Zaburi 16:3 - Kifuliiru

³ Abemeera baawe, kwo batuuziri mu kihugo, bo bali mu gingikwa. Baabo, bo banali mu nzimiisa.

Zaburi 16:3 Referans Kwoze

Baheburaniya 6:10

Rurema ayamiri alyagagi woꞌkuli. Atanganayibagira imikolwa yinyu, kandi iri ngiisi kwo mukakundana, mu kutabaala abandu baage. Kiri na buno, muki genderiiri ukukizi batabaala.

Migani 13:20

Ngiisi úli mu komeerana noꞌmwitegeereza, naye ali mu ba mwitegeereza. Si úli mu kombeerana naꞌbahwija, ali mu longa amakuba.

Migani 12:26

Umundu úkwaniini ali mu yegerezibwa naꞌbiira baage. Si banangora-mabi boohe, abaabo bali mu yami bahabura.

2 Kutondobola 6:41

E Nahano, uyimukage, uyiji beera ahandu haawe hoꞌkuluhuukira. Uyije kuguma naꞌKajumba kaawe keꞌKihango. Mukuba, ko kali mu yerekana ubushobozi bwawe. E Nahano Rurema, abagingi baawe, ubukize bukizi ba nga byo byambalwa byabo. Ngiisi ábakuyemiiri, bakizi banda akabuuli ku bushambaale.

Mikolezi 9:13

Hananiya anashuvya: «E maashi Nahano, si bandu bingi keera bakanganuulira ngiisi kwoꞌyo Sahuli akanyagaza abandu baawe iyo munda i Yerusaleemu!

Malaki 3:17

Nahano woꞌbushobozi bwoshi, adetaga kwokuno: «Yabo bandu, bagaaba beꞌmwani. Ikyanya ngatwira abandi ulubaaja, balya beꞌmwani, ngabaleka. Bigaaba nga kwo yishe woꞌmwana ali mu lereeja umwana wage úmúsimbahiri.

Hisaaya 62:4

Nahano ayamiri akusiimiri. Kiri neꞌkihugo kyawe, kikola kigaaba nga muhya wage. Ku yukwo, iziina lyawe, litagaki ba Mujandwa, kandi iri Mushaka. Si we kola ugaaba «malega ga Nahano», neꞌkihugo kyawe kigadetwa «muhya wa Nahano».

Migani 8:31

Ee! Nâli kizi shambaalira ikihugo na booshi ábakituuziri mwo. Nâli kizi shambaalira ukutuula kuguma naꞌbandu.

Zaburi 119:63

Ngiisi ábali mu ba bakuyobohiri, bali biira baani. Ndi mwira wa booshi ábasimbahiri imaaja zaawe.

Zaburi 116:15

Abandu ba Nahano, ikyanya bali mu fwa, naye ali mu lyanirwa bweneene.

Zaburi 101:6

Ikyanya ngaleeza amasu mu kihugo, ngakizi lola naaho ku bemeera. Boohe naaho, bo tugakizi kombeeranwa. Ee! Ngiisi ábagakizi ngolera naaho, bali baabalya bazira kashembo.

Zaburi 30:4

Kundu nâli yikiiri i kuzimu, utakayemeera kwo nyikire yo lwoshi, haliko, ukanzuula yo.

Tiito 3:8

Yaga magambo gooshi, galyagagi goꞌkuli. Ee! Gali miija ngana. Ganali naꞌkamaro mu bandu booshi. Kwokwo, ngiisi ábakoli biisiri Rurema kwoꞌmulangaaliro, ndoziizi ukizi bakomeereza go. Bakizi fiitirwa mu kukola imikolwa miija.

Bahefeso 1:1

Niehe Pahulu, nie ndumwa ya Yesu Kirisito, nga kwo Rurema âli loziizi. Nie ngweti ngamùyandikira, mwe bandu ba Rurema ba mu kaaya keꞌHefeso, mwe muli bemeera mu kati ka Yesu Kirisito.

Bagalatiya 6:10

Kwokwo, ku kyanya tugaaba tukiri noꞌbulyo, tukizi girira abandu amiija. Neꞌngingwe, tukizi gagirira beene witu ábayemiiri Yesu.

Lwimbo Lwija 7:10

Akanwa kaawe kali mu ndalusa nga divaayi nunu!» «Aahago! Iyo divaayi, ijalabande mu nda yoꞌmukundwa wani. Ee! Ishunguluke ku mishushu yage, inalenge ha kati ka miino!

Zaburi 122:8

E kaaya keꞌYerusaleemu, hiꞌgulu lya beene witu naꞌbiira biitu, ngakizi deta kwo ukizi ba mwoꞌmutuula.