Zaburi 5:3 - Kifuliiru

³ We Rurema wani, unali we mwami wani. Kwokwo, ikyanya ngweti ngakutabaaza mu kati kaꞌmalira, unyuvwirize. Ndaaye gundi ye ngahuuna, útali wenyene naaho.

Zaburi 5:3 Referans Kwoze

Zaburi 119:147

Ndi mu kizi vyuka ku mutwezi, gira ngutabaaze. Igambo lyawe, lyo mbiisiri kwoꞌmulangaaliro.

Zaburi 88:13

Ibisoomeza byawe, bitamenyekiini yaho áhali ikihulu. Kundu uli mu gira íbikwaniini, bitangaki menyeekana haꞌbandu bali mu yibagirwa.

Mariko 1:35

Iri hakaba shesheezi kare-kare, bútazi tejuukana, Yesu anavyuka, anahuluka mu nyumba, anagendi huuna Rurema áhayiheriiri.

Zaburi 130:6

Umutima gwani guli mu lindirira Nahano, ukuhima kwoꞌmulaliizi ali mu lindirira kwo bukye. Ee! Ukuhima kwoꞌmulaliizi ali mu lindirira kwo bukye.

Zaburi 55:17

Haliko niehe, ngakizi tabaaza Nahano Rurema, halinde anangize.

Hisaaya 26:9

Ngiisi bushigi, umutima gwani guli mu kuyidula. Gunaki kuyiduziri, halinde na shesheezi. Ikyanya uli mu tuyereka íbikwaniini, lyaꞌbandu bali mu biyiga, banatuule bwija.

Zaburi 69:16

Utaleke ngumbululwe noꞌmwijulire gwaꞌmiiji, mbu gumbungukane. Utanaleke kwaꞌmabenga ganyulubize. Ee! Utaleke mbu nimirwe na Narufu.

Zaburi 22:2

E Rurema wani, e Rurema wani! Kituma kiki wanjandirira? Si wayisunga hala, utanayiji ndabaala! Kundu ngweti ngagongeera, si ukola nga útayuvwiti.

Hayubu 34:28

«Yabo bandu, bali mu liza kiri naꞌbakeni, halinde amalira gaabo, Rurema yenyene ali mu gayuvwa.

Zaburi 44:5

Uli Rurema wani, unali mwami wani. We mu kyula, halinde beene Yakobo banakizi hima.

Zaburi 74:12

E Rurema, wehe we yamiri uli mwami witu ukulyokera kare. Unali we mu kiza abandu baꞌmahanga gooshi.

Zaburi 84:4

E Nahano woꞌbushobozi bwoshi, we mwami wani, we na Rurema wani. Kiri neꞌkisholya kiyubasiri ingisha hoofi naꞌkatanda kaawe koꞌkutangira kwaꞌmatuulo. Akalembe-lembe nako kali mu kizi giyubaka ho, kanaberere mweꞌbyananyuni.

Zaburi 130:2

Kwokwo, unyuvwirwe indengeerwa. Unandegage amatwiri, uyuvwe ngiisi kwo ndi mu deta.

Zaburi 145:1

Izaburi ya Dahudi. E Rurema, ngakizi kuhuuza, bwo we mwami wani. Ngakizi huuza iziina lyawe, halinde imyaka neꞌmyakuula.

Kimombo 3:56

Nâli gweti ngakutakira kwokuno: «Unyuvwirize, we kongwa! Si ngweti ngakulirira, mu kukutabaaza!»