Zaburi 4:3 - Kifuliiru

³ Mwe bagoma, si mulyagagi banabibeesha! Ngiisi byo muli mu deta, biri bya busha. Aahago! Mugagenderera ukutyoza iziina lyani, halinde mangoki?

Zaburi 4:3 Referans Kwoze

Yohana 15:16

Mutali mwe mukandoola. Haliko nie nꞌgamùtoola. Nanamùtuma kwo mukizi gendi tongeka kweꞌbitumbwe, binayame ho. Kwokwo, ngiisi byo mugakizi huuna Daata kwiꞌziina lyani, agakizi mùheereza byo.

Zaburi 34:15

Atwikirage ku mabi, anakizi gira amiija. Akizi fiitirwa ku byangaleeta umutuula, binabe byo agakizi kulikiriza.

2 Peturu 2:9

Kwokwo, ikyanya abandu ba Nahano bali mu gezibwa, twabona kwo ayiji ngiisi kwo agabakiza. Naꞌbandu babi kwakundi, ayiji ngiisi kwo agakizi bahana, halinde ukuhisa ku lusiku lwo agabatwira kweꞌmaaja.

2 Timoteyo 2:19

Kundu kwokwo, ibya Rurema biyamiri bisikamiri. Biryagagi nga lutaliro lukomu úluyimangisirwi kwo yaga magambo: «Nahano ayijagi ábali beꞌmwage.» Lunali luyandike na kwokuno: «Umundu, iri angayideta kwo ali mundu wa Nahano, akwiriiri atwikire ku mabi gaage.»

Tiito 2:14

Yesu ye kayitangaga ayitwe hiꞌgulu liitu, gira atuguluule mu mabi gooshi. Kwokwo, lyo tuyeruusibwa, tunabe bandu baage ba yenyene, tunabe tufitiirwi mu kugira ngiisi miija.

1 Peturu 2:9

Haliko mwehe, Rurema keera akamùtoola, anamùhamagala kwo mulyoke mu kihulu, munayingire mu mulengeerwe gwage gwaꞌkahebuuza. Na buno, mukolaga bandu baage. Mukola bagingi mu bwami bwage, munakola mulala mutaluule. Kwokwo, mukwaniini mukizi múhuuza.

Kulyoka 33:16

Ee! Iri utangayemeera kwo tugendanwe, kutagi kwaꞌbandu bagaamenya kwo ngusimisiizi? Na kuti kwo bangamenya kwo tutali ngaꞌbandi bandu booshi ba mu mahanga?»

Zaburi 6:8

Na íbitumiri ndi mu lira kwoku, bwaꞌbagoma baani bakola katundu. Guno mwizingeerwe, gugweti gugafwifwitiza amasu gaani, gatanakiri mu bona bwija.

Bahefeso 2:10

Rurema ye katuhindula, halinde twanaba nga ngiisi kwo tukola. Mu kati ka Yesu Kirisito, akatugira tube bandu bahyahya, halinde lyo tulonga ukukizi gira imikolezi miija, nga kwo âli mali gwanwa ashungika.

Zaburi 50:5

Agababwira kwokuno: «Keera nꞌganywana ikihango naꞌbandu baani, ku njira yoꞌkutanga amatuulo. Aaho! Yabo booshi, mugendi bakuumania.»

Zaburi 31:23

Ikyanya nâli koli kangusiri hiꞌgulu lyeꞌkyoba, nanadeta: «Ala nie! Keera wanjandaga, utagaki mbwini.» Kundu kwokwo, nanakutabaaza, wanayami yuvwa amalira gaani.

Zaburi 56:9

Yulu lwimbo lwoꞌkukubululukira, ulukengeere, maashi! Imigenge yani, ukizi gisingula mu kibuhu, bwo ikoli yandisirwi mu kitaabo kyawe.

Zaburi 49:3

E bakulu na niinyu mwe bagunda, mutegage amatwiri. E bagale na niinyu mwe bakeni, muyuvwirize mweshi.

Zaburi 62:10

Si abandi booshi, balyagagi nga muuka naaho! Abatwali naꞌbagunda, booshi bali busha ngana. Nga booshi bangaleziibwi ku lugero, umuuka gwo muzito.