Zaburi 10:8 - Kifuliiru

⁸ Agweti agategeera abandu hoofi noꞌtwaya, gira ababirigishe, banali bazira buhube. Na ábatashobwiri, ayamiri agweti agaabalya ibisuure, iri anabayita ku bumbishwa.

Zaburi 10:8 Referans Kwoze

Habakuki 3:14

Yabo bagoma, ikyanya bâli tuyijiiri, kwo batushaabule, emwe! Bâli kasinge-singe nga kihuhuuta. Banâli toniri kwo bagahikiri tuminika, nga ábayiji nyomboola abakeni. Kundu kwokwo, ukakoleesa amatumu gaabo, mu kutumita ikirongoozi kyabo mwiꞌtwe.

Yeremiya 22:17

«Halikago wehe, ugweti ugayihahalira wenyene, mu kukizi gungana. Unali mu yita abandu bazira buhube, mbu lyo ugala. Si ubutwali bwawe, buli bwa kukandamirana naaho ku kahaati!»

1 Samweri 22:18

Iri hakatama, mwami anahamuliza Dohegi, ti: «Wehe, we gabayita.» Lyeryo ulya Dohegi anayami yita yabo bagingi booshi ba Rurema. Ku lwolwo lusiku, akaminika abagingi makumi galimunaana na bataanu. Na yabo booshi, bâli yambiiti amakangaata goꞌbugingi.

Luka 8:1

Ha nyuma, Yesu anakizi lenga mu twaya tuhamu, kiri na mu twaya tweꞌbishoola, iri anamenyeesa abandu hiꞌgulu lyeꞌMyazi Miija yoꞌbwami bwa Rurema. Neꞌkyanya âli kizi genda, âli riiri neꞌndumwa zaage ikumi na zibiri.

Zaburi 94:6

Yabo babi, bali mu yita banamufwiri, neꞌfuuvi, kiri na ábakayiji tusembeera mwo.

Zaburi 17:11

Keera bambiiva, banakoli nzokaniini. Na buno, baloziizi ukundimba haashi.

2 Baami 21:16

Ulya Manaasi anakizi yitira abandu bingi ikimaama. Umuko gwabo, gwanahingira mu kaaya keꞌYerusaleemu, ukulyokera uluhande luguma, halinde ulundi. Âli kizi hubiisa abandu beꞌBuyuda, halinde banakizi bihuuka imbere lya Nahano.

1 Samweri 23:23

Mugendi gahiriza bwija, halinde mumenye ngiisi ho ayibishiri. Ikyanya mugaaba mukola naꞌkasiisa, mukabuli yiji mbwira. Ku yikyo kyanya, iri angaba akiri ho, tugagendanwa, na ngendi múshakula mu mbaga zaꞌBayuda.»

Luka 10:1

Ha nyuma, Nahano anatoola abandi bigirizibwa makumi galinda na babiri. Yabo bandi, anabatuma babiri-babiri, bagwanwe mu ngiisi kaaya, na mu ngiisi handu, ho âli koli shungisiri kwo agaahika yenyene.

Batwi beꞌmaaja 9:25

Yabo batuulaga beꞌShekemu, banabiikaga abazimba mu migazi, gira bategeere Habimereki ku kyanya agalenga. Na ngiisi ábâli kizi lenga iyo munda, banakizi yami banyaga ibindu. Iri hakatama, mundu muguma anakengula Habimereki hiꞌgulu lya yiryo igambi lyabo.

Hayubu 24:14

Umwitani ali mu vyuka shesheezi kare-kare, gira agendi yita abakeni, na banakahuku. Na bushigi, ali mu genda luto-luto nga muzimba.

Migani 24:15

E nangora-mabi, utashaabule inyumba yoꞌmundu woꞌkuli. Si mwiꞌyo nyumba, mwo ali mu luhuukira! Ku yukwo, utagiteere.