Zaburi 81:5 - Kifuliiru

⁵ Twe beene Yakobo, Rurema yenyene ye katubiikira ulubaaja kwo tukizi múyimbira. Ee! Ye Rurema waꞌBahisiraheeri, ye kakyula kwokwo.

Zaburi 81:5 Referans Kwoze

Zaburi 114:1

Abahisiraheeri, beene Yakobo, bakalyoka mu kihugo kyeꞌMiisiri, mu bandu beꞌgindi-gindi ndeto.

Yeremiya 5:15

Nahano adetaga kwokuno: «E Bahisiraheeri, munyuvwirize. Ngola ngaleeta ibinyamahanga, gira biyiji mùteera. Yabo bandu, ikihugo kyabo kyâli yamiri ho ukulyokera kare. Neꞌndeto yabo, mutangagimenya. Ngiisi byo bali mu ganuula, mutagakizi biyuvwa.

Bukengeeze 28:49

«Nahano agaashimya ibinyamahanga ukulyoka hala, ku mbeka yeꞌkihugo. Yabo bandu, mutayiji indeto yabo. Banayiji mùtibukira kwo, nga kwo nyunda ali mu yivwima ku mutumba.

Zaburi 77:15

E Rurema, we mu kizi gira ibisoomeza. We nali mu kizi yereka ibinyamahanga ubushobozi bwawe.

Hisaaya 28:11

Kwokwo, Nahano akolaga agakizi ganuuza abandu baage mu gindi-gindi ndeto, mu kukoleesa indeto yeꞌmahanga.

Kulyoka 12:27

Mugakizi bashuvya: “Yiki kitugwa, liri ituulo lyeꞌPasaka, lyo tuli mu tanga imwa Nahano. Mukuba, ikyanya Nahano akayita Abamiisiri mu kihugo kyabo, anahinjuka ku nyumba ziitu twe Bahisiraheeri.”» Ikyanya Musa akayusa ukudeta, lyeryo Abahisiraheeri banayinika amatwe halinde haashi, banayikumba Nahano.

Kulyoka 12:12

«Mu bwobwo bushigi, ngalenga mu kihugo kyeꞌMiisiri, na nyite mweꞌfula zooshi, ziba za bandu, kandi iri zeꞌbitugwa. Nie Nahano, ngaahana imizimu yoshi yeꞌMiisiri.

Kulyoka 11:4

Musa anagendi bwira Faraho kwo Nahano akyula kwokuno: «Zeene, nga ku kahola-masiga, ngalenga mu kihugo kyoshi kyeꞌMiisiri.

Hamoosi 6:6

Si munagweti mugakizi gotomera idivaayi, nga ngiisi kwo musiimiri! Munali mu kizi yishiiga amalaasi goꞌmuhongolo mwija. Na kundu ikihugo kiinyu kikola kigaamala, si mutatwaziizi!

Hezekyeri 20:20

Yizo siku zeꞌSabaato zaani, mukizi zisimbaha, halinde zinakizi mùkengeeza kwo nie Nahano Rurema winyu.”

Zaburi 78:6

Kiri naꞌbaana ábagaki butwa bazimenyeesibwe, halinde abandu beꞌbibusi byoshi bakizi zimenya.

Bukengeeze 4:45

Ikyanya bakalyoka i Miisiri, Musa anababwira kwo bakizi simbaha iyi migeeza, naꞌmategeko, neꞌmaaja.

Kulyoka 12:29

Iri kakaba kahola-masiga, Nahano anayita ifula zooshi za mu kirya kihugo kyeꞌMiisiri. Zirya fula zo akayita, zikatondeerera ku fula ya mwami, kundu âli kizi bwatala ku kitumbi kyeꞌkyami. Zanahisa na ku fula za ábâli lashirwi mu nyumba zeꞌmbohe. Kiri neꞌbitugwa, akayita ibyana byabyo bya mbere.