Zaburi 81:11 - Kifuliiru

¹¹ Si niehe, nie Rurema Nahamwinyu. Nie kamùlyosa mu kihugo kyeꞌMiisiri. Kwokwo, muyamuule utunwa twinyu, gira mbakombeke ibyokulya.

Zaburi 81:11 Referans Kwoze

Bukengeeze 32:18

«E Bahisiraheeri, si keera mukagayiriza Lwala, anali ye kamùbuta. Mukayibagira Rurema, anali ye tumiri muli bagumaana.

Migani 1:30

Ikyanya nꞌgamùyerekeza, mutananyemeera. Neꞌkyanya nâli kizi mùhanuula, mutanandwaza.

Bukengeeze 32:15

«Kwokwo, kundu Abahisiraheeri bakajega, haliko banahuna imbere lyage. Emwe! Bakalya, banajega, banafiika. Ha nyuma, banajanda Rurema wabo, kundu ye kababumba. Bakagayiriza lukiza wabo, kundu ali lwala lukomu.

Kulyoka 32:1

Ikyanya Abahisiraheeri bakabona kwo Musa atinda bweneene ku mugazi, banakuumanira Harooni, banamúbwira: «Ewe! Kundu Musa akatushaaza i Miisiri, si tutaki yiji íbyamúkoleka kwo. Aaho! Utugirire ngana imigisi, gira ikizi turongoora.»

Baheburaniya 10:29

Aaho! Kutagi kwo bigaaba, iri umundu angaba ali mu kandagira Umwana wa Rurema yenyene? Anabe agayiriziizi noꞌmuko gweꞌkihango, kundu keera gukamúyeruusa. Anabe adusiri kiri noꞌMutima Mweru gwoꞌbugashaane. Umundu mwene uyo, ka itali yo haahe kwo agahanirizibwa bweneene!

Zakariya 7:11

Bashokuluza biinyu, bâli kizi lahira ukunyuvwa. Bakambeereza ingoto, iri banaziba amatwiri gaabo, gira batayuvwe.

Kulyoka 6:6

«Ku yukwo, ubwirage Abahisiraheeri kwokuno: “Niehe, nie Nahano! Ngamùlyosa mu buja bwaꞌBamiisiri, mutaganaki bakolera. Ngamùguluula noꞌkuboko kwani kwoꞌbushobozi. Neꞌkyanya ngakizi bahana, ngakizi bagira mweꞌbitangaaza bya kahebuuza.

Kulyoka 16:6

Musa na Harooni, banabwira Abahisiraheeri booshi: «Nahano, akoli yuvwiti ngiisi kwo mugweti mugamúyidodombera. Aaho! Kabigingwe, lyo mugaamenya kwo yenyene ye kamùlyosa mu kihugo kyeꞌMiisiri. Na kusheezi shesheezi, mugaabona ubulangashane bwage. Si twehe tuli nga banyandi, halinde mwangakizi tuyidodombera?

Kulyoka 20:2

«Niehe, nie Nahano Rurema wawe. Nie kakulyosa mu buja, mu kihugo kyeꞌMiisiri.

Bukengeeze 5:6

“Niehe nie Nahano, Rurema wawe. Nie kakulyosa mu buja, mu kihugo kyeꞌMiisiri.

2 Baami 4:3

Hirisha anamúbwira kwokuno: «Ugendage imunda abatuulani baawe, unatiize yeꞌbirugu, halinde bibe bingi bweneene.

Yeremiya 16:14

Nahano ashubi detaga kwokuno: «Mu siku ízigayija, ndaaye mundu úgashubi biika indahiro, mu kudeta: “Nga kwo Nahano ayamiri ho, ulya úkalyosa Abahisiraheeri mu kihugo kyeꞌMiisiri.”

Luka 11:25

«Neꞌkyanya kiri mu shubi gihika mwo, kinagwane ikola mbiize, inakola ndimbiise bwija.