Zaburi 2:1 - Kifuliiru

¹ Kituma kiki ibinyamahanga bigweti bigaraakara? Kundu biyamiri biri mu gira igambi libi, haliko liri lya busha.

Zaburi 2:1 Referans Kwoze

Bwigule 17:14

Yabo booshi, bagagendi lwisa yikyo Kyanabuzi. Haliko, kigabahima. Mukuba, yikyo Kyanabuzi, ye Nahano wa banahano. Anali ye Mwami wa baami. Neꞌkyanya kigaahima yabo baami ikumi, kigaaba kuguma naꞌbakulikizi baakyo bemeera, balya bo kikatoola, keera kikanabahamagala.»

Zaburi 46:6

Na bwo Rurema ali mwo, katâye shaganibwe. Si agayiji katabaala ku lukula.

Zaburi 21:11

Yabo bagoma, ugabaminika, kuguma naꞌbaana baabo booshi, hatanasigale kiri noꞌmuguma wabo.

Mataayo 21:38

«Halikago, balya bahiizi mbu balangiize ulya mwana, banahwehwetezania: “Si uliira, ye gahyana ibindu bya yishe! Aaho! Mugire tumúyite, gira tukabe twe tugabisigala mwo!”

Hisaaya 8:9

Mwe binyamahanga, kundu mugakizi banda akaluulu mwiꞌzibo, haliko mugaki vunika ngana! Yuvwi, mwe mulyosiri ku mbeka zeꞌkihugo! Kundu mugweti mugayikomeereza kwiꞌzibo, si mugavunika bitolo-bitolo! Ee! Kundu mugweti mugayikomeereza kwiꞌzibo, si mugavunika ngana!

Zaburi 18:42

Balya bagoma baani, ikyanya bâli koli loziizi woꞌkubatabaala, atanaboneka. Na kundu bâli kizi takiraga Nahano, si atanabayakula.

Mikolezi 5:33

Yabo bakulu, mbu bayuvwagwe kwokwo, arara-rara! Banalooza kwo babayite.

Luka 18:32

Agatangwa mu bapagaani, banamúshekeereze noꞌkumútuka, iri banamútwira amate.

Mikolezi 16:22

Lyeryo, ikigugu kyaꞌbandu kyanayami bimbira ku Pahulu na Siira. Yabo batwali, banabahogoleesa ibyambalwa byabo, banadeta kwo bahimbulwe.

Luka 22:5

Yiryo igambo, lyanabasimiisa bweneene, banamúlagaania kwo bagamúbulika ifwaranga.

Zaburi 46:7

Amahanga gakola mwaꞌkavulengo. Amaami ganagweti gagashaabuka. Ee ma! Rurema agweti agayiberekania kwiꞌzu, ikihugo kinayami jongoloka.

Zaburi 57:9

E mutima gwani, uvyukage! Kiri neꞌnzeeze neꞌnanga, muvyuke. Ngavyula umukyo noꞌlwimbo lwani.

Zaburi 74:23

Ukengeere na ngiisi kwaꞌbagoma baawe bakola mu kunaakira. Si yukwo kuyihaya kwabo, kugenderiiri halinde zeene!

Zaburi 83:3

Langiiza ngiisi kwaꞌbagoma baawe bagweti bagalunduma. Ka utabwini ngiisi kwo bakola bagakuteera?