Zaburi 1:3 - Kifuliiru

³ Uyo mundu ali mu ba nga kiti kibyale ha butambi lyoꞌlwiji, kinali mu kizi tongeka ku kyanya kyakyo. Ibyasi byakyo, bitâye bogame. Na ngiisi byo ali mu gira, biri mu múgenduukira.

Zaburi 1:3 Referans Kwoze

Yeremiya 17:8

Umundu mwene uyo, agaaba nga kiti íkikabyalwa hoofi naꞌmiiji, halinde imizi yakyo iri mu yikira áhali amiiji. Kiri neꞌkyanya izuuba liri mu daruula, yikyo kiti kitangayoboha. Ibyasi byakyo, biyamiri bidoohiri. Kiri neꞌkyanya invula iri mu ba yahangama, kitali mu gerania. Si kiyamiri kiri mu tongeka kweꞌbitumbwe.

Hezekyeri 47:12

Ku ngiisi ngombe yalwo, kugaamera imilala yeꞌbiti bya kwingi-kwingi, binali mu tongeka kweꞌbitumbwe byoꞌkuliibwa. Ibyasi byabyo, bitagakizi bogama, kiri neꞌbitumbwe byabyo bitâye humbuluke. Bwo bigakizi nywesibwa noꞌlwiji ukulyoka mu nyumba ya Rurema, ngiisi mwezi bigakizi tongeka buhyahya. Ibitumbwe byabyo bigaaba byokulya, neꞌbibabi byabyo bigakizi ba muti.»

Zaburi 92:14

Ee ma! Bali mu ba, nga myerezi mibyale mu nyumba ya Nahano. Yabo, bagakizi gangaala bwija mu lubuga lweꞌnyumba ya Rurema witu.

Yohana 15:6

Iri umundu atanganyama mwo, agaalashwa imbuga, ngiꞌtavi íryakabulirwa, linayume. Amatavi mwene yago, gali mu toolwa, ganaduulikwe ku muliro, ganasingooke.

Hezekyeri 19:10

«Uyo nyoko, âli riiri nga muzabibu mu ndalo, úgwâli byazirwi haꞌmiiji. Yugwo muzabibu, ikyanya gukakizi longaga amiiji, gwanatongeka kweꞌbitumbwe bweneene.

Ndondeko 39:23

Uyo mukulu, bwo âli mali sikiiriza Yusefu imikolwa yoshi, ndaabyo byo âli kizi ki yilibuza kwo. Mukuba, Nahano âli yamiri na Yusefu, anakizi múgenduusa mu kati ka byoshi.

Bwigule 22:2

Lwanakizi hinga ha kati keꞌnjira ya namuhirye ya mu kaaya. Na ku ngiisi ngombe yalwo, kwâli riiri ikiti kyoꞌbulamu. Birya biti, byâli kizi tongeka ngiisi mwezi, halinde byanakizi hisa ubugira ikumi na kabiri ku mwaka. Neꞌbihunda byabyo, guli muti gwoꞌkukizi kiza abandu beꞌmilala yoshi.

Hezekyeri 17:8

Kundu kwokwo, ho gwâli shiizirwi, hâli riiri inagiira, naꞌmiiji mingi, lyo gugangaala, gunatongeke kweꞌbitumbwe, gunakizi yama gudehiri.”

2 Kutondobola 31:21

Ikyanya âli kizi kola mu nyumba ya Rurema, anasimbaha imaaja zaage. Mu kati ka byoshi, âli kizi kolera Rurema wage ku mutima gwage gwoshi, anakizi genduukirwa bweneene.

Ndondeko 39:3

Uyo Potifaari, naye âli bwini ngiisi kwo Nahano bâli yamiinwi, na ngiisi kwo âli kizi múgenduusa mu kati ka byoshi.

Zaburi 128:2

Yabo bandu, ngiisi byo bagweti bagahimbukira kwo, bagaabilya, banakizi gashaanirwa, iri banagenduukirwa.

Hisaaya 3:10

Ngiisi ábakwaniini, ugendi babwira kwo bagagenduukirwa. Ee! Ngiisi byo bagweti bagahimbukira kwo, bâye bilongere kweꞌmbembo.

Hisaaya 44:4

Bagakizi kuluuduka nga kibingu, banabe nga kiti íkimeziri ku ngombe yoꞌlwiji.

Hayubu 14:9

haliko, iri yangahuma naaho ku miiji, kinayami shubi mina, ibitombo byakyo binahinduke matavi.

Mataayo 21:34

«Isiku zoꞌkuyimbula, iri zikahika, anatuma abakozi baage imunda yabo bahiizi, gira bagendi múleetera ugwage mutuli.

