Zaburi 10:2 - Kifuliiru

² Banangora-mabi, ikyanya bali mu libuza abakeni, bali mu kizi yikangaata. Aaho! Ikyanya bagakizi shungikira abandi amabi, babe bo bagakizi gagwatwa mwo.

Zaburi 10:2 Referans Kwoze

Zaburi 59:12

E Nahano, utalunguli bayita, gira abandu bakizi bakengeera. Ubashaabule naaho, gira bakizi genda bagajeba-jeba. Unakizi batindimaza ku bushobozi bwawe.

Zaburi 36:11

Abandu ábakuyiji, ugenderere ukubayereka urukundo lwawe. Ee! Ngiisi ábali biija, nabo ukizi bagirira amiija.

Zaburi 7:16

Yabo banabibeesha, bali mu ba nga bayihumbira ikishimo kila. Haliko, hanatame boonyene banayiji kiyihongoleka mwo. Kwokwo, kwo bali mu kizi yikululira umwama.

Migani 5:22

Nangora-mabi ali mu gwatwa mu mabi gaage yenyene. Yago mabi, iri migozi yoꞌkumúzirika lwoshi.

Zaburi 119:122

Si ndi mukozi wawe. Aaho! Ukizi ngashaanira. Utanaleke kwo abanabwihemye bakizi ndibuza.

Zaburi 31:18

E Nahano, keera nꞌgakutabaaza. Kwokwo, utaleke kwo njubi kizi teezibwa ishoni. Si banangora-mabi boohe, babe bo gazibonia! Leka bakizi yama bali munyerere mu kuzimu.

Zaburi 140:5

E Nahano, balya banangora-mabi, si balyagagi noꞌbushobozi! Aaho! Ukizi ndanga, ndatibukire mu maboko gaabo. Bwo bali mu komeresania, ukizi ndangaga, maashi! Si bakoli shungisiri ukundeedeka haashi!

Zaburi 119:85

Abanabwikangaate, si bagweti bagambumbira amahya, batanatwaziizi imaaja zaawe.

Zaburi 119:69

Kundu abanabwikangaate bagweti bagambeeshera, haliko, nyamiri nzisimbahiri imaaja zaawe ku mutima gwani gwoshi.

Yeremiya 43:2

Lyeryo, Hazariya mugala Hoshaya, na Yohanani mugala Kareya, kiri naꞌbandi booshi, banamúlangamira, ti: «Hafe! Nahano Rurema atakutuma, kwo utulahize tutagende i Miisiri. Yago magambo gaawe, kiryagagi kinyoma kihalanga!

Hisaaya 14:16

Ikyanya abandu bagakubonaga, bagakuhenekera, banayibuuze: “E balya, lolagi uno! Ka yolya úwâli kizi jugumya ikihugo? Ka ye wanâli kizi yobohya amaami gaakyo gooshi?

Hisaaya 14:13

Si we wâli kizi yihaya kwokuno: “Nganunga, halinde mbikage mwiꞌgulu, na mbiike ikitumbi kyani hiꞌgulu lyeꞌndonde za Rurema. Nganenama ngiisi heꞌbindi íbiri mu yikumbwa biri mu kuumana, kwiꞌrango lyoꞌmugazi, úguli hala imbembe.

Zaburi 119:5

Aaho! Bwangabiiri bwija ngizi fiitirwa, mu kukizi zisimbaha ngiisi kyanya.

Kulyoka 18:11

Buno ngoli yiji kwo Nahano ye sumbiri íbiri mu yikumbwa byoshi. Mukuba, kundu yabo Bamiisiri bâli kizi libuza Abahisiraheeri bweneene ku kanyaaro, haliko ubuzinda akabaguluula mu maboko gaabo.»

Kulyoka 9:17

«“Si uki genderiiri ukuhangirira abandu baani, utanabahanguula kwo bagende.

Zaburi 109:16

Uyo nangora-mabi atagweti agayuvwiranwa indengeerwa. Si ali mu lyalyania abakeni, balya ábatashobwiri. Kiri na ábavunisiri umutima, ali mu kizi balibuza, anabalandirize, halinde ukufwa kwabo.