Zaburi 102:16 - Kifuliiru

¹⁶ E Nahano, ibinyamahanga bigakizi juguma imbere lyawe. Abaami baabo, banakizi kugingika.

Zaburi 102:16 Referans Kwoze

Yeremiya 33:7

Ee! Balya Bayuda naꞌBahisiraheeri, kundu bâli twazirwi imbohe, ngashubi bagalula. Na njubi basikamya, halinde banabe nga kwo bâli tuula kare.

Zaburi 147:2

Ikyanya Abahisiraheeri bakaba keera bashaabuka mu mahanga, Nahano anabakuumania, gira bahunguuke. Kiri naꞌkaaya kaabo keꞌYerusaleemu, anakashakuulula.

Mika 2:9

Abakazi mu bandu baani, kundu bali mu ba bavwagariiri mu nyumba nyiija, si muli mu bayimula mwo! Na kundu ndoziizi ukugashaanira abaana baabo neꞌbindu biija, halikago mugweti mugabanyaga byo byoshi.

Yeremiya 31:4

E Bahisiraheeri! Ngashubi mùyubakulula, halinde munabe kaaya ákalimbiri. Mugashubi yabiira zirya ngoma ziinyu, munagendi shambaalira kuguma naꞌbandi, iri munatamba.

Hisaaya 66:18

«Byoshi byaꞌbandu bagweti bagaakola, mbiyiji-yiji. Nyiji kiri neꞌnzaliro zaabo. Buno, ngola mu kuumania abandu beꞌmilala yoshi, naꞌbeꞌndeto zooshi, gira babone ubulangashane bwani.

Hisaaya 61:3

I Sayuni, kundu abandu bakola mu yibwandalika mu munyota-kiiko, haliko agabaheereza ulushembe úlunonosiri. Na kundu bajengiirwi, agabashiiga amavuta, halinde balangashane. Na ngiisi ábagaaba bavunisiri imitima, agabashambaaza. Yabo bandu, Nahano agababyala mu ndalo yage, gira abayerekane mwoꞌbulangashane bwage, Bagakizi gira íbikwaniini, bagaanaba bakaniri ngeꞌbiti bila byeꞌmyalooni.

Hisaaya 60:7

Mugahaabwa noꞌbuso bweꞌbitugwa ukulyoka mu beene Kedaari, munaleeterwe neꞌbipanga bya beene Nebayoti. Yibyo bitugwa, mugakizi bindangira, libe ituulo lyoꞌkusiriiza. Mu kugira kwokwo, lyo mugakizi njambaaza, halinde ubulangashane bunaboneke mu nyumba yani.

Hisaaya 14:26

Yibyo byoshi, kwokwo kwo ngoli bishungisiri, hiꞌgulu lyaꞌmahanga gooshi. Mukuba, ngoli loziizi ukuhana abandu baago booshi.

Zaburi 97:6

Íbiri kwiꞌgulu, biri mu menyeesania ngiisi kwo akwaniini. Abandu booshi, bali mu bona ubulangashane bwage.

Zaburi 69:35

Igulu neꞌkihugo bikizi yivuga Rurema, kuguma neꞌnyaaja, na íbiziri mwo byoshi.

Zaburi 51:18

Nga wangasimisiibwi naꞌmatuulo goꞌkubaagwa, njuba ngakuleetera go. Haliko yago matuulo goꞌkusiriiza, utagaloziizi.

Hisaaya 59:19

Ku yikyo kyanya, Nahano agayija ali nga lwiji úlukundwiri. Umuuka gwage gunabe guli mu luvwarusa. Kwokwo, lyaꞌbandu bagakizi simbaha Nahano, banahuuze ubulangashane bwage, ukulyokera isheere, halinde imuga.

Hisaaya 60:3

Yugwo mulengeerwe gwinyu, ibinyamahanga bikola bigaguyijira. Kiri naꞌbaami bagayiji bona ngiisi kwo gwamùtunduukira.

Malaki 1:14

«Umundu, nga angandagaania kwo agandangira ikitugwa kiija, anayiji ndangira kyaꞌkashembo, uyo adaakwe. Si nie mwami mukulu! Naꞌmahanga gooshi, gayamiri ganyobohiri. Kwokwo, kwo nie Nahano woꞌbushobozi bwoshi ndesiri.»