Zaburi 20:3 - Kifuliiru

³ Akizi kutumira ubutabaazi, ukulyoka mu nyumba yage nyeeru. Akizi na kusikamya ukulyoka ku mugazi Sayuni.

Zaburi 20:3 Referans Kwoze

Zaburi 51:19

Si amatuulo go uloziizi, guli mutima úgukoli noziri. E Rurema, umutima úgukoli noziri, gunakoli yibiisiri haashi, utagagugayiriza.

Mikolezi 10:4

Korineryo anamúhenekera hiꞌgulu lyeꞌkyoba, anamúbuuza: «E Nahano, biki?» Uyo muganda, ti: «Rurema keera ayuvwa amahuuno gaawe, anabwini na ngiisi kwo uli mu kizi tabaala abakeni. Ee! Yibyo byoshi, aki bikengiiri mwiꞌgulu.

2 Kutondobola 7:1

Sulumaani, mbu ayuse ukuhuuna Nahano, lyeryo ngana umuliro mwiꞌgulu, gwanayami tibukira haashi, gwanajigiivya galya matuulo gooshi. Mwiꞌyo nyumba ya Nahano, mwanayami yijula ubulangashane bwage.

Ndondeko 4:4

Habeeri naye, mu bibuzi byage, anayabiira mwo íbishishiri, íbikatangi butwa, anabitangira Nahano, libe ituulo. Nahano anasimiisibwa na Habeeri niꞌtuulo lyage.

1 Peturu 2:5

Kiri na niinyu, mukola mabuye magumaana ágayubasiri inyumba ya Rurema. Munakoli biisirwi mwiꞌyo nyumba nga bagingi baage beeru. Kwokwo, lyo mukizi mútangira amatuulo geꞌbyoꞌmutima. Ali mu gayemeera mu kati ka Yesu Kirisito.

Bahefeso 5:2

Mukizi kundana, nga kwo Kirisito naye keera akatukunda. Mukuba, akayitanga ayitwe hiꞌgulu liitu, libe ituulo lyoꞌkuhuumura bwija imbere lya Rurema.

Hisaaya 60:7

Mugahaabwa noꞌbuso bweꞌbitugwa ukulyoka mu beene Kedaari, munaleeterwe neꞌbipanga bya beene Nebayoti. Yibyo bitugwa, mugakizi bindangira, libe ituulo lyoꞌkusiriiza. Mu kugira kwokwo, lyo mugakizi njambaaza, halinde ubulangashane bunaboneke mu nyumba yani.

1 Kutondobola 21:26

Haaho, Dahudi anayubakira Nahano haꞌkatanda, anamútangira kwaꞌmatuulo goꞌkusiriiza lwoshi, na goꞌkuyerekana ingoome. Anahuuna Nahano ubutabaazi. Galya mahuuno ga Dahudi, Nahano anagayuvwa, anatibula umuliro kulyoka mwiꞌgulu. Yugwo muliro, gwanasiriiza yago matuulo ku katanda.

Balaawi 9:24

Yaho Rurema âli riiri, hanayami huluka umuliro, gwi! Gwanayami jigiivya lirya ituulo lyoꞌkusiriiza, gwanajigiivya neꞌbinyule íbyâli riiri ku katanda. Balya bandu booshi, iri bakabona kwokwo, banabanda akabuuli ku bushambaale, awi yiyi yiyi! Banagwa buubi imbere lya Nahano.

Zaburi 128:5

Nahano akizi kugashaanira, ukulyoka mu kaaya keꞌSayuni. Ee! Ubonage ngiisi kweꞌYerusaleemu igakizi genduukirwa,

Zaburi 134:3

Nahano, ulya úkabumba igulu neꞌkihugo, akizi mùgashaanira ukulyoka Sayuni.