Zaburi 47:1 - Kifuliiru

¹ Imwoꞌmwimangizi waꞌbimbi. Izaburi yaꞌbaana ba Koora.

Zaburi 47:1 Referans Kwoze

Zaburi 106:47

E Rurema Nahamwitu, utukizagye, maashi! Utukuumanie, unatulyose mu binyamahanga, gira lyo tukizi huuza iziina lyawe, kwo liri lyeru. Ee! Tugakizi yiyuvwa, mu kukuyivuga.

Zaburi 98:4

Mwe bandu baꞌmahanga gooshi, mukizi bandira Nahano akabuuli. Mukizi na múhuuza, iri munayimba ku bushambaale.

Yeremiya 31:7

Nahano adetaga kwokuno: «Mushambaale, munakizi yimba hiꞌgulu lyaꞌBahisiraheeri. Munakizi babandira akabuuli, bwo bakoli himiri ibinyamahanga byoshi. Mukizi balumbiisa, iri munabahuuza kwokuno: “E Nahano! Ukizagye abandu baawe, balya ábasigiiri mu Bahisiraheeri!”

Hisaaya 55:12

Mugalyoka i Babeeri ku bushambaale, munarongoorwe mu kati koꞌmutuula. Imigazi noꞌtugangazi bigakizi mùbandira akabuuli, iri binamùyimbira. Kiri neꞌbiti byoshi bya mu mbingiro bigakizi mùkomera amagasha.

Zaburi 46:1

Imwoꞌmwimangizi waꞌbimbi. Izaburi yaꞌbaana ba Koora. Luli mu yimbwa kwiꞌzu lihanike.

Zaburi 47:5

Kino kihugo kyo tutuuziri mwo, Nahano ye katutoolera kyo. Mukuba, twe beene Yakobo, anali mu yiyuvwa hiꞌgulu liitu, anatusiimiri.

2 Baami 11:12

Ulya muluzi, Yehoyada anamúhulusa ha mbuga, anamúyambika ulushembe kwiꞌtwe, anamúheereza neꞌkitaabo kyeꞌkihango. Ha nyuma, banamúshiiga amavuta, mu kumúyimika abe mwami. Banamúkomera amagasha, iri banayivugiiriza, ti: «Mwami alame imyaka neꞌmyakuula!»

2 Samweri 6:15

Kwokwo, Dahudi naꞌBahisiraheeri booshi, banaleeta yako Kajumba, iri banabanda akabuuli, noꞌkudihiriza ibibuga.

Zakariya 9:9

E bandu beꞌSayuni! Mushambaalage! E bandu beꞌYerusaleemu! Mubandage akabuuli! Langiizi! Mwami winyu agweti agamùyijira. Uyo mwami, ye kwaniini, anali muhimi. Kuguma na yibyo, ali mutuudu, anashoniri ku punda. Punda wage, akiri mwanuke.

Zakariya 4:7

Kiri na nangungubanga woꞌmugazi, gutagakuhangirira. Si ugagushaabula! Neꞌkyanya ugabiika ibuye lyeꞌmbeka mu nyumba ya Rurema, abandu bagakizi deta kiranga, ti: “Ibuyahiri! Ibuyahiri!”»

Zaburi 98:8

Inyiiji zikizi koma amagasha ku busiime. Neꞌmigazi ikizi yimba ku bushambaale.

2 Kutondobola 13:15

Naꞌbasirikaani baabo banabanda akaluulu. Balya Bayuda, ikyanya bakagira kwokwo, Rurema anabayuvwa, anayimula Yerobwamu, kuguma naꞌbasirikaani baage booshi. Kwokwo, kwoꞌlya Habiya naꞌBayuda bakabahima.

1 Samweri 10:24

Kwokwo, Samweri anabwira abandu booshi: «Uyu mundu, ye Nahano atoola mu kati kiinyu. Ndaanaye gundi úli nga ye.» Yabo bandu, banayami banda akabuuli, awi yiyi yiyi! Banakizi deta: «Mwami witu, ayame ho!»

Sefaniya 3:14

E bandu beꞌSayuni! Mukizi yimba kwiꞌzu lihamu. E Bahisiraheeri! Mukizi banda akabuuli, awi yiyi yiyi! E Yerusaleemu! Ushambaale, unakizi shagaluka ku mutima gwoshi!

Zaburi 42:1

Imwoꞌmwimangizi waꞌbimbi. Amigirizo gaꞌbaana ba Koora.