Zaburi 136:1 - Kifuliiru

¹ Mukizi deta kongwa imwa Nahano, bwo ali mwija. Urukundo lwage, luyamiri ho, halinde imyaka neꞌmyakuula.

Zaburi 136:1 Referans Kwoze

Zaburi 118:1

Mukizi tanga kongwa imwa Nahano. Mukuba, ali mwija. Urukundo lwage luyamiri ho, halinde imyaka neꞌmyakuula.

1 Kutondobola 16:34

Mukizi deta kongwa imwa Nahano, bwo ali mwija. Ayamiri ali mu kundana, halinde imyaka neꞌmyakuula.

Zaburi 106:1

Tukizi huuza Nahano! Mukizi deta kongwa imwage, bwo ali mwija. Ayamiri ali mu kundana, halinde imyaka neꞌmyakuula.

1 Kutondobola 16:41

Hâli na Hemani, na Yedutuni, na balya booshi ábakatoolwa, ngiisi muguma kwiꞌziina lyage. Yabo, bâli kwaniini bakizi yivuga Nahano. Mukuba, urukundo lwage luli lweꞌmyaka neꞌmyakuula.

Zaburi 107:1

Nahano ali mwija! Kwokwo, mukizi tanga kongwa imwage. Nahano anali mwemeera, anayamiri atukuuziri, halinde imyaka neꞌmyakuula.

2 Kutondobola 20:21

Yehoshafaati, iri akahanuusa abandu, anatoola abimbi, bagwanwe imbere lyaꞌbasirikaani, bakizi yimbira Nahano, iri banamúyivuga hiꞌgulu lyoꞌbulangashane bwaꞌkahebuuza. Banayimba kwokuno: «Mukizi huuza Nahano! Mukuba, ubwija bwage, buyamiri ho, halinde imyaka neꞌmyakuula.»

Hizira 3:11

Banakizi tanga kongwa imwa Rurema, iri banamúyimbira inyimbo zoꞌbwivuge, kwokuno: «Nahano ali mwija. Anayamiri agweti agakunda Abahisiraheeri, halinde imyaka neꞌmyakuula.» Ikyanya abuubasi bakaba keera babiika indaliro zeꞌnyumba ya Nahano, abandu booshi banabanda akabuuli bweneene, mu kuyivuga Nahano.

2 Kutondobola 7:3

Yabo Bahisiraheeri, iri bakabona ngiisi kwoꞌmuliro gwatibukira haashi, hanaba noꞌbulangashane mu nyumba ya Nahano, banayami yubama haashi. Banakizi yikumba Rurema, iri banatanga kongwa kwokuno: «Nahano ali mwija. Urukundo lwage, luyamiri ho, halinde imyaka neꞌmyakuula.»

Luka 1:50

Ikyanya abandu bali mu ba bamúsimbahiri, ayamiri ali mu bakejeerera, halinde ibibusi byabo byoshi.

Yeremiya 33:11

Abandu bagakizi ba naꞌmalega, iri banayimba ku kisegengo. Ee! Bagakizi huuza Nahano, mu kumúyimbira inyimbo zoꞌbwivuge. Bagakizi yimba kwokuno: “Mukizi tangira Nahano kongwa, bwo ali mwija! Urukundo lwage, luyamiri ho, halinde imyaka neꞌmyakuula!” «Kino kihugo, ngashubi kigenduusa, nga kwo kyâli tuula yaho kare.» Kwokwo, kwo Nahano adesiri!

2 Kutondobola 7:6

Ku yikyo kyanya, abagingi naꞌBalaawi bâli yimaaziri ahandu haabo. Yabo Balaawi, bâli fumbiiti ibikolanwa byo mwami Dahudi akalingaania, gira bakizi yimbira mwo Nahano. Bâli gweti bagayimba: «Urukundo lwage, luyamiri ho, halinde imyaka neꞌmyakuula.» Lulya lwimbo, Dahudi ye wâli kizi luyimba, ku kyanya ali mu yivuga Rurema. Abagingi nabo, baabo ku bibuga, banabidihirize. Abahisiraheeri booshi, bâli yimaaziri yaho.

Zaburi 105:1

Mukizi tanga kongwa imwa Nahano, munakizi menyeesania ngiisi kwo ali mukulu. Ngiisi byo âli kizi kola, mukizi bimenyeesa mu binyamahanga byoshi.

Zaburi 119:68

Uyamiri uli mwija, unali mu gira amiija naaho. Aaho! Unyigirize ngiisi kwo uloziizi.

Zaburi 103:17

Si ngiisi ábasimbahiri Nahano, ayamiri abakuuziri, halinde imyaka neꞌmyakuula! Ali mu kizi gira íbikwaniini, halinde ku bibusi byabo byoshi.

Yuda 1:21

Mukizi yama mutuuziri mu rukundo lwa Rurema, iri munalindirira kwo Nahamwitu Yesu Kirisito agamùleetera ubulamu bweꞌmyaka neꞌmyakuula ku lukogo lwage.

Zaburi 100:5

Nahano ali mwija. Noꞌrukundo lwage luyamiri ho, halinde imyaka neꞌmyakuula. Ayamiri ali mwemeera, halinde ukuhisa ku bibusi byoshi.