Zaburi 11:1 - Kifuliiru

¹ Imwoꞌmwimangizi waꞌbimbi. Izaburi ya Dahudi. Mbiisiri Nahano kwoꞌmulangaaliro, gira akizi ndanga. Aahago! Kuti kwo wangaki mbwira: «Uyinywerereke nga kanyuni, mu kupuumukira ku mugazi gwawe.»

Zaburi 11:1 Referans Kwoze

Zaburi 56:11

E Nahano Rurema, ngweti ngahuuza Igambo lyawe. Ee! Ndi mu lihuuza bweneene.

Zaburi 25:2

unali we mbiisiri kwoꞌmulangaaliro. Aaho! Utandekage mbu ndonge ishoni. Utanaleke kwaꞌbagoma baani bambime, mbu bashambaale.

1 Samweri 23:14

Dahudi anagendi tuula mu twaya twoꞌbutibitiro útwâli mwiꞌshamba, anatuula na mu migazi yiꞌshamba lyeꞌZiifu. Kundu Sahuli âli kizi genda agamúhiiva ngiisi lusiku, haliko Rurema atakamúbiika mu maboko gaage.

Luka 13:31

Ku yikyo kyanya, Abafarisaayo baguma banayiji bwira Yesu: «Ewe! Ulyokage hano, ugendi beera ahandi! Si Heroode akoli loziizi ukukuyita!»

Migani 6:5

Gulya mwenda, ugendi guyifuushula mwo! Ube nga kasa, kwo kali mu yifuushula mu maboko goꞌmuhiivi, unabe nga kanyuni, kwo kali mu fuuka mu mutego.

Zaburi 16:1

Izaburi ya Dahudi. E Rurema, we mbiisiri kwoꞌmulangaaliro. Aaho! Ukizi ndanga.

2 Kutondobola 16:8

Aaho! Balya Bahendyopiya na balya Balibiya, si bâli riiri katundu kaꞌbasirikaani, banâli hiiti amagaare mingi, naꞌbandu bingi boꞌkugendera ku fwarasi. Kundu kwokwo, ikyanya wâli kizi langaalira Nahano, anababiika mu maboko gaawe.

Zaburi 31:14

Keera nayuvwa ngiisi kwo bagweti bagambonyoleza. Bakoli nzokaniini, halinde na njenguke. Bagweti bagaagira igambi libi hiꞌgulu lyani, banakoli shungisiri mbu banyite.

Zaburi 9:10

Ngiisi ábali mu gayirizibwa, Nahano ye butibitiro bwabo. Ku kyanya kyaꞌmakuba, ye bali mu yibisha mwo.

Zaburi 7:1

Ulwimbo lwa Dahudi, hiꞌgulu lyoꞌkuganyira Kuushi mwene Binyamiini.

2 Kutondobola 14:11

Iri Hasa akayusa ukuhuuna, balya Bahendyopiya, Nahano anababiika mu maboko gaage kuguma naꞌbasirikaani baage beꞌBuyuda. Haaho, yabo Bahendyopiya banapuumuka.

1 Samweri 20:38

Anashubi múbwira: «Uvwaruke, utatinde.» Yugwo musore, gwanagikuumania, gwanagireetera nahamwabo.

1 Samweri 27:1

Ha nyuma, Dahudi anayitoneesa mu mutima gwage, ti: «Ulya Sahuli, hali ulusiku aganyita. Ku yukwo, bwangaba bwija ndibitire mu kihugo kyeꞌBufirisiti, lyo Sahuli agaaleka ukundoogeza mu mbibi zeꞌkihugo kyage, na mbe nafuushuka mu maboko gaage.»

1 Samweri 22:3

Dahudi analyoka yaho, anagenda i Misipa, mu kihugo kyeꞌMohabu. Iri akahikaga yo, anabwira mwami wakyo: «Nakuyinginga uleke daata na maawe babeere hano ha mwawe, halinde ndole ngiisi kwo Rurema agangirira.»

1 Samweri 19:11

Sahuli anatuma abandu ha mwa Dahudi, babeere haaho, gira bakamúyite shesheezi. Halikago, mukaage Mikaali anamúkengula, ti: «E namwani, unyuvwe! Utibitage mu bwobuno bushigi. Buzira kwokwo, bagakuyita kusheezi.»

Nehemiya 6:11

Naani, ti: «Umundu nga nie, ka nangatibita ubwitani? Ka nangagendi yifunda mu nyumba ya Rurema, mbu lyo nyikize? Aahabi! Niehe, ndagatibitira mwo.»

Zaburi 7:2

E Rurema Nahamwitu, we ngweti ngatibitira. Aaho! Undabaalage, unangize mu maboko gaꞌbagoma baani booshi.

Yeremiya 48:14

«E bandu beꞌMohabu, kuti kwo mwangakizi yihaya, mbu: “Tulyagagi bikalage byeꞌndwani! Neꞌkyanya tulyagagi mwiꞌzibo, tuli mu zibiiriza.”