Zaburi 82:8 - Kifuliiru

⁸ E Rurema, uyimukage, maashi! Ukizi twa imaaja za booshi ba mu kihugo. Si abandu baꞌmahanga gooshi bali beꞌmwawe!

Zaburi 82:8 Referans Kwoze

Bwigule 11:15

Umuganda wa kalinda anadihiriza ikibuga kyage. Lyeryo, mwiꞌgulu mwanayuvwikana amazu mahamu, ganadetaga: «Ubwami bwa kino kihugo, Nahano ye kola mwene bwo, bo noꞌlya Kirisito wage. Aganayama atwaziri imyaka neꞌmyakuula!»

Zaburi 2:8

Aaho! Umbuunage, gira uhaabwe ibinyamahanga. Ee! Ngakuheereza byo, bube buhyane bwawe, halinde ngiisi haꞌmahanga gahekiiri, hakizi ba ha mwawe.

Zaburi 96:13

Mukuba, ye gayiji twa imaaja zaꞌbandu booshi mu kihugo. Ee! Ngiisi ábatuuziri mu kihugo, agayiji twa imaaja zaabo ku njira íkwaniini, na mu kati koꞌkuli.

Zaburi 22:28

Yibyo byoshi, ikyanya Nahano agabigira, abandu mu mahanga gooshi bagabikengeera, banayije imwage. Imilala yoshi ya mu kihugo, bagafukama imbere lyage.

Zaburi 102:13

Kundu kwokwo, e Nahamwitu, wehe we twaziri hiꞌgulu lya byoshi, halinde imyaka neꞌmyakuula. Iziina lyawe ligakizi yama ho, halinde ibibusi byoshi.

Sefaniya 3:8

Nahano adetaga kwokuno: «Mundindirire! Ngoli shavwiri ngana! Kyo kitumiri ngayiji yimanga, gira ndange ubumasi bwaꞌmabi gaabo. Keera nashungika ukukuumania ibinyamahanga byoshi, gira mbayonere kwoꞌburaakari bwani, na njigiivye ikihugo kyoshi noꞌmuliro! Ehee! Si ndi munaluugi!

Mika 7:7

Si Abahisiraheeri boohe, bagweti bagaadeta kwokuno: Niehe, ngaloogeza ubutabaazi imwa Nahano. Ngalindirira Rurema, bwo ye gangiza. Ee! Rurema wani aganyuvwa!

Zaburi 44:26

Tukagoka, halinde tukoli lambamiri mu luvu. Amalanga giitu, tugayisiizi halinde kwiꞌdaho.

Mika 7:2

Yabo booshi ábâli simbahiri Rurema, batakiri ho. Mu kihugo kyoshi, mutakiri mundu mwija. Si abandu booshi bakola mu yitana. Banagweti bagakizi tegana umubashu.

Hisaaya 51:9

E Nahano woꞌbushobozi bwoshi! Vyuka maashi! Uvyukage! Ukizi koleesa ubushobozi bwawe, nga kwo wâli kizi gira yaho keera. Aaho! Ka utali we katema-tema kirya kingisho-ngisho Rahabu? Ka utanali we katumita kirya kingisho-ngisho kyoꞌmujoka gwa mu nyaaja?

Zaburi 7:6

Iri byangaba biryagagi kwokwo, umugoma wani andibite kwo, anangwate. Ee! Andibate-ndibate, halinde anyite, ananziike mu kuzimu.

Zaburi 76:10

E Rurema, ukayimuka, wanatwa imaaja za banangora-mabi. Haliko ngiisi ábali mu libuzibwa, boohe, uli mu bakiza.

Zaburi 94:2

Uyimukage, maashi! Si we mu twa imaaja zaꞌbandu booshi mu kihugo. Aaho! Ngiisi ábagweti bagayikangaata, ugire ubahane nga kwo bibakwaniini.