Yuheeri 2:23 - Kifuliiru

²³ Na niinyu mwe batuulaga beꞌSayuni, mushambaalire Nahano, Rurema winyu. Mukuba, agamùyerekana ngiisi kwo ali mwemeera. Agakizi mùniekeza amahona-nvula, kiri neꞌnvula yoꞌkuyeza.

Yuheeri 2:23 Referans Kwoze

Bafiripi 4:4

Mukizi yama mushambiiri mu kati ka Nahano! Namùbwira kandi, mukizi shambaala!

Balaawi 26:4

ngamùniekeza invula ku kyanya íkikwaniini, halinde ikihugo kilonge ukuyera bweneene. Kiri neꞌbiti binatongeke.

Hosheya 6:3

«Emwe! Bwangaba bwija tulongage ukumenya Nahano nga ngiisi kwo ali. Ee! Tukizi gira umwete bweneene, halinde tumúmenye bwija. Na kwo kali kasiisa kwiꞌzuuba liri mu kizi huluka, kiri neꞌnvula iri mu bombeesa idaho ku mahona-nvula, kwo kanalyagagi kasiisa kwo agatushuvya.»

Bukengeeze 11:14

Iri mwangagira kwokwo, lyo agamùniekeza invula ku kyanya kyayo. Agakizi mùniekeza invula ya mahona-nvula, na yoꞌlushaama, halinde munalonge imimbu miija yeꞌngano, na yeꞌdivaayi, kuguma na yaꞌmavuta.

Hisaaya 41:16

Ee ma! Yabo bagoma, mugakizi bayeluula, halinde ikihuhuuta kinabatwale hala. Si mwehe, mugasigala mugweti mugashambaalira Nahano, munakizi huuza Rurema waꞌBahisiraheeri, ulya Mutaluule.

Zaburi 149:2

E Bahisiraheeri, keera akamùbumba. Kwokwo, mukizi múshambaalira. Abandu beꞌSayuni, bakizi shagalukira umwami wabo.

Bafiripi 3:1

E beene witu! Mu kuyusa, namùbwira kwo mukizi shambaala mu kati ka Nahano! Yaga magambo go keera nꞌgagwanwa namùyandikira, ndaluhiri ukushubi mùyandikira go. Mukuba, gali ga kumùlanga.

Zakariya 10:1

Nahano, ye mu leeta invula ku njira yeꞌbibungu. Ku yukwo, mumúhuunage invula yoꞌmunjogi-njogi. Agamùniekeza invula nyingi, halinde imbuto zinayere mu ndalo ziinyu.

Zaburi 28:7

Mu kati ka Nahano, mwo ndi mu longa imisi, ye nali siribo yani. Ngweti ngakizi múlangaalira mu mutima gwani, halinde anandabaale. Ee ma! Umutima gwani, gukoli shambiiri bweneene. Na buno, ngamúyimbira inyimbo zoꞌbwivuge.

Hisaaya 30:23

Haaho, Nahano agashubi mùniekeza invula ku kyanya íkikwaniini. Munakizi byala imbuto, zinahembe, zinayere bweneene. Kiri neꞌbitugwa biinyu, munakizi biteereza.

Bukengeeze 32:2

Amigirizo gaani, muleke gafukumuke ku mbuto, nga nvula yoꞌmunjogi-njogi. Amagambo gaani, gashaabuke nga kimi ku kishuka.

Bukengeeze 28:12

«Ikihinda kyaꞌmiiji íkiri mwiꞌgulu, Nahano agamùyigulira kyo, mu kukizi mùniekeza invula mu kihugo. Kwokwo, mu byoshi byo mugaagira, agakizi mùgashaanira. «Mugakizi kaabwa neꞌgindi milala. Si mwehe, mutagakizi gendi kaaba.

Bafiripi 3:3

Halikago, twehe, twe tutengwirwi ku njira yoꞌkuli. Mukuba, twe tuli mu yikumba Rurema ku njira yoꞌMutima gwage, iri tunashambaalira Yesu Kirisito. Si tutakiri mu yegamira ibya magala.

Zakariya 10:7

Abahifurahimu bagaaba bakolaga ndwani. Bagashambaala bweneene, nga ábakoli nywiri idivaayi. Ikyanya abaana baabo bagakizi bona kwokwo, nabo banashagaluke. Ee! Imitima yabo, igakizi shambaala mu kati ka Nahano.

Yeremiya 5:24

Si mutali mu deta, ti: “Rurema Nahamwitu ye mu tuniekeza invula ku kyanya íkikwaniini, iba ya mbere kandi iri yaꞌmakamuuka. Neꞌkyanya kyoꞌkuyimbula, ye gweti úgakizi tuheereza imimbu. Ku yukwo, bitukwiriiri tukizi múyoboha.”

