Yona 2:6 - Kifuliiru

⁶ Yago miiji gakahambiri nvumba umuuka. Yiryo ibenga, lyâli loziizi ukuyami nyulubiza lwoshi-lwoshi. Kiri neꞌbyasi bya mu nyaaja, byanakizi nyizingira-zingira kwiꞌtwe.

Yona 2:6 Referans Kwoze

Zaburi 30:3

E Rurema, Nahamwitu, ikyanya nꞌgakutabaaza hiꞌgulu lyaꞌmalwazi, wanayami ngiza.

Zaburi 16:10

Bwo ndi mutaluule wawe, utagandekera i kuzimu, utagayemeera kwaꞌmagala gaani gabolere yo.

Hisaaya 38:17

Kundu njubi yuvwiti umwizingeerwe, we kaguhindula bube buhiirwa. Wanangiza na Narufu, wanashuluguta ibyaha byani inyuma lyawe.

Habakuki 3:10

Ikyanya imigazi ikakuloleekeza, yanayami jugumbana, inyiiji zanagolomba mwo. Utulingi tweꞌnyaaja tukalunduma, twanayami vubula imidunda.

Habakuki 3:6

Ikyanya ali mu yimanga, ikihugo kinajugumbane. Neꞌkyanya ali mu lyeguuza amasu, abandu banayami lenga mweꞌkinyukura. Kundu imigazi iyamiri-yamiri ho, ali mu givungula. Noꞌtugangazi, kundu tuyamiri ho, ali mu yami tuhongola. Ee! Yehe ye tuuziri ho imyaka neꞌmyakuula.

Hisaaya 40:12

Aahago! Nyandi gundi keera úkagera inyaaja mu maboko gaage? Kandi iri akoleesa ukuboko, mu kugera ikyanyaanya? Nyandagi úyiji ubuzito bweꞌkihugo, keera anagera imigazi noꞌtugangazi noꞌlugero?

Zaburi 143:7

E Nahano, uvwarukage, unjuvye, maashi! Si ngolagi yihebwiri! Aahago! Utambindulire ingoto. Mukuba, iri wangagimbindulira, lyo ngayami fwa.

Zaburi 104:8

Ikyanya ukashungika, imigazi ikashona halinde mwiꞌgulu, neꞌndekeera zanayikira ho zikola.

Zaburi 104:6

Yikyo kihugo, wâli kibwikiiri naꞌmiiji mingi, nga mulondo. Ee! Gâli bwikiiri kiri noꞌtunywangi-nywangi tweꞌmigazi.

Zaburi 65:6

E Rurema, we gweti ugatukiza. Neꞌkyanya tuli mu kuhuuna, uli mu tushuvya, mu kukizi tugira mweꞌbitangaaza. Abandu ábatuuziri mu mahanga gooshi, bakulangaliiri, kiri na ábatuuziri i kajabo keꞌnyaaja mbamu.

Zaburi 55:23

Ewe! Ikyanya uli mu longaga amakuba, ulekage Nahano abe ye gagalola. Yenyene agakizi kuhahala. Atagaaleka umundu mwija kwo atibukire haashi.

Zaburi 30:9

E Nahano, haaho nꞌgakutabaaza, nanakuhuuna ulukogo, mu kukulirira, ti:

Hayubu 33:28

Si Rurema anangiza, mu kundyosa ha nio ya nakuzimu. Na buno, ngola ngakizi siima umulengeerwe.”

Hayubu 33:24

anabe amúyuvwitiiri indengeerwa, anamúbwire, ti: “Mugire mumúkize, ataki shubi yingira mu kuzimu. Mukuba, keera nabona ubulyo bwoꞌkumúguluula mwo.”

Bukengeeze 32:22

Uburaakari bwani, buli mu yaka nga muliro, bunali mu yika, halinde i nakwere. Buli mu siriiza íbiri mu mera kwiꞌdaho. Buli mu jigiivya haashi, halinde indaliro zeꞌmigazi.

Mataayo 16:18

Nakubwiraga kwo we Peturu. Na ku yiri ibuye, kwo ngayubakira ishengero lyani! Na lirya ishengero, Narufu atanâye lisinde!

Zaburi 18:5

Narufu âli koli nzokaniini. Imigezi yage yâli kola iganyihonga kwo, gira imbindike.

Zaburi 116:3

Nâli kolaga imbere lyoꞌlufu. Imigozi ya Narufu yâli koli ngonyiri. Nanâli koli shengusiri bweneene. Nâli gweti ngatulagula, iri na ngerania.

Hisaaya 38:10

Nâli gweti ngayibuuza: Si uburambe bwani, buki ryagagi ha kati naaho! Kundu kwokwo, ngolaga bu genda i nakwere. Aahago! Iyo myaka íkinzigiriiri, ka ngaginyagwa?

Hezekyeri 26:20

«Neꞌri hagaatama, na ngulindimulire i kuzimu, gira ugwane yo ábakafwa kare. Ugabeera yeyo imyaka neꞌmyakuula, kuguma naꞌbandi abafwiri. Utanâye ki lyoke yo, mbu ushubi tuula mu bagumaana.

Hezekyeri 31:14

«Ikiti, kundu kyangalonga amiiji mingi, ndaakyo íkigashubi laaha kwokwo, halinde kinahike ku bibungu. Kundu kwokwo, hagaatama, byoshi bigaafwa, binalindimukire i kuzimu nga bandu.

Zaburi 69:2

E Rurema, ungizagye, we kongwa! Si keera nayikiraga mu musaayo, ndaanabyo nangaki yimangira kwo. Ngoli tibukiiri mwiꞌbenga lyaꞌmiiji, ganakoli mbikiiri mwiꞌgosi. Imidunda ikola mu mbunguukana.