Zaburi 92:1 - Kifuliiru

¹ Izaburi hiꞌgulu lyoꞌlusiku lweꞌSabaato.

Zaburi 92:1 Referans Kwoze

Zaburi 147:1

Tukizi huuza Nahano! Buli bwija tukizi yimbira Rurema witu inyimbo zoꞌbwivuge. Ee! Ukukizi múyivuga, kusimisiizi bweneene, kwo kunakwaniini.

Zaburi 107:1

Nahano ali mwija! Kwokwo, mukizi tanga kongwa imwage. Nahano anali mwemeera, anayamiri atukuuziri, halinde imyaka neꞌmyakuula.

Bahefeso 5:19

Mukizi yimbirana inyimbo zeꞌZaburi, neꞌzindi nyimbo zoꞌkuyikumba Nahano, íziri mu leetwa noꞌMutima Mweru. Mukizi yimba imbere lya Nahano ku mitima íshenguusiri!

Zaburi 135:3

Nahano ali mwija. Aaho! Mukizi yivuga iziina lyage. Mukizi múyimbira inyimbo zoꞌbwivuge. Kwokwo, kwo bimúkwaniini.

Zaburi 33:1

Mwe mukwaniini imbere lya Nahano, mukizi múyimbira ku bushambaale. Ee! Abandu boꞌkuli bakwaniini bakizi múyivuga.

Zaburi 73:28

Ha lwani niehe, buli bwija ngizi beera hoofi na Nahano Rurema. Mukuba, ye mwene ubushobozi bwoshi. Ku yukwo, ndi mu tibitira imwage. E Rurema, amiija go uli mu kizi kola, ngakizi gamenyeesa mu bandi.

Zaburi 107:8

Ku yukwo, bakizi tanga kongwa imwa Nahano. Mukuba, urukundo lwage luyamiri ho, anali mu gira ibisoomeza mu kati kaabo.

Zaburi 52:9

«Honyo! Uyu mundu, lolagi íbyamúkoleka kwo. Si atâli loziizi ukuyegamira Rurema! Agweti agayihega ku bugale bwage naaho. Âli loziizi ukuba kihagarusi, mu kukizi shereezania.»

Danyeri 5:18

«E mwami, Rurema alyagagi hiꞌgulu lya byoshi. Akaheereza yisho Nebukandeneza ubwami, noꞌbukulu, noꞌbuhagarusi, noꞌbulangashane.

Hisaaya 57:15

Rurema ayamiri ho imyaka neꞌmyakuula! Ali Mweruuka, anatuuziri mwiꞌgulu bweneene. Anadetaga kwokuno: «Nduuziri mwiꞌgulu bweneene, hanali hataluule. Na kwakundi, nduuziri kuguma na ngiisi úli mutuudu, anabe ayibiisiri haashi. Ee! Yabo batuudu, bwo bali mu yibiika haashi, kyo kitumiri ngabaheereza imisi mihyahya.

Zaburi 107:15

Ku yukwo, bakizi tanga kongwa imwa Nahano. Mukuba, urukundo lwage luyamiri ho, anali mu gira ibisoomeza mu kati kaabo.

Zaburi 54:6

Kundu kwokwo, Nahano Rurema agandabaala. Yenyene, agakizi nzikamya.

Zaburi 50:23

Ngiisi úgweti úgandangira ituulo lyoꞌkudeta kongwa, yoyo ye mu nzimbaha. Si nie Rurema! Ngiisi úgakizi ngulikira, ngakizi múkiza.»

Zaburi 82:6

Nꞌgadeta kwokuno: “Mweshi, mulyagagi bamungu! Ee! Muli baana ba Rurema úli hiꞌgulu lya byoshi.”

Baheburaniya 13:15

Kwokwo, tukizi yamaga tuli mu yivuga Rurema mu kati ka Yesu. Ee! Libe liꞌtuulo lyo tugakizi mútangira. Mukuba, ngiisi ábayemiiri iziina lya Yesu, yubwo bwivuge, byo bitumbwe byoꞌtunwa twabo.

Baheburaniya 4:9

Ku yukwo, abandu ba Rurema baki bikiirwi ubuluhuukiro ha nyuma lyeꞌmikolwa yabo.