Zaburi 112:2 - Kifuliiru

² Abaana baabo bagakizi ba bikalage mu kihugo, banabe bagashaniirwi.

Zaburi 112:2 Referans Kwoze

Ndondeko 17:7

«Yiki kihango kyo ngola mu nywana na naawe, ngakinywana kiri naꞌbandu ba mwiꞌkondo lyawe, halinde ku bibusi byabo byoshi íbyâye ki yije, halinde imyaka neꞌmyakuula. Ngaaba Rurema wawe wenyene, kiri na waꞌbandu ba mwiꞌkondo lyawe.

Migani 20:7

Abandu ábakwaniini bali mu kizi gira íbitungiini. Kiri neꞌkyanya bakoli fwiri, abaana baabo bali mu yama bagashaniirwi.

Zaburi 37:26

Yabo bandu bali mu kaabana ku mutima úgushenguusiri. Kiri naꞌbaana baage nabo, banakizi gashaanirwa.

Mikolezi 2:39

Mukuba, umuhango gwo Nahano Rurema witu akatulagaania, gulyagagi imwinyu. Guli neꞌmwa baana biinyu. Guli neꞌmwaꞌbandi booshi ábali hala, na ngiisi bo agaki hamagala.»

Zaburi 25:13

halinde banakizi genduukirwa. Kiri naꞌbandu ba mwiꞌkondo lyabo, nabo bagahyana ikihugo.

Zaburi 102:28

Wehe, uyamiri uli we yolya-yolya. Neꞌmyaka yawe, itâye heke.

Yeremiya 32:39

«Yabo bandu baani, ngababiika mweꞌmitono miguma, neꞌshungi nguma, halinde booshi banalonge ukukizi nyikumba imyaka neꞌmyakuula! Kwokwo, lyo bagakizi genduukirwa, kiri naꞌbandu booshi beꞌbibusi byabo.

Ndondeko 25:11

Ikyanya Hiburahimu akaba keera afwa, Hisake anatuula ha butambi lyeꞌKirigo Lahayi-Rohi, Rurema anakizi múgashaanira.

Migani 11:21

Banangora-mabi, ukuhanwa, bagaahanwa nyene. Si ábakwaniini boohe, bagakizi genda mu butoge.

Migani 13:22

Umundu mwija, ali mu sigira abaana baage byo bagahyana, halinde na ku bijukulu. Si umunabyaha yehe, ibindu byage biri mu singulirwa ábakwaniini.