Yohana 8:43 - Kifuliiru

⁴³ Na íbitumiri mutasobanukiirwi naꞌmagambo gaani, bwo gahimiri ubwenge bwinyu.

Yohana 8:43 Referans Kwoze

Yohana 5:43

«Niehe, nꞌgayija kwiꞌziina lya Daata, mutananyakiira. Haliko, iri umundu angayija kwiꞌziina lyage yenyene, yeki mugamúyakiira.

Yohana 7:17

Umundu, iri angaba ashungisiri ukugira byo Rurema aloziizi, yoyo ye gaamenya iri amigirizo gaani galyosiri imwa Rurema, kandi iri gali ga kuyihalangira.

Mikolezi 7:51

Setefaano anagenderera noꞌkudeta: «Si muli mindagabika! Imitima yinyu, kiri naꞌmatwiri giinyu, biri nga bya kipagaani. Muyamiri muli mu gahaasa-haasa ku byoꞌMutima Mweru, nga kwo bashokuluza biinyu nabo bâli kizi gira!

Yohana 6:60

Abigirizibwa ba Yesu, iri bakayuvwa kwokwo, abingi baabo banatondeera ukudeta: «E balya, yaga migirizo gaage, leero gakola makayu. Nyandagi úwangaki gayemeera?»

Yohana 8:27

Batakamenya kwo Yesu agweti agababwira hiꞌgulu lya Yishe.

Yeremiya 6:10

Nanashuvya: «Nyandagi ye nangakengula, halinde ananyuvwe? Si yaba bandu booshi balyagagi babitwitwi! Ikyanya ndi mu bakengula, batali mu nyuvwa. Si igambo lyawe, bali mu lijambuura, batanalitwaziizi.

Migani 28:5

Banangora-mabi batasobanukiirwi na íbikwaniini. Si ngiisi ábasimbahiri Nahano boohe, bali mu sobanukirwa lwoshi.

Hisaaya 44:18

Yabo bandu, si balyagagi bizeeze! Ndaanahyo bayiji. Amasu gaabo, kiri naꞌmenge gaabo, bikubisirwi. Batangabona íhiteerwa ku shinda, batanganasobanukirwa.

Hisaaya 6:9

Nahano anambwira, ti: «Yaba bandu, ugendi babwira kwokuno: “Ukuyuvwa, mugakizi yuvwa. Haliko mutâye sobanukirwe! Ukulola, mugakizi lola. Haliko, mutâye bone!”

Mika 4:12

Kundu kwokwo, yabo bandu batayiji ngiisi byo Nahano atoniri, batanasobanukiirwi neꞌshungi zaage. Si Nahano agweti agabakuumania nga mihuli yeꞌmbuto ízigagendi komwa.

Hosheya 14:9

«E beene Hifurahimu maashi! Mutwikire lwoshi ku migisi. Ikyanya mugweti mugandabaaza, si nie mu mùshuvya, na ndi mu kizi mùkuya-kuya. Ngamùbeera nga kimbehwa kyeꞌkiti íkiyamiri neꞌbihunda. Neꞌbitumbwe biinyu byoshi, mugakizi bilongera imwani.»

Barumi 3:11

Ndaanaye úsobanukiirwi neꞌbya Rurema. Ndaanaye úli mu múlooza.

Mataayo 13:15

Yaba bandu, keera bakayumuusa imitima yabo. Banakoli ba babitwitwi, banakoli ba bandabona. Nga bitangabiiri kwokwo, amasu gaabo gangabwini. Naꞌmatwiri gaabo, gangayuvwiti. Neꞌmitima yabo, yangasobanukiirwi, halinde bangangalukiiri, na mbakize.”

Yohana 5:25

«Namùbwira ukuli, kweꞌkyanya kigayija, keera kyanahika, kya abafwiri bagayuvwa izu lyoꞌMwana wa Rurema. Neꞌkyanya bagaliyuvwa, bagaalama.

Yohana 8:33

Yabo Bayahudi, ti: «Twehe tuli ba mwiꞌkondo lya Hiburahimu, tutanazindi ba baja ba mundu yeshi! Aahago! Kuti kwo ugweti ugaadeta kwo twangaki shwekuulwa?»

Yohana 8:39

Yabo Bayahudi, ti: «Si Daata, ye Hiburahimu!» Yesu anabashuvya, ti: «Múkibe muli baana ba Hiburahimu, mwangagiziri nga ngiisi kwo naye âli kizi gira.