Yohana 7:27 - Kifuliiru

²⁷ Uyu mundu, twehe tuyiji-yiji ho alyosiri! Si mango ulya Masiya ayija, ndaaye úgaamenya ho alyosiri.»

Yohana 7:27 Referans Kwoze

Mika 5:2

Nahano, agatanga abandu baage mu bagoma, halinde ukuhisa ku kyanya umukazi agaabuta umwana waꞌkalenge. Haliko, hagaatama, beene wabo banahunguuke, banagalukire mu kihugo kyabo kyaꞌBahisiraheeri.

Yohana 9:29

Noꞌyo Musa, tuyiji kwo Rurema âli kizi múganuuza. Haliko ulya mundu, tutayiji kiri neꞌmunda akalyoka.»

Yohana 6:42

ti: «Uyu mundu, ka atali ye Yesu mugala Yusefu? Si tuyiji yishe! Tuyiji na nyina! Aaho! Kutagi buno, agweti agaadeta kwo akalyoka mwiꞌgulu?»

Yeremiya 30:21

Muguma wabo, ye gakizi barongoora. Uyo mutwali, agalyoka mu kati kaabo. Ikyanya ngakizi múhanguula kwo anyegeere, anayami gira kwokwo. Mukuba, buzira kuhanguulwa, ndaaye úwangagira mbu anyegeere.» Kwokwo, kwo Nahano adesiri.

Mariko 6:3

Aahago! Ka atali ulya mubaaji weꞌbiti? Na nyina, ka atali ye Maryamu? Na beene wabo, ka atali Yakobo, na Yose, na Yuda, na Simooni? Na baali baage, ka tutatuliinwi hano?» Yabo bandu, ehee! Banayuvwa buligo hiꞌgulu lyage.

Luka 4:22

Yago magambo goꞌbugashaane, ikyanya Yesu âli kizi gadeta, balya bandu booshi banamúhuuza, iri banasoomerwa! Banatondeera ukubuuzania: «Emwe! Uyu, ka atali ye yolya mugala Yusefu?»

Hisaaya 11:1

Mu naludakwe weꞌkiti, mwo muli mu lyoka ishibwe. Kwo na kwokwo, na mwiꞌkondo lya Yese, mwo mugalyoka umwami muhyahya.

Yeremiya 23:5

«Mu siku ízigayija, mu kibusi kya Dahudi, ngameza mweꞌshibwe liija. Uyo, ye gayima, anabe mwami mwija, anabe ali mwitegeereza. Yeki, agatwala ikihugo ku njira íkwaniini, na mu kati koꞌkuli. Kwokwo kwo nie Nahano nadeta.

Mikolezi 8:33

Akagayirizibwa mu kunyagwa ukuli kwage. Ndaanaye mundu úwangaganuula imyazi yeꞌkibusi kyage, mukuba uburambe bwage bukagitulwa hano mu kihugo.»

Yohana 7:15

Galya migirizo gaage, ganasoomeza abakulu baꞌBayahudi, banabuuzania: «Yaga magambo gooshi, kutagi kwoꞌyu mundu akagamenya, atakanalenga ku masomo?»

Hisaaya 53:8

Bakamúbirigisha, banamútwira ulubaaja. Neꞌri hakazinda, banamúyita. Uyo mukozi, ndaanaye mundu weꞌkibusi kyage úkamúhahala, akanayitwa hiꞌgulu lyeꞌbyaha byaꞌbandu baani.