Zaburi 81:6 - Kifuliiru

⁶ Yulwo lubaaja, akabaheereza lwo, ku kyanya akateera ikihugo kyeꞌMiisiri. Nanayuvwa izu lyo mundamenywa, liri mu mbwira, ti:

Zaburi 81:6 Referans Kwoze

Hisaaya 9:4

Ibiraato byaꞌbasirikaani, kiri neꞌbyambalwa byabo íbiyijwiragi imiko, keera bikakabulirwa mu muliro, byanasingooka.

Hisaaya 10:27

Kundu Abahasuriya bagweti bagamùlibuza, haliko yago malibu gagaki mala. Kundu bakamùbetuza imiteekerwa mizito, igalyosibwa. Abasirikaani beꞌHasuriya bagalyoka i Rimooni,

Kulyoka 6:6

«Ku yukwo, ubwirage Abahisiraheeri kwokuno: “Niehe, nie Nahano! Ngamùlyosa mu buja bwaꞌBamiisiri, mutaganaki bakolera. Ngamùguluula noꞌkuboko kwani kwoꞌbushobozi. Neꞌkyanya ngakizi bahana, ngakizi bagira mweꞌbitangaaza bya kahebuuza.

Mataayo 11:29

Mukizi betulira ku ngata yani, na mbe nie mugakizi yigira kwo. Kwokwo, lyeꞌmitima yinyu ilonga ukuluhuuka. Mukuba, ndi mu nogerana, na ndi mutuudu.

Kulyoka 1:14

Banakizi bakoleesa ngana, buzira kubakejeerera. Neꞌri hakazindaga, yabo Bahisiraheeri banakizi humba ibumba lyoꞌkukizi bumba amatafaari. Banakizi gira neꞌgindi mikolwa mingi ya mu ndalo. Bâli koli tuuziri mu makuba ngana-ngana, iri banakizi yitubanula bweneene.

1 Kutondobola 4:23

Yaba bagala Sheela, bo babumbi, banâli tuuziri mu kaaya keꞌNetayimu, naꞌkeꞌGedera. Banâli kizi kolera yo mwami.

Zaburi 114:1

Abahisiraheeri, beene Yakobo, bakalyoka mu kihugo kyeꞌMiisiri, mu bandu beꞌgindi-gindi ndeto.

Zaburi 122:4

Imilala yaꞌBahisiraheeri, haaho ho bali mu zamuukira, gira bagendi huuza iziina lya Nahano. Iyo migeeza, Abahisiraheeri bakoli gihaabirwi.