Yoshwa 19:15 - Kifuliiru

¹⁵ Lwanasooka inyuma lyaꞌkaaya keꞌKataati, naꞌkeꞌNahalaali, naꞌkeꞌShimurooni, naꞌkeꞌHidala, naꞌkeꞌBetereheemu. Umuharuuro gwa yutwo twaya natwo, twâli riiri ikumi na tubiri, kuguma noꞌtundi twaya tuniini two twâli kizi koza.

Yoshwa 19:15 Referans Kwoze

Yoshwa 11:1

Yibyo byoshi íbikakoleka, iri mwami Yabiini weꞌHazoori akabiyuvwa, anatuma indumwa imwa mwami Yobaabu weꞌMadooni, neꞌmwa mwami weꞌShimurooni, neꞌmwa mwami weꞌHakishafu,

2 Kutondobola 11:6

ngaꞌkaaya keꞌBetereheemu, naꞌkeꞌHetamu, naꞌkeꞌTekowa,

2 Samweri 23:15

Mu yulwo lwala, Dahudi ananyooterwa bweneene, anadeta: «Ka hali úwangandeetera amagoloovi mu kirigo íkiri kwiꞌrembo lyaꞌkaaya keꞌBetereheemu?»

Ruuti 1:19

Kwokwo, banagendanwa, banahika mu kaaya keꞌBetereheemu. Yabo bombi, iri bakaba keera bayingira mu kaaya, abandu booshi banatondeera ukukanguka. Abakazi banakizi buuzania: «E balya, ka Nahomi uyu?»

Batwi beꞌmaaja 1:30

Beene Zabulooni, nabo batakayimula Abakaanani, abatuulaga ba mu kaaya keꞌKitirooni, naꞌba mu keꞌNahaloli. Si bakagenderera ukutuulanwa, banakizi bakoleesa ku kahaati.

Yoshwa 12:20

Hali na mwami wa mu keꞌShimurooni-Merooni. Hali na mwami wa mu keꞌHakishafu.

Yoshwa 19:14

Yulwo lubibi, lwanashubi nyookera uluhande lweꞌmbembe lweꞌHanatooni, lwanahekera ku ndekeera yeꞌHifutaheeri.

Yoshwa 19:16

Yutwo twaya, bwo buhyane bwoꞌmulala gwa Zabulooni, kuguma noꞌtundi twaya tuniini two twâli kizi koza, ukukulikirana naꞌmakondo gaabo.

Batwi beꞌmaaja 12:8

Ikyanya Yefuta akaba keera afwa, Habusaani weꞌBetereheemu anaba ye mutwi weꞌmaaja mu Bahisiraheeri.

Batwi beꞌmaaja 17:7

Ku yikyo kyanya, hâli riiri umusore muguma woꞌMulaawi, âli lyosiri i Betereheemu, mu poroveesi yeꞌBuyuda.