Zaburi 15:2 - Kifuliiru

² Uyo mundu akwiriiri akizi gira íbikwaniini, buzira kuhuba, anakizi deta ukuli ku mutima gwage gwoshi.

Zaburi 15:2 Referans Kwoze

Migani 28:18

Umundu muzira mahube agakizi langwa bwija. Si ngiisi úli mu kizi shobania ukuli, agayami yideedeka haashi.

Bakolosaayi 3:9

Mutanakizi ki besherana. Mukuba, keera mukatwikira ku ngesho ziinyu mbi za keera.

Bahefeso 4:25

Kwokwo, mutwikire ku bibeesha! Ngiisi muguma winyu akizi bwira uwabo ibyoꞌkuli. Mukuba, tweshi tukolaga birumbu bya magala maguma.

1 Yohana 3:7

E baana baani! Mutayemeerage kwoꞌmundu amùhabure. Si Kirisito naaho ye kwaniini. Kwokwo, iri hangaba umundu úli mu gira íbikwaniini nga Kirisito, iri anakwaniini.

1 Yohana 2:6

Umundu, iri angadeta kwo atuuziri mu kati ka Rurema, akwiriiri akizi tuula nga kwo Yesu âli tuuziri.

Bahefeso 2:10

Rurema ye katuhindula, halinde twanaba nga ngiisi kwo tukola. Mu kati ka Yesu Kirisito, akatugira tube bandu bahyahya, halinde lyo tulonga ukukizi gira imikolezi miija, nga kwo âli mali gwanwa ashungika.

Mikolezi 10:35

Si ali mu yemeera abandu ba ngiisi mulala ábamúsimbahiri, banabe bali mu gira íbikwaniini imbere lyage.

Mika 2:7

E beene Yakobo! Ka mukwaniini ukukizi deta kwokwo? Ikyanya mukoli gweti mugaagira ibitalaalwe, ka Nahano angaki mùyigenderera? Nanga, maashi! Haliko, iri mwangakizi gira íbitungiini, lyoki amagambo gaani gangamùholeeza.

Zaburi 24:4

Ábahangwirwi ukugenda yo naaho, babe bandu baꞌmaboko gaabo gali shululu, neꞌmitima yabo, inabe iyeruusiri. Batagweti bagayikumba imigisi, batanali mu biika indahiro zeꞌbibeesha.

Baheburaniya 11:33

Yabo booshi bâli biisiri Rurema kwoꞌbwemeere, kyanatuma baguma baabo bagasinda ubugoma bwaꞌgandi maami. Abandi, banakizi twa imaaja ku njira íkwaniini. Abandi banayakiira byo Rurema âli mali gwanwa abalagaania. Abandi banafumba utunwa tweꞌndare.

Hisaaya 33:15

Abandu bangakira, iri bangakizi gira íbikwaniini, banabe bagweti bagaadeta ibyoꞌkuli, banabe batagweti bagalyalyania, mbu lyo bagala, banabe batanali mu lya ikitulire. Kiri noꞌkuyuvwa igambi lyoꞌkuyitana, batasiimiri, batanaloziizi ukubona íbitali nga byo.

Bagalatiya 2:14

Yabo booshi, ikyanya nꞌgabonaga kwo bataki kulikiiri Imyazi Miija mu kati koꞌkuli, nanayagagaza Peturu imbere lyaꞌbaabo booshi kwokuno: «Kundu ulyagagi Muyahudi, utaki tuuziri ngoꞌMuyahudi. Si ukoli tuuziri ngoꞌmundu weꞌgindi milala. Aahago! Kituma kiki uki gweti ugahagika kwaꞌbandu beꞌgindi milala bakizi kulikiriza imigeeza yaꞌBayahudi?»

Barumi 2:10

Haliko, ikyanya bali mu gira amiija, bâye longe ubulangashane, noꞌlushaagwa, noꞌmutuula, ukutondeerera ku Bayahudi, halinde ukuhisa ku bandu beꞌgindi milala.

Bwigule 21:8

Haliko, abahemu boohe, ahandu haabo hagaaba mwiꞌrya nyenga yoꞌmuliro kwo guli mu yaka bweneene. Bagalashwa mwo, kuguma na ábatali mu mbiika kwoꞌbwemeere, naꞌbanabitalaalwe, na ábali mu yitana, na ábali mu yerula, na ábali mu logana, na ábali mu yikumba imigisi, na ábali mu beesha booshi. Yulwo, lwo lugaaba ulufu lwa kabiri.»

1 Yohana 2:29

Mukoli yiji kwo Kirisito ayamiri akwaniini imbere lya Rurema. Mukwiriiri mumenye kwakundi, kweꞌri umundu angagira íbikwaniini imbere lya Rurema, iri akola mwana wage.

Luka 1:6

Bombi, bâli kwaniini imbere lya Nahano Rurema, banâli simbahiri imaaja zaage zooshi, iri banakizi gira ngiisi kwo akababwira.

Hisaaya 63:8

Nahano adetaga kwokuno: «Ku kasiisa, yaba Bahisiraheeri bali bandu baani, ndaanakyo kyanya bâye nyihindulire.» Kyo kitumiri Nahano agabakiza.

Zaburi 84:11

Iri nangahisa ulusiku luguma naaho ndi mu nyumba yawe, luhimiri isiku kihumbi zo nangamaziri ndi handi-handi. Nanganasiima ukukizi langa imiryango yeꞌnyumba ya Rurema wani, ho nangatuula mu nyumba za banangora-mabi.

Migani 20:7

Abandu ábakwaniini bali mu kizi gira íbitungiini. Kiri neꞌkyanya bakoli fwiri, abaana baabo bali mu yama bagashaniirwi.