Yuheeri 2:24 - Kifuliiru

²⁴ Ibiyeluuliro, bigayaja mweꞌngano bweneene. Kiri neꞌndango, zigakizi bogoka idivaayi, naꞌmavuta.

Yuheeri 2:24 Referans Kwoze

Malaki 3:10

Aaho! Muleetage ikihande kiꞌkumi mu kihinda kyani, halinde ibyokulya biboneke mu nyumba yani. Nie Nahano woꞌbushobozi bwoshi! Haaho, munangeze, lyo nimùyigulira utwazo twa mwiꞌgulu. Ee ma! Ngamùgashaanira, munabe neꞌbindu katundu, halinde munabule ibihinda byo mugabibiika mwo!

Hamoosi 9:13

Nahano adetaga kwokuno: «Mu yizo siku, mugaaba neꞌbyokulya íbiri tiita. Ingano neꞌmizabibu, bigayera duba bweneene, halinde mutanabe neꞌkyanya kyoꞌkuyimbula byoshi. Imigazi igakizi hinga kweꞌdivaayi nunu, kiri na ku tugangazi.

Balaawi 26:10

Mugayeza ngana-ngana, ukuhisa ku kyanya mugaaba muki gweti mugaalya imimbu ya kare. Mugahikiira ukushaaza byo mukasingula kare, gira lyo mulonga ho mugalangira imimbu mihyahya.

Balaawi 25:19

Haaho, lyeꞌdaho igaameza imimbu ngana-ngana, munakizi lya, munayigute, munatuule buzira mbuzi-mbuzi.

Hezekyeri 36:8

Haliko, mwe migazi yeꞌHisiraheeri, mugatavika kweꞌbiti, binatongekere abandu baani ibitumbwe. Masaasa atabukwa, yabo bandu baani bakola bagataahira imwabo.