Zaburi 102:2 - Kifuliiru

² E Nahano, ikyanya ndi mu kutabaaza, ukizi ndega amatwiri. Ikyanya ndi mu kutakira, ukizi nyuvwiriza.

Zaburi 102:2 Referans Kwoze

Zaburi 69:17

E Nahano, unjuvyagye! Si urukundo lwawe, luli lwaꞌkahebuuza, noꞌlukogo lwawe, luli luhamu bweneene! Aahago! Ungebagane ho ndi.

Hisaaya 8:17

Ngi lindiriiri Nahamwitu, halinde atutabaale. Kundu akaheereza Abahisiraheeri ingoto, haliko niehe, ngi múbiisiri kwoꞌmulangaaliro.

Zaburi 27:9

Uyamiri uli mutabaazi wani. Ku yukwo, utambishe amalanga, utananyimule ku bute bwawe. Si nie mukozi wawe! E Rurema, Lukiza wani, utagire mbu undahire, utananjandirire.

Zaburi 104:29

Si ikyanya uli mu bihindulira ingoto, biri mu yami yoboha. Ikyanya uli mu bilyosa mwoꞌmuuka, biri mu yami fwa, binashubi hinduka luvu.

Zaburi 70:1

Izaburi ya Dahudi, imwoꞌmwimangizi waꞌbimbi.

1 Bakorindo 10:13

Mu magezo go muli mu longaga, ndaago gaꞌbandi batazindi longa. Na bwo Rurema ali mwemeera, atangaleka mbu mugezibwe kwo mutashobwiri. Ee! Ikyanya mugakizi gezibwa, Rurema agamùshoboleesa ukuyihangaana, halinde munagafuuke mwo.

Zaburi 143:7

E Nahano, uvwarukage, unjuvye, maashi! Si ngolagi yihebwiri! Aahago! Utambindulire ingoto. Mukuba, iri wangagimbindulira, lyo ngayami fwa.

Zaburi 71:2

Bwo uli Rurema woꞌkuli, ungizagye, unambishe. Undege amatwiri, unayiji nguluula.

Hisaaya 43:2

Kundu mwangalenga áhayisiri mwiꞌbenga lyaꞌmiiji, tugaaba tuliriinwi. Na kundu mwangajabuka inyaaja, mutagazika. Na kundu mwangalenga mu muliro, mutâye hiire. Imbigi zaagwo zitâye mùsingoole.

Zaburi 40:13

Ngolagi sokaniinwi naꞌmakuba mingi. Na bweꞌbyaha byani bikoli ngwasiri, ndaki bwini. Ibyaha byani bikolaga kandaharuurwa, ukuhima umushaku úguli kwiꞌtwe lyani. Umutima gwani gukoli vunisiri.

Zaburi 31:2

E Nahano, we ngweti ngatibitira. Aaho! Utandekage mbu ndeezibwe ishoni. Si uli mu gira íbikwaniini! Kwokwo, ungizagye.

Zaburi 22:19

Ibyambalwa byani, bagweti bagabigabaana, mu kubitaara ikibare.

Zaburi 13:1

Imwoꞌmwimangizi waꞌbimbi. Izaburi ya Dahudi.

Hayubu 34:29

Nga Rurema angayihulikira, nyandi úwangamúshumuza? Nga angabisha amalanga gaage, nyandi úwangaki múbona? Kundu kwokwo, ali mu kizi langa ikihugo, kiri naꞌbandu kwakundi.

Hayubu 7:21

Kituma kiki utangangejeerera ibyaha byani, unayami koga ubuligo bwani? Hinyerere hiniini naaho, ngayifwira, na mbiikwe i kuzimu. Ikyanya ugandooza, ndagaki ba ho.»

Hisaaya 65:24

Ku kyanya bagaaba batazi mbuuna, ngakizi gwanwa keera nabayuvwa. Ikyanya bagaaba batazi twisa ukumbuuna, ngakizi bashuvya!

Kulyoka 2:23

Isiku, iri zikalengerana, uyo mwami weꞌMiisiri anashaaja. Yabo Bahisiraheeri, banagenderera ukukizi libuuka mu buja bwabo, banakizi gongeera bweneene. Iri hakatama, yago malira gaabo ganahika mwiꞌgulu imwa Rurema.

Kulyoka 2:24

Neꞌri akagayuvwa, anakengeera kirya kihango kyo akagira na bashokuluza baabo, Hiburahimu, na Hisake, na Yakobo.

Zaburi 17:1

Amahuuno ga Dahudi. E Nahano, unyuvwirizagye! Nakuhuuna kwoꞌlubaaja lwani lutwibwe mu kati koꞌkuli. Gano mahuuno gaani, galyosiri mu mutima úgutungiini. Aaho! Ikyanya ngakizi kutabaaza, ukizi ndega amatwiri.