Zaburi 21:8 - Kifuliiru

⁸ Mwami abiisiri Nahano kwoꞌmulangaaliro. Na bwo Rurema úli hiꞌgulu lya byoshi ayamiri amúkuuziri isiku zooshi, atâye kakazibwe.

Zaburi 21:8 Referans Kwoze

Hisaaya 10:10

Abandu ba yago maami gooshi, si bâli hiiti imigisi ya kahebuuza, ukuhima imigisi yeꞌYerusaleemu, na yeꞌSamariya! Kundu kwokwo, keera nꞌgabaminika booshi.

Zaburi 72:9

Abandu ábatuuziri mwiꞌshamba bakizi múfukamira. Kiri naꞌbagoma baage, bakizi lamba ulukungu imbere lyage.

Bwigule 19:15

Noꞌyo úwâli barongwiri, mu kanwa kaage, mwâli mubangikage ingooti nyugi. Agagikoleesa, mu kuminika abandu baꞌmahanga gooshi: «Agabatwala neꞌngoni yeꞌkyuma.» Noꞌburaakari bwa Rurema woꞌbushobozi bwoshi, agabuyerekana mu kubukandagirira mu mukenge.

1 Bakorindo 15:25

Bikwiriiri Kirisito agenderere ukukizi twala, halinde ukuhisa ku kyanya Rurema agabiika abagoma baage booshi mwiꞌdako lyaꞌmagulu gaage.

Luka 19:27

«“Aahago! Balya bagoma baani ábakalahira kwo ndayimikwe, mubaleetage hano! Munayami bayitira haaha imbere lyani!”»

Luka 19:14

«Uyo mundu, abandu ba mu kihugo kyage bâli múshombiri bweneene! Kyanatuma bagamúkulikiza kweꞌndumwa, ti: “Uyu mundu, tutaloziizi kwo abe mwami witu!”

Zaburi 18:1

Imwoꞌmwimangizi waꞌbimbi. Izaburi ya Dahudi, umukozi wa Rurema. Akaluyimba ikyanya Nahano akamúkiza mu maboko ga Sahuli, na mu gaꞌbandi bagoma baage.

Zaburi 2:9

Birya binyamahanga, ugakizi birongoora neꞌngoni yeꞌkyuma, unakizi binyanyaga haashi, halinde binajajaguke nga nyungu ziꞌbumba.»

2 Samweri 7:1

Mwami Dahudi âli tuuziri mu kajumiro kaage. Nahano âli kizi múlanga naꞌbagoma baage booshi.

1 Samweri 31:3

Izibo lyanakungula bweneene ku Sahuli. Abasirikaani boꞌkulwisa imiheto, iri bakamúbona, banamúvurumika imyambi, yanamúhahaza bweneene.

1 Samweri 25:29

«Kundu abandu bangakizi kuhiiva mbu bakuyite, haliko Rurema Nahamwinyu agakizi kulanga, analange na booshi bo muliriinwi. Si abagoma baawe boohe, bakizi fwira ku mbinga. Bakizi ba ngiꞌbuye íryavugumulwa naꞌkahobola.

Zaburi 16:8

Nyamiri ndi mu biika Nahano imbere lyani. Na bwo ali uluhande lwani lweꞌlulyo, ndaabyo íbyangaki njagania.

Zaburi 109:20

Ngiisi ábagweti bagandega, kwokwo kwo Nahano agakizi bahemba. Mukuba, bali mu kizi ndeta buligo.