Yoshwa 11:21 - Kifuliiru

²¹ Ku yikyo kyanya, Yoshwa anagendi minika Abahanaaki ábâli tuuziri mu migazi yeꞌHeburooni, naꞌba mu yeꞌDebiiri, naꞌba mu yeꞌHanaabu, naꞌba mu migazi yoshi yeꞌBuyuda, kiri naꞌba mu yeꞌHisiraheeri. Kwokwo, kwo Yoshwa akaminika balya bandu booshi, anasivya noꞌtwaya twabo.

Yoshwa 11:21 Referans Kwoze

Bukengeeze 9:2

Yabo bandu bali bifigisi, banali bikalage. Baguma baabo bali Bahanaaki. Keera mukayuvwa kwo bali mu deta: “Nyandi úwangayibanga beene Hanaaki?”

Bukengeeze 1:28

Aaho! Kutagi kandi kwo twangashobola ukuyingira mwo? Si beene witu keera batuvuna indege, mu kutubwira: Ka mwangabona? Abatuulaga ba mu kirya kihugo, bali bihagarusi, banali bifigisi ukutuhima. Kiri noꞌtwaya twabo, natwo tuli tuhamu. Inzitiro zaatwo, zishuumiri halinde ku bibungu. Twanabona kiri naꞌbandu bahamu bweneene, Abahanaaki.”

Bwigule 6:2

Neꞌri nꞌgalangiiza, nanabona ifwarasi yeꞌkitare yayija! Na úwâli gishoniri kwo, âli fumbiiti umuheto, anahaabwa noꞌlushembe. Lyeryo, anayami gendaga mwiꞌzibo, gira agendi sinda ubugoma.

Hamoosi 2:9

«Abahamoori bâli bala-bala, nga biti byeꞌmyerezi, banâli neꞌmisi mingi, nga biti byeꞌmyalooni. Kundu kwokwo, nꞌgabaminika imbere lyaꞌBahisiraheeri. Nꞌgashereeza ibitumbwe ku matavi gaabyo, nanakuula kiri neꞌmizi.

Yeremiya 9:23

Umundu, iri angagira mbu ayihaye, akizi yihaya naaho bwo akoli nyiiji, kwo nie Nahano, na kwo ndi mu kizi kundana mu kati koꞌbwemeera, na kwo ndi mu kizi twa imaaja mu kati koꞌkuli. Abandu ábali mu yihaya kwokwo, bo bali mu nzimiisa.» Kwokwo, kwo Nahano adesiri.

Yeremiya 3:23

Ku kasiisa, ikyanya twâli kizi yikumba imigisi ku tugangazi na ku migazi, lyo twâli kizi tebeka bweneene. Ku kasiisa, Rurema Nahamwitu, yehe ye mwene ubukize.

Batwi beꞌmaaja 1:20

Uyo Kalebu, anasikirizibwa akaaya keꞌHeburooni, nga kwo Musa âli mali gwanwa adeta, anayimula mwo bagala Hanaaki bashatu.

Yoshwa 10:42

Akabahima booshi, kuguma naꞌbaami baabo. Ku kyekyo kyanya kiguma, anabanyaga ibihugo byabo. Mukuba, Nahano Rurema waꞌBahisiraheeri, ye wâli kizi balwira.

Bukengeeze 2:21

Yabo bandu, bâli luguusiri bweneene, banâli bihagarusi. Emwe! Bâli bifigisi ngaꞌBahanaaki. Haliko, Nahano akabaminika imbere lyaꞌBahamooni. Ikyanya Abahamooni bakahika mwo, banabayimula, banatuula mwo.

Muharuuro 13:33

E maashi, tukabona ibihagarusi byaꞌBahanaaki. Twehe imbere lyabo, tushuba mu yibonekera nga tuhaazi. Nabo kwakundi, kwokwo kwo bashuba mu tubona.»