Yoshwa 10:12 - Kifuliiru

¹² Ikyanya Nahano akabiika Abahamoori mu maboko gaꞌBahisiraheeri, Yoshwa anahuuna Nahano imbere lyaꞌBahisiraheeri booshi kwokuno: «E izuuba, uyimange hiꞌgulu lyaꞌBagibyoni. Na naawe e mwezi! Uyimange mu kabanda keꞌHayalooni.»

Yoshwa 10:12 Referans Kwoze

Habakuki 3:11

Ikyanya irya myambi yawe ikayinywerereka, ikayami tanguula, waa! Itumu lyawe, lyâli kizi kyemula! Lyeryo, izuuba noꞌmwezi byanayami jingalala.

Hisaaya 38:8

Nie Nahano, ngagalula ikimbehwa kiꞌzuuba indambo ikumi, ku lwingo úlukayubakwa na Ahaazi.» Iri Nahano akayusa ukudetaga kwokwo, yikyo kimbehwa kyanagaluka indambo ikumi.

Hisaaya 60:20

Izuuba litâye ki mùsookere. Kiri na bushigi, umwezi gutâye ki fwifwitire. Mukuba, Nahano yenyene, ye gakizi mùtanguulira imyaka neꞌmyakuula! Kinatume ukujengeerwa kwinyu kugaamala lwoshi-lwoshi.

Hisaaya 28:21

Haaho, Nahano agaaba akoli shavwiri, anakizi lwa, nga kwo akalwa naꞌBafirisiti ku mugazi Perazimu, na nga kwo akalwa naꞌBahamoori mu ndekeera yeꞌGibyoni. Leero, agayiji gira ibya kundi-kundi byo mutashubi langaliiri.

Zaburi 19:4

Bigweti bigakizi deta, buzira kukoleesa izu. Ee ma! Ndaalyo íriri mu yuvwikana.

Yoshwa 10:13

Kwokwo, izuuba lyanatee yimanga. Kiri noꞌmwezi gutanaki sooka, halinde ukuhisa ku kyanya Abahisiraheeri bakahima abagoma baabo. Kwokwo, kwo biyandisirwi mu kitaabo íkiri mu detwa Kya Úkwaniini. Izuuba likayimanga ha kati kiꞌgulu, lyanamala ho mulege-rege gwoshi, lítasooka.

Zaburi 148:3

Izuuba noꞌmwezi, niinyu mukizi múhuuza. Kiri neꞌndonde, kwo ziyasiri, nazo zikizi múhuuza.

Hayubu 9:7

Ali mu bwira izuuba kwo leero litatunduuke. Kiri neꞌndonde, anazibwikire, zitamoleke.

Bukengeeze 4:19

Ikyanya mugakizi lola hiꞌgulu, munabone izuuba, noꞌmwezi, neꞌndonde, neꞌbindi biremwa bya kwiꞌgulu, mutakolwe mbu mukizi biyikumba, kandi iri kukizi bifukamira. Yibyo byoshi, Nahano, Rurema winyu akalekera igindi milala, mbu ibe yo igakizi biyikumba.

Zakariya 2:13

«Yibyo binyamahanga, ngamùyihoolera byo. Si abaja baabo, nabo bo bagayiji bashahula ibindu!» Haaho, lyo mugaamenya kwo Nahano woꞌbushobozi bwoshi, ye kandungika.

Habakuki 2:20

Haliko, Nahano atuuziri mu nyumba yage ndaluule. Abandu booshi ba mu kihugo bakizi beera munyerere imbere lyage!»

Zaburi 74:16

Izuuba noꞌmwezi, biri byeꞌmwawe. Ee ma! We kabumba umulege-rege, kiri noꞌbushigi.

