Zaburi 11:4 - Kifuliiru

⁴ Kundu kwokwo, Nahano atuuziri mwiꞌgulu, mu nyumba yage nyeeru. Abwatiiri ku kitumbi kyage kyoꞌbwami, iri analola-lola ku bandu. Amasu gaage gayamiri gali mu baloleekeza.

Zaburi 11:4 Referans Kwoze

Zaburi 103:19

Nahano ateresiri ikitumbi kyage mwiꞌgulu, anakoli twaziri hiꞌgulu lya byoshi.

Zaburi 18:6

Imigozi yage yâli koli ngoniri. Naꞌmalamba gaage gâli kola ha mbere lyani.

Zaburi 2:4

Kundu badesiri kwokwo, haliko Nahano aki bwatiiri mwiꞌgulu, ku kitumbi kyage. Ali mu bashekeereza, iri anabanegura.

Habakuki 2:20

Haliko, Nahano atuuziri mu nyumba yage ndaluule. Abandu booshi ba mu kihugo bakizi beera munyerere imbere lyage!»

Hisaaya 66:1

Nahano adetaga kwokuno: «Igulu, kyo kitumbi kyani kyoꞌbwami. Neꞌkihugo, kyo ndi mu laaviza kwo. Aaho! Hayagi ho mugaki nyubakira inyumba? Ka hali ahandu ho nangaluhuukira?

Yeremiya 23:24

Kwokwo, kundu umundu angagendi yibisha hala, ngaaba ngi múbwini. Kwokwo kwo nie Nahano ndesiri. Mukuba, nyijwiri hooshi mwiꞌgulu, kiri na hano mu kihugo.» Kwokwo, kwo Nahano adesiri.

Zaburi 33:13

Nahano úli mwiꞌgulu, ali mu langiiza amahanga gooshi.

Bwigule 4:2

Lyeryo, nanaba mu kati koꞌMutima. Nanabonaga mwiꞌgulu muteresirwi ikitumbi kyoꞌbwami. Na úwâli kibwatiiri kwo,

Baheburaniya 4:13

Mu byoshi íbiryagagi ho, ndaakyo íki bishamiri mu masu ga Rurema. Si byoshi biri mu ba ku bweranyange imbere lyage! Aganaki tubuuza hiꞌgulu lyabyo.

2 Batesaloniki 2:4

Uyo nangora-mabi, agahangirira ngiisi byaꞌbandu bali mu yikumba, na ngiisi byo bali mu haruura kwo bamungu. Agayihaya kwo ye mukulu wabyo. Agayigogombeka kiri na mu nyumba ya Rurema, iri anayihaya kwo ye Rurema yenyene.

Mataayo 23:21

«Kwo na kwokwo, ikyanya umundu ali mu biika indahiro ku nyumba ya Rurema, iri keera agibiika na ku Rurema yenyene, bwo atuuziri mwo.

Mataayo 5:34

«Haliko, niehe namùbwiraga kwo hatagire indahiro yoshi yo mugabiika, kuba kwiꞌgulu, bwo kyo kitumbi kya Rurema,

Zaburi 66:7

Rurema atwaziri ku bushobozi bwage, halinde imyaka neꞌmyakuula. Ayamiri ali mu lola abandu baꞌmahanga gooshi, gira batayiji kengeera bahuna imbere lyage.

2 Kutondobola 16:9

«Amasu ga Nahano gali mu langiiza-langiiza hooshi mu kihugo. Na ngiisi ábamúyibiisiri kwo, ku mitima yabo yoshi, ayamiri ali mu basikamya. Haliko, yibi wagira, biryagagi bya buhwija. Ukulyokera buno, abagoma baawe bakola bagakizi kuteera.»

1 Kutondobola 17:5

Niehe, ukulyokera ku kyanya nꞌgalyosa Abahisiraheeri i Miisiri halinde na zeene, ndazindi beera mu nyumba. Si nduuziri mwiꞌheema naaho. Linali mu bungisibwa-bungisibwa.

Mikolezi 7:49

“Nahano adesiragi kwokuno: Igulu, kyo kitumbi kyani kyoꞌbwami. Neꞌkihugo, kyo ndi mu laaviza mwo. Aaho! Nyumba nyikagi yo mwangaki nyubakira? Ka hali ahandu ho nangaluhuukira?

Migani 15:3

Amasu ga Nahano gali mu bona byoshi. Ee! Gayamiri gali ku babi, kiri na ku biija.

Zakariya 2:13

«Yibyo binyamahanga, ngamùyihoolera byo. Si abaja baabo, nabo bo bagayiji bashahula ibindu!» Haaho, lyo mugaamenya kwo Nahano woꞌbushobozi bwoshi, ye kandungika.

Yeremiya 17:10

«Kundu kwokwo, niehe Nahano, imitima yaꞌbandu, ndi mu giloleekeza. Kiri neꞌnzaliro zoꞌmundu, ndi mu zigahiriza, ninamúhembe ukukulikirana na ngiisi kwo akakola.

Zaburi 44:21

E Rurema witu, túkibe tukayibagira iziina lyawe, tunatibitire imweꞌmigisi,

Zaburi 9:11

E Nahano, ngiisi ábakuyiji, bagakizi kubiika kwoꞌmulangaaliro. Na bwo bagweti bagakulooza, utâye bajandirire.

Mika 1:2

E bandu mweshi mwe muli mu kihugo! Yuvwi! Na byoshi íbikiri mwo! Mundegage amatwiri! Nahano Rurema, agweti agamùlega mu nyumba yage nyeeru.

Hayubu 24:23

Kundu Rurema angabaleka bakizi tuula mu mutuula, haliko amasu gaage gayamiri gali mu baloleekeza.

Zaburi 14:2

Nahano, kwo ali mwiꞌgulu, agweti agalangiiza abandu booshi, gira alonge ukumenya iri hangaba hali umundu mwenge, kandi iri úgweti úgamúlooza.

Zaburi 113:5

Rurema Nahamwitu, twangamúshushirania na nyandi? Si abwatiiri ku kitumbi kyoꞌbwami mwiꞌgulu!

Zaburi 139:23

E Rurema, ungahirize, halinde umenye íbindi mu mutima. Ungezagye, umenye ngiisi kweꞌnzaliro zaani zikoli hanamiri.