Yoshwa 7:19 - Kifuliiru

¹⁹ Ulya Hakani, Yoshwa anamúbwira kwokuno: «E mwana wani, uhuuze Nahano Rurema waꞌBahisiraheeri, mu kudeta ukuli. Aahago! Ngiisi byo wakola, ubimbwehuke. Utakolwe kwo wabimbisha.»

Yoshwa 7:19 Referans Kwoze

1 Samweri 6:5

Na íbigaatuma mugagitula, mukuba yibyo byombi byo biri mu shereeza ikihugo kiinyu. «Ikyanya mugaagira kwokwo, lyo mugaaba mwasimbaha Rurema waꞌBahisiraheeri. Hali ikyanya angaleka ukumùhana, analeke neꞌmigisi yinyu, neꞌkihugo kiinyu.

Yeremiya 13:16

Mukizi huuza Rurema Nahamwinyu, átazi mùyingiza mu kihulu, mútanazi siitara mu migazi hiꞌgulu lyeꞌkihulu. Kundu mulangaalire kwoꞌmulengeerwe gugamùtanguulira, haliko hali ikyanya angamùtumira ikibungu kiiru, neꞌkihulu namudidi.

Yohana 9:24

Balya Bafarisaayo banashubi tumiraga uyo mundu, banamúbwira: «Huuzagya Rurema, mu kudeta ukuli! Si ulya mundu ye udesiri kwo akukiza, tuyiji-yiji kwo ali munabyaha!»

Danyeri 9:4

«Nanayilega imbere lya Rurema kwokuno: «“E Rurema Nahamwitu! Utuuziri hiꞌgulu bweneene, unali wa kahebuuza! Ngiisi ábakukuuziri, banakusimbahiri, uli mu nywana ikihango mwe nabo mu kati koꞌrukundo, unali mu kizi kikengeera.

2 Kutondobola 30:22

Mwami Hezekiya, iri akabona ngiisi kwaꞌBalaawi bayitaaziri bweneene ku bya Nahano, anabasiimira bweneene. Mu yizo siku zirinda, abandu bâli kizi lya inyama ízikatangwa amatuulo, banatanga kwakundi naꞌmatuulo goꞌkuyerekana ingoome. Kwokwo, kwo bakayikumba Nahano Rurema wa bashokuluza baabo.

1 Samweri 14:43

Kwokwo, Sahuli anamúbuuza: «E Yonataani, kyaha kiki kyo wagira?» Naye, ti: «Nꞌgafunda ingoni yani mu bibambala, nanabilamba. Aaho! Ka yukwo kwangatuma ngayitwa?»

Migani 28:13

Ngiisi úli mu bisha amahube gaage, atangagenduukirwa. Si ngiisi úli mu gayilega, anagatwikire kwo, yehe agaakogwa.

Zaburi 32:5

Birya byaha byani, iri hakatama, ndanaki gira mbu ngubishe byo, si nanabiyilega imbere lyawe. Nanahiga kwokuno: «Ngolaga ngayilega ibyaha byani imbere lya Nahano.» Ikyanya nꞌgabiyilega imbere lyawe, wanangoga. Haaho, umwama gweꞌbyaha byani gwanayami hera.

Bwigule 16:9

Kyanatuma abandu bagahiira ngana neꞌndugumbo yalyo. Kundu kwokwo, yabo bandu batanatwikira ku byaha byabo, mbu bahuuze Rurema. Halikago, banatondeera ukutuka iziina lyage. Mukuba, yago malibu, ye wâli noꞌbushobozi bwoꞌkugahamuliza.

Yakobo 1:20

Mukuba, kutali ku njira yoꞌkuyagalwa, kwoꞌmundu angagira íbikwaniini imbere lya Rurema.

Tiito 2:2

Abashosi ábakoli kaniri, ubayigirize kwo bakizi yitonda, halinde bakizi shaagana. Bakizi tuula ku bwitegeereze. Banabe babiisiri Rurema kwoꞌbwemeere. Banabe bakundiini. Banabe bali mu yihangaana.

2 Timoteyo 2:25

Umukozi wa Nahano, ikyanya abandu bali mu giraga mbu bamúhangirire, akwiriiri akizi bayerekeza mu kati koꞌbutuudu. Mukuba, hali ikyanya Rurema angaki batabaala, halinde banatwikire ku buligo bwabo, banasobanukirwe neꞌbyoꞌkuli.

Barumi 10:10

Mukuba, tuli mu yemeera Rurema mu mitima yitu, kiri na ku tunwa twitu, halinde tunabe tukoli kwaniini imbere lya Rurema, tunakizibwe.

Luka 17:18

Ka ndaaye gundi úwagaluka ukuyiji yivuga Rurema, ha nyuma lya yiki kinyamahanga naaho?»

Hisaaya 13:12

Balya bandu, ngabaniihya kwo, babulike nga nooro muguuhya. Ee! Bagabulikaga nga nooro yeꞌHofiiri.

Zaburi 51:3

E Rurema! Keera nahuba bweneene. Kwokwo, ungejeerere. Yago mahube gaani, ugahotolage. Si indengeerwa zaawe ziri za kahebuuza! Noꞌrukundo lwawe lutâye male.

Yoshwa 7:20

Hakani, ti: «Ee! Biri ukuli, kwo keera nꞌgagira ikyaha imbere lya Nahano Rurema waꞌBahisiraheeri. Na byo nꞌgakola, byo byebino:

2 Baami 20:15

Anashubi múbuuza: «Biki byo babonaga mu nyumba yawe?» Hezekiya, ti: «Babona byoshi íbiri mwo. Kiri na mu bihinda byani, ndaakyo kindu kyo ndabayereka.»