Zaburi 20:2 - Kifuliiru

² Ikyanya ugalonga amakuba, Nahano akizi kutabaala. Ee! Iziina lya Rurema wa Yakobo, likizi kulanga.

Zaburi 20:2 Referans Kwoze

1 Baami 6:16

Ikisiika kyeꞌkati, kyâli kizi detwa Handu Heeru bweneene. Yikyo kisiika, kyâli noꞌbula-bula bweꞌmeetere ikumi, kyanalimbiisibwa neꞌmbahwa zeꞌmyerezi ukutondeerera haashi halinde hiꞌgulu.

Hisaaya 14:32

Aaho! Yizo ndumwa ízilyosiri mu Bafirisiti, kutagi kwo tugabashuvya? Tubabwirage kwokuno: «Akaaya keꞌSayuni, Nahano yenyene keera akakasikamya. Abandu baage bakeni, bagakizi katibitira mwo, halinde balongage ukulangwa bwija.»

Hisaaya 12:6

Mwe batuulaga beꞌSayuni! Mubandire Nahano akabuuli, awi yiyi yiyi! Ee! Ali Mutaluule waꞌBahisiraheeri. Anatuuziri mu kati kiinyu, ku njira ya kahebuuza!»

Zaburi 73:17

Haliko, ikyanya nꞌgayingiraga mu nyumba ya Rurema, lyoki lyo nꞌgasobanukirwa ngiisi kwaꞌbanabyaha bâye gooke.

Zaburi 3:4

E Nahano, kundu kwokwo, we siribo yani. Ee! We gweti ugambiika mwoꞌbulangashane, iri unanguza.

2 Samweri 6:17

Kalya Kajumba, banakayingiza mwiꞌheema lyo Dahudi âli shiiziri, banakatereka ahandu haako. Dahudi anayami tanga amatuulo goꞌkusiriiza lwoshi, na goꞌkuyerekana ingoome imbere lya Nahano.

2 Samweri 5:7

Kundu kwokwo, akaaya koꞌbutibitiro keꞌSayuni, mwami Dahudi anakagwata mbira. Na buno, kali mu buuzibwa Kaaya ka Dahudi.

Zaburi 54:3

E Rurema, umbulanire ku bushobozi bwawe, unangize kwiꞌziina lyawe.

Migani 18:10

Iziina lya Nahano, iri nyumba nzitire bweneene! Ábakwaniini bali mu gitibitira mwo, banagilongere mwoꞌmutuula.