Yoshwa 19:42

naꞌkeꞌShalabini, naꞌkeꞌHayalooni, naꞌkeꞌHitila,

Bukengeeze 17:3

Anakizi gendi yikumba ibindi-bindi íbiri mu yikumbwa, iri anabifukamira. Anabe agweti agayikumba izuuba, noꞌmwezi, neꞌndonde, anabe ali mu haasa-haasa ku buhanuuzi bwa Nahano.

Hamoosi 8:9

Rurema Nahamwitu adetaga kwokuno: «Yulwo lusiku, ngasoosagya izuuba, kanakiri kalenge-renge. Haaho mu kalenge-renge, ikihulu kinayidike mu kihugo.

Batwi beꞌmaaja 12:12

Neꞌkyanya akashaaja, anaziikwa mu kaaya keꞌHayalooni, mu kihugo kya Zabulooni.

Batwi beꞌmaaja 5:20

Mu yiryo izibo, kiri neꞌndonde za mwiꞌgulu, zikalilwa mwo. Zanakizi kulikira injira zaazo, mu kulwisa uyo mwami Siseera.

1 Samweri 14:31

Ku lwolwo lusiku Abahisiraheeri bakayita Abafirisiti, ukulyokera i Mikimasi halinde i Hayalooni. Haliko, bâli mali hula niꞌshali.

2 Samweri 2:12

Habineeri mugala Neeri, kuguma na beene Hishibosheeti mugala Sahuli, banalyoka i Mahanayimu, banagenda i Gibyoni.

2 Baami 20:11

Hisaaya anahuuna Nahano. Kwokwo, Nahano anagalula ikimbehwa indambo ikumi, ku lwingo úlukayubakwa na Ahaazi.

Yeremiya 28:1

Mwami Zedekiya âli koli hisiizi imyaka ina neꞌmyezi ina atwaziri Abayuda. Haaho, umuleevi Hananiya mugala Hazuuru weꞌGibyoni, anayingira mu nyumba ya Nahano. Lyeryo, anayimanga imbere lyaꞌbagingi, kuguma naꞌbandi bandu booshi, anambwira kwo

Hamoosi 2:9

«Abahamoori bâli bala-bala, nga biti byeꞌmyerezi, banâli neꞌmisi mingi, nga biti byeꞌmyalooni. Kundu kwokwo, nꞌgabaminika imbere lyaꞌBahisiraheeri. Nꞌgashereeza ibitumbwe ku matavi gaabyo, nanakuula kiri neꞌmizi.

Yoshwa 21:24

naꞌkeꞌHayalooni, naꞌkeꞌGaati-Rimooni.

1 Samweri 12:18

Ku kyekyo kyanya, ulya Samweri anahuuna Nahano kwo aniese invula. Ku lwolwo lusiku, Nahano anaginiesa. Kiri neꞌmilavyo, yanalavya, lya! Yabo booshi, ikyanya bakabona ngiisi kwo Nahano agira ku njira ya Samweri, banalenga mweꞌkinyukura.

2 Baami 20:9

Hisaaya naye, ti: «Akalangikizo koꞌkuyerekana kwo Nahano agaagira nga ngiisi kwo akulagaania, ko kaakano: Ka uloziizi kwiꞌzuuba ligende indambo ikumi imbere, kandi iri ligaluke indambo ikumi inyuma?»

2 Baami 20:10

Hezekiya anashuvya: «Ukugenda indambo ikumi imbere, bivwarusiri. Kwokwo, ligalukage ha nyuma indambo ikumi.»

1 Kutondobola 8:13

Uyo Heripaari akabuta na Beriya, na Shema. Yabo bombi, bâli bimangizi beꞌmbaga ízâli tuuziri mu kaaya keꞌHayalooni, banayimula abatuulaga beꞌGaati.

2 Kutondobola 11:10

naꞌkeꞌZoora, naꞌkeꞌHayalooni, naꞌkeꞌHeburooni. Yutwo twaya twa Yuda, noꞌtwa Binyamiini, two twâli zitiirwi.