Yoshwa 24:6 - Kifuliiru

⁶ Ikyanya nꞌgabalyosa i Miisiri, banayija halinde ku Nyaaja Ndukula. Haaho, Abamiisiri banayija bagweti bagabahiiva, bali naꞌmagaare giꞌzibo, naꞌbasirikaani ábali mu gendera ku fwarasi.

Yoshwa 24:6 Referans Kwoze

Baheburaniya 11:29

Yabo Bahisiraheeri, nabo bâli biisiri Rurema kwoꞌbwemeere, kyanatuma bagajabuka Inyaaja Ndukula nga ábagweti bagalenga áhakamiri. Haliko Abamiisiri boohe, iri bakagira mbu nabo bagijabukage, yanayami babindikira.

Mikolezi 7:36

«Ha nyuma, Musa anabarongoora, mu kubalyosa i Miisiri. Akahisa imyaka makumi gana, agweti agayerekana yeꞌbitangaaza bingi. Anakizi bigira ku Nyaaja Ndukula, kiri na mwiꞌshamba.

Mika 6:4

Si nꞌgamùlyosa mu kihugo kyeꞌMiisiri, nanamùkiza mu buja. Nꞌgalungika Musa, na Harooni, na Miryamu, gira bamùtabaale.

Zaburi 78:13

Anabera injira mu nyaaja, anabarongoora, halinde banagilenga mwo. Amiiji gakabunduuka mwo kubiri, hanasigala nga bikombo.

Nehemiya 9:11

Ikyanya inyaaja yâli koli hangiriiri bashokuluza biitu, emwe, wanagibunduula, banagijabuka ikoli yumiri. Haliko Abamiisiri boohe, ikyanya bakabalandiriza, wanababindikira mwo. Ee! Bakayami mirwa ngiꞌbuye mu kalingi.

Kulyoka 12:51

Ku lwolwo lusiku, Nahano akalyosa Abahisiraheeri mu kihugo kyeꞌMiisiri, ndeeko-ndeeko.

Kulyoka 12:37

Lyeryo, Abahisiraheeri banalyokaga i Rameseesi, banagenda halinde i Sukooti. Bâli hisiri nga bashosi bihumbi magana galindatu, buzira kuharuura abakazi naꞌbaana.