Zaburi 92:3 - Kifuliiru

³ Ee! Buli bwija, tukizi huuza urukundo lwawe ngiisi shesheezi. Na ngiisi bushigi, tunakuhuuze ngiisi kwo uli mwemeera.

Zaburi 92:3 Referans Kwoze

Zaburi 33:2

Mukizi yivuga Nahano mu kumúlakiza ululanga, lulya lweꞌmirya ikumi.

Zaburi 68:25

E Rurema, uli Rurema wani, unali we mwami wani. Abandu bagweti bagakukunga ku kisegengo, halinde unayingire ahandu haawe heeru.

Nehemiya 12:27

Lulya luzitiro lwaꞌkaaya keꞌYerusaleemu, ikyanya lukayuta, banalooza ukulutaluula imwa Rurema. Kwokwo, banakuumania Abalaawi booshi ukulyoka ho batuuziri, gira bayiji lushambaalira, mu kuyimba inyimbo zoꞌbwivuge. Bâli gweti bagaalasa isembaale ízilongiiri, neꞌnzeeze, neꞌbinubi.

2 Kutondobola 23:5

Ikindi kiguma kya kashatu, kigaaba ku kajumiro. Neꞌkizinda, kigaaba ha Mulyango gwoꞌLutaliro. Abandi booshi, bagabeera mu lubuga lweꞌnyumba ya Nahano.

1 Kutondobola 13:8

Dahudi naꞌBahisiraheeri booshi, banakizi tamba ku bushambaale bwingi, imbere lya Rurema. Bâli kizi yimba, iri banalasa inzeeze, neꞌbinanda, neꞌngoma, neꞌsembaale, neꞌbibuga.

Zaburi 9:16

Ibinyamahanga, kundu bikahumba ubuhya, haliko keera bikabuyihongoleka mwo byonyene. Neꞌkyanya bakatega amakira, kiziga amagulu gaabo, go gakagwatwa mwo.

1 Samweri 10:5

«Ha nyuma, ugaahika i Gibeyati-Helohimu, áhali ishumbi yaꞌBafirisiti. Ikyanya ugayegeera akaaya, ugahumaanana neꞌkiso kyaꞌbaleevi, bali mu lyoka iwa kuyikumba, banabe bagweti bagatanga ubuleevi, iri banalasa ibinubi, neꞌmiduuli, neꞌmiteera-teera, neꞌnzeeze.

Zaburi 149:3

Mukizi yivuga iziina lyage mu kukizi likinira. Mukizi lihuuza mu kulasa ingoma, kiri neꞌnzeeze.

Zaburi 57:8

E Rurema, umutima gwani gusikamiri. Ee! Gukoli sikamiri ngana-ngana. Kwokwo, ngakizi kuyimbira, mu kukuyivuga.

2 Kutondobola 29:25

Ha nyuma, mwami Hezekiya anabiika Abalaawi mu nyumba ya Nahano. Bâli gweti isembaale, neꞌbinanda, neꞌnzeeze. Akagira kwokwo, ukukulikirana na kwo Dahudi akagwanwa adeta, kiri na Gaadi, umuleevi wa mwami, noꞌmuleevi Natani. Yibyo byoshi, Nahano âli mali gwanwa abitegeka ku njira yaꞌbaleevi baage.

1 Kutondobola 25:6

Yabo booshi, bâli kizi rongoorwa na yishe. Bâli kizi yimba mu nyumba ya Nahano, bali neꞌsembaale, noꞌlulanga, neꞌnzeeze. Uyo Hasafu, na Yedutuni, na Hemani bo bâli kizi barongoora, mwiꞌyo mikolwa ya mwami.

1 Kutondobola 15:16

Dahudi anabwira abimangizi baꞌBalaawi, kwo mu beene wabo batoole abimbi, gira bakizi yimba ku bushagaluke, iri banalasa ibinanda, neꞌnzeeze, neꞌsembaale.

1 Kutondobola 23:30

Bâli kizi yimanga imbere lya Nahano, ngiisi lusiku shesheezi, kiri naꞌkabigingwe, gira bakizi tanga kongwa imwage, iri banakizi múhuuza.

2 Kutondobola 20:28

Neꞌri bakahika yo, bayami genda mu nyumba ya Nahano, bagweti bagaalasa ibinanda, neꞌmiduuli, iri banadihiriza ibibuga.

Zaburi 42:9

Mwiꞌzuuba, Nahano agweti aganyereka urukundo. Na bushigi, ndi mu longa ulwimbo lwoꞌkukizi múyivuga. Ye tumiri ndi mugumaana, kinatume ngakizi múhuuna.