Yona 2:7 - Kifuliiru

⁷ Nâli mali manukaga, halinde iꞌdako ku ndaliro zeꞌmigazi. Nâli shwesirwi mu kihugo kya abafwiri. Inyiivi zâli mali mbamikirwa, gira mbeere yo imyaka neꞌmyakuula. E Rurema Nahamwitu! Kundu nâli kola mu miiji mingi, halikago, wananyulubula, wanandyosa yo, ngiri mugumaana.

Yona 2:7 Referans Kwoze

Zaburi 18:6

Imigozi yage yâli koli ngoniri. Naꞌmalamba gaage gâli kola ha mbere lyani.

2 Kutondobola 30:27

Iri hakatama, abagingi naꞌBalaawi banayimanga, banahuunira yabo bandu imwa Rurema, gira abagashaanire. Yago mahuuno gaabo, iri Nahano akagayuvwa, anagayemeera. Mukuba, ali yolya útuuziri mwiꞌgulu, áhatalwirwi.

Zaburi 143:5

Ngi kengiiri zirya siku za keera. Na ngweti ngayitoneesa ku byoshi byo wâli kizi gira.

Zaburi 11:4

Kundu kwokwo, Nahano atuuziri mwiꞌgulu, mu nyumba yage nyeeru. Abwatiiri ku kitumbi kyage kyoꞌbwami, iri analola-lola ku bandu. Amasu gaage gayamiri gali mu baloleekeza.

1 Samweri 30:6

Balya beene Dahudi, imitima yabo yanashenguka. Ngiisi muguma wabo âli kola noꞌmwizingeerwe hiꞌgulu lyaꞌbaana baage boꞌbutabana, na boꞌbunyere, banatondeera ukudeta kwo Dahudi ayitwe mu kulashwa amabuye. Kyanatuma Dahudi naye agashenguka. Kundu kwokwo, anakania indege mu Rurema Nahamwabo.

Zaburi 27:13

Kundu kwokwo, ndangaliiri kwo ngagenderera ukuba ho, halinde na ndonge ukubona ubwija bwa Nahano.

Zaburi 20:7

Bwo Nahano keera akatoolaga umwami, anamúshiiga amavuta, nyiji kwo aganamúkiza. Ee ma! Agamúshuvya ukulyoka mwiꞌgulu, Ahandu Heeru. Na mu kumúkiza, agakoleesa ubushobozi bwage.

Zaburi 65:4

Ikyanya tukoli zidohiirwi neꞌbyaha biitu, uli mu tukoga byo.

Baheburaniya 12:3

Abagoma ba Yesu, bâli kizi gira mbu bamúhangirire. Kundu kwokwo, mukizi kengeera ngiisi kwo akabagooyera. Kwokwo, niinyu mutayiji yoloha, mbu muhebuure.

Habakuki 2:20

Haliko, Nahano atuuziri mu nyumba yage ndaluule. Abandu booshi ba mu kihugo bakizi beera munyerere imbere lyage!»

Mika 1:2

E bandu mweshi mwe muli mu kihugo! Yuvwi! Na byoshi íbikiri mwo! Mundegage amatwiri! Nahano Rurema, agweti agamùlega mu nyumba yage nyeeru.

Yona 2:4

Si we wâli mali nyulubiza mwiꞌbenga, ha kati keꞌnyaaja! Amiiji mingi, gananzokanana. Imidunda yanakizi ndenga-ndenga kwo.

Hisaaya 50:10

Mu kati kiinyu, nyandagi úyobohiri Nahano, anabe asimbahiri umukozi wage? Iri wangaba ukiri mu genda mu kihulu buzira itara, ugire ukizi yihega ku Nahano Rurema, unamúbiike kwoꞌmulangaaliro.

Zaburi 43:5

E mutima gwani, kituma kikagi ukoli jengiirwi, unakoli shengusiri? Ubiikage umulangaaliro gwawe imwa Rurema. Ye mu ngiza, ye na Rurema wani. Ee ma! Ngaki shubi múyivuga.

Zaburi 42:11

Bagweti baganyamiriza. Banali mu shiiba bagweti bagambuuza: «Ewe! Ulya Rurema wawe, alyagagi hayi?» Kwokwo, nayuvwa mu mavuha gaani kwo ngoli fwiri.

Zaburi 42:5

Buno, ngola ngadeteerera íbiri mu mutima gwani. Ngi kengiiri ngiisi kwo nâli kizi genda ndongwiri abandu bingi, mu kugendi yingira mu nyumba ya Rurema. Ee! Tweshi twâli kizi kutangira kongwa, iri tunashagalukira kuguma, noꞌkubanda utubuuli.

Zaburi 22:14

Bakoli yashwiri utunwa twabo, nga ndare, banagweti bagalunduma, gira banjanganule.

Zaburi 142:3

Na ndi mu múyereka amalibu gaani, ngiisi kwo ngoli goozirwi.

Hisaaya 38:17

Kundu njubi yuvwiti umwizingeerwe, we kaguhindula bube buhiirwa. Wanangiza na Narufu, wanashuluguta ibyaha byani inyuma lyawe.