Zaburi 6:2 - Kifuliiru

² E Nahano, ikyanya uganyerekeza, kutabe ku bute. Neꞌkyanya ugambana, kutabe ku buraakari.

Zaburi 6:2 Referans Kwoze

Hosheya 6:1

Haaho mugaadeta kwokuno: «E maashi, mugirage tugalukire Nahano! Kundu akatujanganula-janganula, haliko ye ganashubi tukiza. Na kundu akatubeza zirya nguma, haliko ye ganashubi tulunga zo.

Zaburi 31:10

E Nahano, buno ngweti ngalibuuka bweneene. Aaho! Unyuvwirwe indengeerwa. Amasu gaani, keera gakakanga hiꞌgulu lyoꞌmwizingeerwe. Na ngoli shengusiri bweneene mu mutima gwani, kiri na mu magala gaani.

Zaburi 30:2

E Nahano, ngakizi kuhuuza. Mukuba, utaleka mbwaꞌbagoma baani bakizi mbonyoleza, si ukanyinamula.

Yeremiya 17:14

E Nahano! Ungizagye, lyo ngira lwoshi-lwoshi. Unanguluule, lyo nguluulwa ngana-ngana. Si wehe, we ngweti ngayivuga!

Zaburi 51:8

Kundu kwokwo, uloziizi kwoꞌmundu akizi tuula mu kuli. Ku yukwo, unyigirize, mbe mwitegeereza.

Bukengeeze 32:39

«“Lolaga! Si nienyene nie Rurema! Ndaaye gundi, átali niehe naaho. Nie mu yita, na ndi nie mu lamiisa. Ndi mu yita umundu, na njubi múheereza ubugumaana. Keera namùkomeeresa. Haliko buno, ngola ngamùkiza. Ndaaye úwanganyugutula umundu mu maboko gaani.

Zaburi 38:7

Ngweti ngakunanguka halinde haashi, keera nanahimba. Ubwakya-ubwayira, ndi mu genda njengiirwi.

Zaburi 38:3

Si imyambi yawe, igweti igandumita! Ukuboko kwawe, kunangandamiiri.

Zaburi 32:3

Ikyanya nâli lahiiri kwo ndali munabyaha, nâli kizi shiiba ngweti ngagongeera-gongeera. Yoho wee! Amavuha gaani gâli kola mu poshola bweneene.

Ndondeko 20:17

Mukuba, uyo Saara, ikyanya akatwalwa imwa Habimereki, kyanatuma Nahano agayami hangika ibuta lyaꞌbakazi booshi ba mu nyumba yage, bwo Saara âli kola muka Hiburahimu. Haliko, Hiburahimu akahuuna Rurema, anakiza Habimereki, na mukaage, kiri naꞌbaja-kazi baage, halinde banashubi longa ukubuta.

Mataayo 4:24

Umwazi hiꞌgulu lya Yesu, gwanalumbuuka mu kihugo kyoshi kyeꞌSiriya, kyanatuma abandu bagakizi múleetera abalwazi booshi ba ngiisi malwazi. Mu kati kaabo, baguma bâli lyaniirwi bweneene! Abandi, bâli bambwirwi neꞌbisigo. Naꞌbandi bâli riiri noꞌbufukunyi. Naꞌbandi bâli zingamiri. Yabo booshi, Yesu anakizi bakiza.

Zaburi 22:14

Bakoli yashwiri utunwa twabo, nga ndare, banagweti bagalunduma, gira banjanganule.

Hayubu 5:18

Mukuba, kundu ali mu komeresania, haliko, ali mu shubi buka. Na kundu ali mu leeta ubulyaniirwe, haliko anashubi kiza.

Muharuuro 12:13

Kwokwo, Musa anatakira Nahano: «E Rurema, we kongwa umúkizagye.»

Kulyoka 15:26

Anadeta: «Niehe nie Nahano, Rurema winyu. Na ndi nie mu mùkiza. Kwokwo, iri mwangakizi yuvwiriza izu lyani ku bwitonde, ndagamùleetera ikiija, kundu nꞌgakireetera Abamiisiri. Ku yukwo, ikyanya ngakizi mùbwira igambo, mukwiriiri mukizi ndega amatwiri, munakizi gira íbikwaniini imbere lyani. Imaaja zaani, mukizi zisimbaha, nga ngiisi kwo nakyula.»

Hayubu 19:21

«E biira baani, munyuvwirwe indengeerwa maashi! Munyuvwirwe indengeerwa. Si Rurema keera akandumuula uluhi.

Zaburi 38:2

E Nahano, utakizi nyerekeza ku kyanya ukoli rakiiri, utanambanage ku bute bwawe.

Yeremiya 10:24

Aahago! Ikyanya ugambana, kutabe ku buraakari bwawe. Neꞌkyanya uganyerekeza, kube mu kati koꞌkuli. Buzira kwokwo, wangakengeera wanzimiiza.