Zaburi 104:34

Ee! Ye mu njambaaza. Kwokwo, imitono yani ikwaniini ikizi músimiisa.

Yeremiya 3:3

Kyo kitumiri keera nahangika invula. Si invula ya mahona-nvula itakiri mu nia! Kundu kwokwo, mukiri mu gokomoza ngoꞌmushule. Ndaanazo shoni mugweti, kiri neꞌhiniini!

Hisaaya 61:10

Ngweti ngashambaalira Nahano. Ee! Umutima gwani guyamiri gumúshambaliiri. Ye mu nyambika ubukize, nga mirondo, anali mu ndimbiisa na íbikwaniini. Ngoli limbisiibwi, ngoꞌmuhya mushosi. Na ndi nga muhya mukazi, úkoli limbisiibwi noꞌbungeni-ngeni.

Hisaaya 30:21

Hali ikyanya mwangahabukiraga ilulyo, kandi iri ilumosho. Kundu kwokwo, mugayuvwa izu, ligweti ligamùbwira: «Injira íkwaniini ino, mukizi gikulikira.»

Migani 16:15

Ikyanya amalanga ga mwami gakeruusiri, iri hali ubugumaana. Biri nga bibungu íbiri mweꞌnvula ku kyanya kyeꞌkikamo.

Zaburi 32:11

Mwe musimbahiri Nahano, mukizi shagaluka. Ee! Mukizi shambaala mu kati kaage, iri munamúbandira akabuuli.

Hayubu 33:23

«Hali ikyanya umuganda wa mwiꞌgulu angahuluka, kundu angaba ali muguma naaho mu bihumbi. Uyo muganda anayiji múbwira ngiisi kwo agaagira,

Zakariya 9:9

E bandu beꞌSayuni! Mushambaalage! E bandu beꞌYerusaleemu! Mubandage akabuuli! Langiizi! Mwami winyu agweti agamùyijira. Uyo mwami, ye kwaniini, anali muhimi. Kuguma na yibyo, ali mutuudu, anashoniri ku punda. Punda wage, akiri mwanuke.

Hamoosi 4:7

«Kiri neꞌnvula, nie kamùhangikira yo, myezi ishatu imbere liꞌyimbula. Nꞌgagihangika mu kaaya kaguma, nanaginyeesa mu kandi. Indalo nguma, zanalonga invula. Izindi zanagibula, zanayumaguka.

Kimombo 4:2

Abaana beꞌSayuni bashuba mu huuzibwa, mbu bo bali neꞌkishingo ukuhima inooro muguuhya. Halikago, buno bakola mu gayirizibwa nga birugu biꞌbumba bizira kishingo.

Zakariya 9:13

Ngolaga ngakoleesa Abayuda bakizi ba nga miheto yani. Abahifurahimu nabo, nabagira babe nga myambi yani. E Sayuni! Ulyagagi kikalage kyoꞌmusirikaani! Ngaatuma abandu baawe nga ngooti, gira bagendi teera Abagiriki.»

Mikolezi 14:17

Kundu kwokwo, âli kizi yerekana kwo ali ho, na kwo ali mwija, mu kukizi mùniekeza invula, halinde mukizi yeza ku kyanya íkikwaniini, munayigute. Kwokwo, lyeꞌmitima yinyu, iyijuzibwa mwoꞌbushambaale.»

Zaburi 84:6

Bahiriirwi ngiisi ábali neꞌkyedu kwo bayije ku mugazi gwawe. Boohe bali mu longa ubushobozi imwawe.

1 Baami 8:36

Haaho, ubayuvwirize yaho mwiꞌgulu. Ubakoge ibyaha byabo, unabayigirize ukukizi kulikira injira ítungiini. Ha nyuma, unabaniekeze invula mu kihugo. Mukuba, kino kihugo, we kabaheereza kyo, kwo bube buhyane bwabo.

Hayubu 37:13

Rurema ali mu koleesa ibibungu mu kuhana abandu, na mu kubayereka urukundo lwage.

Zaburi 147:8

Mukuba, ye biisiri ibibungu kwiꞌgulu, ye nali mu niesa invula mu kihugo, halinde imigazi inamere kweꞌkishuka.

Hezekyeri 34:26

«“Ee ma! Ngakizi gashaanira abandu baani, halinde banakizi tuula ku mugazi gwani. Ngakizi baniekeza invula ku kyanya kyayo, halinde banakizi gashaanirwa.