Mataayo 21:19

Na ku butambi bweꞌnjira, anabona ikiti kyoꞌmutiini. Haliko, iri akakiyegeera, ndaabyo byo akakigwana kwo, ha nyuma lyeꞌbihunda naaho. Kirya kiti, Yesu anakibwira: «E kiti, hataki gire ibitumbwe byo wâye ki tongeke.» Lyeryo, kirya kiti kyanayami yumaguka.

Yuda 1:12

Ikyanya muli mu shangiira ibyokulya mu kati koꞌrukundo, yabo banakuhambwa bali mu mùyifunda mwo buzira shoni. Banabe tushembo mu kati kiinyu. Balyagagi bangere babi, banagweti bagayihahalira boonyene. Banali nga bibungu biiru íbiri mu yehuulwa iyo munda neꞌyo munda, buzira kulyoka mweꞌnvula. Banali nga biti íbikoli hangaliiri. Bitali kweꞌbitumbwe, keera byanakuulwa.

Hisaaya 27:11

Yabo Bahisiraheeri balyagagi nga matavi ágayumuusiri. Ikyanya gali mu konyoka, abakazi banakizi yiji gashenya. Yabo Bahisiraheeri balyagagi bizeeze, ndaanalyo igambo basobanukiirwi. Kundu Rurema ye kabalema, si atakiri mu baholeeza. Kundu ali Mulemi wabo, atakiri mu bayuvwirwa indengeerwa.

Mataayo 21:41

Na wa nabo, ti: «Balya banakuhambwa, agabayogogoza, anabuli bayita! Neꞌyo ndalo yage, anagitiize abandi bahiizi, gira bakakizi múheereza ugwage mutuli ku kyanya kyagwo.»

1 Kutondobola 22:11

«E mugala wani, Nahano Rurema wawe, mukizi yamanwa. Ulonge ukukizi genduukirwa, halinde umúyubakire inyumba, nga kwo keera akadeta.

Zaburi 129:8

Yabo babi, ikyanya abandu bali mu lenga ha butambi lyabo, hatagire úgababwira, ti: «Nahano akizi mùgashaanira! Tuli mu mùgashaanira kwiꞌziina lya Nahano.»

2 Kutondobola 32:23

Abandu bingi banakizi yija i Yerusaleemu, gira batangire Nahano yaꞌmatuulo. Kiri na mwami Hezekiya, banakizi yiji mútengula ibindu byeꞌkishingo. Ukulyokera yaho, uyo mwami Hezekiya, abandu baꞌmahanga gooshi, banakizi músimbaha.

Muharuuro 24:6

Yizo shumbi ziyajabusiri ngeꞌbiti bingi byeꞌbigazi. Ziri nga ndalo íziri ku ngombe yoꞌlwiji. Ziri ngeꞌbiti byeꞌmyerezi byo Nahano akabyala. Zinali ngeꞌbiti byeꞌmyerezi, ímeziri hoofi lyoꞌlwiji.

Bukengeeze 28:8

«Nahano, Rurema winyu agakizi gashaanira ibihinda biinyu, kiri na byoshi byo mugaakola. Neꞌkyanya agamùheereza kirya kihugo, agakizi mùgashaanira mwo.

2 Baami 18:7

Uyo Hezekiya, Nahano bâli yamiinwi. Ngiisi byo Hezekiya âli kizi gira, Nahano anakizi bigenduusa. Hezekiya akatee kolera mwami weꞌHasuriya. Halikago, iri hakatama, anahuna imbere lyage, analahira ukushubi múkolera.

1 Kutondobola 22:13

Neꞌri wangakizi simbaha imaaja naꞌmategeko byo akaheereza Musa hiꞌgulu lyaꞌBahisiraheeri, lyo ugakizi genduukirwa. Uyihe ikise, unabe kikalage. Si utakizi yoboha, utanakizi twika indege.

Hayubu 22:28

Kwokwo, ngiisi igambo lyo ugashungika, ligakizi genduukirwa. Ikyanya ukola mu njira, umulengeerwe gugakizi kumolekera.

Zaburi 92:15

Kiri neꞌkyanya bagaaba bakola bashaaja, bagaaba bakiri bagumaana. Ee! Bagaaba bakiri naꞌmakama, banabe bakiri mu tongeka.

Hisaaya 58:11

Nie Nahano ngakizi mùrongoora. Kundu mwangaba mutuuziri ku luumagu, ngakizi mùkania indege. Mugaaba nga ndalo yo bali mu vwomerera, munabe nga shyoko yaꞌmiiji ágatâye kame.

Hezekyeri 31:5

Yikyo kiti kyanalahuuka ukuhima ibindi byoshi bya mu kishuka. Na bwaꞌmiiji mingi gâli kizi nywerera mu mizi, kyanakaviiriza ukutavika.