Zaburi 7:1 - Kifuliiru

¹ Ulwimbo lwa Dahudi, hiꞌgulu lyoꞌkuganyira Kuushi mwene Binyamiini.

Zaburi 7:1 Referans Kwoze

Zaburi 31:15

E Nahano, kundu kwokwo, we mbiisiri kwoꞌmulangaaliro. Na buno, ngweti ngakubwira: «We Rurema wani!»

Habakuki 3:1

Umuleevi Habakuki akahuuna Rurema, kwokuno:

1 Peturu 4:19

Kwokwo, iri abandu bangalibuzibwa ukukulikirana noꞌbulooze bwa Rurema, bakwiriiri bayihangaane mu kukizi gira amiija. Banayisikiirize mu maboko gaage. Mukuba, ye kababumba, anali mwemeera.

Zakariya 14:5

Mwomwo mwiꞌyo ndekeera, mwo mugatibitira. Igayajabuka halinde i Hashali. Mugatibita, nga kwo bashokuluza biinyu nabo bakatibita hiꞌgulu lyoꞌmusisi, ku kyanya kyoꞌmwami Huziya weꞌBuyuda. Haaho, lyo Nahano Rurema wani, agayija ali kuguma naꞌbaganda baage bataluule.

Danyeri 9:4

«Nanayilega imbere lya Rurema kwokuno: «“E Rurema Nahamwitu! Utuuziri hiꞌgulu bweneene, unali wa kahebuuza! Ngiisi ábakukuuziri, banakusimbahiri, uli mu nywana ikihango mwe nabo mu kati koꞌrukundo, unali mu kizi kikengeera.

Yeremiya 31:18

«Nyuvwiti ngiisi kwaꞌBahifurahimu bakola mu yidodomba, mbu: “E Nahano! Twâli riiri nga nyana ítazi hetwa ukubetula ingata. Watuhaniiriza bweneene, halinde twanagiyiga. Aaho! Utugalulage, halinde tushubi ba bandu baawe. Si wenyene naaho, we Rurema Nahamwitu!

Yeremiya 20:11

Kundu kwokwo, Nahano ayimaaziri ha butambi lyani, ali kikalage kyeꞌndwani. Ku yukwo, balya booshi ábakola mu ndibuza, bagasiitara, banayideedeke haashi. Ee ma! Bwo batashobwiri ukumbima, bagalonga ishoni, banakizi teteerwa imyakuula, halinde ishoni zaabo zitâye yibagirwe.

Yeremiya 15:15

Nanashuvya: «E maashi Nahano, unyiji bwija. Unayijagi ngiisi kwo ngweti ngateezibwa ishoni hiꞌgulu lyawe. Aaho! Ungengeerage, unakizi mbahala. Balya bagoma baani, ubahaniirize. Si iri wangabayigenderera, hali ikyanya bangakengeera banyita.

Hisaaya 50:10

Mu kati kiinyu, nyandagi úyobohiri Nahano, anabe asimbahiri umukozi wage? Iri wangaba ukiri mu genda mu kihulu buzira itara, ugire ukizi yihega ku Nahano Rurema, unamúbiike kwoꞌmulangaaliro.

Zaburi 89:26

Ngamúyushuulira ubutwali bwage, ukulyokera ku nyaaja Mediterane, halinde ku lwiji Hefuraati.

Zaburi 43:4

Haaho, na ngende ha katanda kaawe. Mukuba, we ngweti ngashambaalira, unali we busiime bwani. E Rurema wani, ngakizi kuyivuga, mu kukizi lasa inzeeze.

Zaburi 32:10

Banangora-mabi bagweti bagalonga amakuba mingi. Haliko, ngiisi ábabiisiri Nahano kwoꞌmulangaaliro, boohe, ali mu kizi bakunda. Ee ma! Lulya rukundo lwage, lutâye male.

Zaburi 30:12

Ikyanya nâli kizi bululuka, na nyambale ibisheeba, haaho, wâli kizi ndabaala. Na buno, ngoli gweti ngakina ku bushambaale.

Zaburi 30:2

E Nahano, ngakizi kuhuuza. Mukuba, utaleka mbwaꞌbagoma baani bakizi mbonyoleza, si ukanyinamula.

Zaburi 26:1

Izaburi ya Dahudi. E Nahano, nyamiri ndungiini, na ngubiisiri kwoꞌmulangaaliro, buzira kuhizaanwa. Kwokwo, umbulanire, maashi!

Zaburi 18:28

Ee! Abanabwikangaate, uli mu batindimaza. Si abatuudu boohe, uli mu bakiza.

Zaburi 18:2

E Nahano, ngukuuziri! Mukuba we ndi mu longera mweꞌmisi.

Zaburi 13:5

Utaleke abagoma baani bayihaye, mbu: «Keera twamúhima!» Batanashambaale, mbu bambima.

Zaburi 13:3

Abagoma baani bagweti bagambima. Aahago! Ngashenguka mu kati koꞌmwizingeerwe, halinde mangoki?

Zaburi 11:1

Imwoꞌmwimangizi waꞌbimbi. Izaburi ya Dahudi. Mbiisiri Nahano kwoꞌmulangaaliro, gira akizi ndanga. Aahago! Kuti kwo wangaki mbwira: «Uyinywerereke nga kanyuni, mu kupuumukira ku mugazi gwawe.»

Zaburi 3:7

Kundu ngoli zungulusirwi neꞌbinoono byaꞌbagoma, ndaakyo kyoba nyuvwiti.

Yoshwa 14:8

Mukuba, ngiisi beene witu bo twâli gendiinwi boohe, bakayiji hemura abandu. Si niehe nâli kizi kulikira Rurema Nahamwitu, ku mutima gwani gwoshi.

1 Peturu 1:21

Kunali ku njira ya Kirisito kwo muyemiiri Rurema. Neꞌkyanya Rurema akamúzuula mu bafwiri, anamúkuza mu bulangashane. Kwokwo, mubiikage ubwemeere bwinyu, noꞌmulangaaliro gwinyu, imwa Rurema.

Zaburi 25:2

unali we mbiisiri kwoꞌmulangaaliro. Aaho! Utandekage mbu ndonge ishoni. Utanaleke kwaꞌbagoma baani bambime, mbu bashambaale.