Zaburi 102:13 - Kifuliiru

¹³ Kundu kwokwo, e Nahamwitu, wehe we twaziri hiꞌgulu lya byoshi, halinde imyaka neꞌmyakuula. Iziina lyawe ligakizi yama ho, halinde ibibusi byoshi.

Zaburi 102:13 Referans Kwoze

Bagalatiya 4:4

Haliko, ikyanya íkikwaniini, iri kikahikaga, Rurema anatuma Umwana wage, ayiji butwa noꞌmukazi. Uyo mwana wage, anatuula mwiꞌdako lyeꞌMaaja,

Hisaaya 60:1

E bandu beꞌYerusaleemu, muyimuke, munalangashane. Ubulangashane bwa Nahano bukoli mùtundukiiri kwo, halinde mukoli tuuziri mu mulengeerwe.

Hisaaya 40:2

Yabo bandu beꞌYerusaleemu, mubamenyeese bwija-bwija, kwoꞌbuja bwabo keera bwamala, keera banakogwa ibyaha byabo. Ee! Ibyaha byabo byoshi-byoshi, keera Nahano akabahaniiriza hiꞌgulu lyabyo ubugira kabiri.»

Zaburi 44:26

Tukagoka, halinde tukoli lambamiri mu luvu. Amalanga giitu, tugayisiizi halinde kwiꞌdaho.

2 Peturu 3:8

E bakundwa baani, hali igambo liguma lyo mukwiriiri ukukengeera: kweꞌmwa Nahano, ulusiku luguma lulyagagi nga myaka kihumbi. Neꞌmyaka kihumbi kwakundi, iri nga lusiku luguma.

Mikolezi 1:7

Anazishuvya: «Zirya siku, na birya byanya, mutangabimenya. Si Daata naaho ye kagwanwa abishungika ku bushobozi bwage yenyene.

Zaburi 7:6

Iri byangaba biryagagi kwokwo, umugoma wani andibite kwo, anangwate. Ee! Andibate-ndibate, halinde anyite, ananziike mu kuzimu.

Danyeri 12:9

«Naye, ti: “E Danyeri! Uyigenderage! Mukuba, yaga magambo, buli bumbishwa, ganakoli shwesirwi neꞌnungu, halinde ukuhisa ku lusiku lweꞌmberuuka.

Yeremiya 31:23

Nahano woꞌbushobozi bwoshi, Rurema waꞌBahisiraheeri adetaga kwokuno: «Yabo Bayuda, ikyanya ngabagalula mu kihugo kyabo, na mu twaya twamwo, lyaꞌbandu bagashubi kizi deta kwokuno: “Nahano akizi gashaanira umugazi Sayuni! Ee! Haaho, ho atuuziri.”

Hisaaya 14:32

Aaho! Yizo ndumwa ízilyosiri mu Bafirisiti, kutagi kwo tugabashuvya? Tubabwirage kwokuno: «Akaaya keꞌSayuni, Nahano yenyene keera akakasikamya. Abandu baage bakeni, bagakizi katibitira mwo, halinde balongage ukulangwa bwija.»

Zaburi 75:2

E Rurema, tugweti tugakutangira kongwa, tunali mu menyeesania hiꞌgulu lyeꞌbitangaaza byawe. Mukuba, uli mu kizi tubeera hoofi-hoofi.

Zaburi 51:18

Nga wangasimisiibwi naꞌmatuulo goꞌkubaagwa, njuba ngakuleetera go. Haliko yago matuulo goꞌkusiriiza, utagaloziizi.

Kulyoka 3:15

anali ye Nahano Rurema wa bashokuluza biinyu, Hiburahimu, na Hisake, na Yakobo.” Mu bibusi biinyu byoshi, lyeryo iziina, lyo ngakizi kengeerwa mwo. Liyamiri liri lyeꞌmwani, halinde imyaka neꞌmyakuula.

Zaburi 90:2

Ikyanya utâli zaazi bumba imigazi, kandi iri ikihugo, wâli koli yamiri ho.

Zaburi 92:9

E Nahano, uyamiri uli mu huuzibwa imyaka neꞌmyakuula.

Zaburi 135:13

E Nahano, iziina lyawe liyamiri ho, halinde imyaka neꞌmyakuula. Abandu beꞌbibusi byoshi bagakizi kukengeera.