Yoshwa 13:5 - Kifuliiru

⁵ «Na kwakundi, hakiri ikihugo kyaꞌBagebaali, noꞌluhande lweꞌsheere yoshi yeꞌLebanooni, kutondeerera i Baali-Gaadi, mu kabanda koꞌmugazi Herimooni, halinde i Lebo-Hamaati.

Yoshwa 13:5 Referans Kwoze

1 Baami 5:18

«Haliko buno, Nahano, Rurema wani keera akambeereza umutuula imbande zooshi, ndanaki yobohiri. Mukuba umugoma, ndaakiye. Kiri naꞌmakuba, ndaago.

Yoshwa 12:7

Bano baami, baꞌBahisiraheeri bakahima, uluhande lweꞌmuga lwoꞌlwiji Yorodaani. Yubwo buhimi bwabo, butonderiiri mu kaaya keꞌBaali-Gaadi ákali mu kabanda keꞌLebanooni, halinde ku mugazi Halaaki, úguli uluhande lweꞌSeyiri. Yutwo twaya twoshi, Yoshwa anatusikiiriza Abahisiraheeri, gira bube buhyane bwabo.

Hezekyeri 27:9

Wâli kizi koleesa ibikalage byaꞌbashosi ukulyoka i Gebaali, kuguma na banaluganda baabo boꞌkuziba amatule gaꞌmashuba. Naꞌba mu mashuba gooshi ga mu nyaaja, imwawe yo munda bali mu yiji dandaliza.

Zaburi 83:7

Mu kati kaabo, muli Abahedoomu, naꞌBahishimaheeri, naꞌBamohabu, na beene Hagaari,

Yoshwa 11:17

Yibyo bihugo, bikatondeerera ku mugazi Halaaki úgwâli yanuusiri hoofi neꞌSeyiri, halinde ukuhisa i Baali-Gaadi mu ndekeera yeꞌLebanooni, íyâli mu kabanda koꞌmugazi Herimooni. Yibyo bihugo byoshi, Yoshwa anagwata abaami baabyo booshi, anabayita.

Muharuuro 34:8

Ukushaagira yaho, lunagenderere i Lebo-Hamaati, halinde i Zedadi.

Hamoosi 6:2

Mutee hikaga mu kaaya keꞌKaline, gira mulole ngiisi kwo kashereezibwa. Mukabuli genderera halinde mu kaaya kahamu keꞌHamaati. Ha nyuma, munamanukire mu kaaya keꞌGaati, mu Bafirisiti. Aahago! Abandu ba mu yutwo twaya twoshi, si bo bâli mùsumbiri! Ikihugo kiinyu, kitasumbiri ibyeꞌmwabo.

Hisaaya 10:9

Akaaya keꞌKalino, keera nꞌgakashereeza, nga kwo nꞌgashereeza i Karikemishi. Kiri naꞌkaaya keꞌHamaati, nꞌgakashereeza, nga keꞌHaripaadi. NaꞌkeꞌSamariya kwakundi, nꞌgakashereeza, nga keꞌDamasiki.

Bukengeeze 3:25

Kwokwo, nakuyinginga, we kongwa, uleke njabuke ulwiji Yorodaani, naani mbone yikyo kihugo kiija. Mbone kiri neꞌmigazi miija, kuguma neꞌmigazi yeꞌLebanooni.”

Bukengeeze 1:7

Aaho! Buno, mulyokage hano, mugende mu kihugo kyeꞌmigazi yaꞌBahamoori, na mu batuulani baabo booshi baꞌBakaanani. Mulenge mu ndekeera yeꞌYorodaani, na mu migazi yeꞌNegebu, na mu tubanda twayo, kiri na ku ngombe yeꞌNyaaja Mediterane. Munagenderere mu migazi yeꞌLebanooni, halinde ku lwiji luhamu Hefuraati.

Muharuuro 13:21

Kwokwo, yabo bagahirizi banazamuuka, banagendi gahiriza ikihugo, ukulyokera mwiꞌshamba lyeꞌSiini, halinde i Rehobu, mu njira yoꞌkugenda i Hamaati.

Yoshwa 11:3

Anashubi tuma indumwa mu Bakaanani ábâli tuuziri uluhande lweꞌsheere, na ábâli tuuziri ulweꞌmuga. Anatumira Abahamoori, naꞌBahiti, naꞌBapereesi, naꞌBayebuusi ábâli tuuziri mu migazi, naꞌBahivi ábâli tuuziri mu kabanda koꞌmugazi Herimooni, mu kihugo kyeꞌMisipa.

1 Baami 8:65

Uyo Sulumaani, anahisa isiku zirinda agweti agakulikiriza ulusiku lukulu lweꞌbitunda imbere lya Nahano Rurema, ali kuguma naꞌBahisiraheeri booshi. Hâli riiri ikizimya-izuuba kyaꞌBahisiraheeri, boꞌkulyoka kwiꞌrembo lyeꞌHamaati mu mbande zeꞌmbembe, halinde ku lwiji lweꞌMiisiri mu mbande zeꞌkisaka. Ha nyuma, banashubi yushuula izindi siku zirinda. Zooshi kuguma, zanaba isiku ikumi na zina.

Yeremiya 52:9

Yabo Bababeeri, ikyanya bakagwata mwami Zedekiya, banamútwala imunda mwami wabo i Ribila, mu kihugo kyeꞌHamaati. Haaho, ho mwami Nebukandeneza akatwira Zedekiya ulubaaja.