Si ali Rurema Mutaluule, anali noꞌluugi. Ikyanya mugaahuna, munakizi gira ibyaha imbere lyage, atagabikoga.

Bukengeeze 7:21

Ku yukwo, mutabayobohe, bwo Nahano, Rurema winyu muyamiinwi. Ye Rurema mukulu, anali wa kahebuuza.

Zaburi 76:1

Imwoꞌmwimangizi waꞌbimbi. Izaburi ya Hasafu. Luli mu yimbwa neꞌnanga. Ulwimbo.

1 Samweri 2:2

Ndaaye gundi úli mweru nga Nahano, ndaanaye gundi Rurema. Ndaaye úli lwala nga Rurema witu.

Yeremiya 20:11

Kundu kwokwo, Nahano ayimaaziri ha butambi lyani, ali kikalage kyeꞌndwani. Ku yukwo, balya booshi ábakola mu ndibuza, bagasiitara, banayideedeke haashi. Ee ma! Bwo batashobwiri ukumbima, bagalonga ishoni, banakizi teteerwa imyakuula, halinde ishoni zaabo zitâye yibagirwe.

Zaburi 76:12

Ikyanya uli mu lagaania Rurema Nahamwinyu igambo, umúgirire lyo. Abandu bakwaniini bakizi músimbaha. Kwokwo, mwe binyamahanga, mukizi múleetera amatuulo.

Nehemiya 9:32

«E Rurema witu, ulyagagi mukulu bweneene, unali wa kahebuuza. Ikyanya uli mu nywana ikihango kuguma na nyiitu, uyamiri ugweti ugakisimbaha. Aaho! Ulolage ngiisi kwo twahanyagala, ukulyokera ku kyanya kyaꞌbaami beꞌHasuriya, halinde zeene. Emwe! Twalibuuka ngana-ngana, kuguma naꞌbaami biitu, naꞌbatwali biitu, naꞌbagingi biitu, naꞌbaleevi biitu.

Nehemiya 9:5

Ha nyuma, yabo Balaawi (Yeshuha, na Kadimyeri, na Baani, na Hashabineya, na Sherebiya, na Hodiya, na Shebaniya, na Petahya) banabwira abandu kwokuno: «Yimuki, mukizi huuza Rurema Nahamwinyu. Mukizi múhuuza, imyaka neꞌmyakuula. E Nahano, iziina lyawe likizi yivugwa. Mukuba, liri lya kahebuuza, linahuziibwi bweneene, ukuhima ibindi byoshi.

Zaburi 100:4

Muyingirage mu lubuga lweꞌnyumba yage, iri munadeta kongwa. Na mango mwaba mulukolaga mwo, mugenderere ukukizi múhuuza. Ee! Mukizi mútangira kongwa, iri munahuuza iziina lyage.

Zaburi 103:1

Izaburi ya Dahudi. E mutima gwani, ukizi huuza Nahano. Ngiisi íbindi mwo, ukizi huuza iziina lyage, kwo liri litaluule.