Yohana 3:10 - Kifuliiru

¹⁰ Yesu anamúshuvya: «Ka uli mwigiriza waꞌBahisiraheeri, utanagayiji?

Yohana 3:10 Referans Kwoze

Mataayo 22:29

Yesu anabashuvya: «Si mudorongiiri bweneene! Mutayiji íbiri biyandike mu Mandiko Meeru, mutanayiji ngiisi kwoꞌbushobozi bwa Rurema buli.

Hezekyeri 11:19

«Kundu mwâli kizi ba neꞌmitima mikayu íri ngiꞌbuye, ngagilyosa, ninamùbiike mwoꞌmutima munovu gwoꞌkukizi nzimbaha.

Mataayo 15:14

Ku yukwo, yabo Bafarisaayo, mutakizi batwaza! Si biri birongoozi íbihumiri! Imbumi, iri yangarongoora iyabo, si zombi zigatibukira mu kishimo!»

Mataayo 11:25

Ku yikyo kyanya, Yesu anashubi deta: «E Daata, ngweti ngakuyivuga bweneene, bwo we Nahano wa mwiꞌgulu na hano mu kihugo. Yaga magambo, ukagabisha abanabwenge na ábasomiri, wanagabishuulira abagunda.

Yeremiya 31:33

Nahano ashubi detaga kwokuno: «Ku yikyo kyanya, ikihango kyo nganywana naꞌBahisiraheeri, kyo kyekino: Imaaja zaani, ngola ngaziyandika mu menge gaabo, na mu mitima yabo. Ngaaba Rurema wabo. Nabo, banabe bandu baani.

Hisaaya 56:10

Si ibirongoozi byabo ziryagagi mbuuta, binali bizeeze! Booshi bali nga tubwa tweꞌmishega, útutali mu moka. Bali mu lembwa niꞌro naaho. Banayamiri bali mu tendera, iri banaroroota.

Hisaaya 9:16

Yabo booshi, bakoli bihuusiri, banakoli yifuuziri mu bitalaalwe, banakola mu deta íbitali nga byo. Kyo kitumiragi Nahano ataki shambaliiri imisore yabo. Kiri neꞌfuuvi zaabo, na banamufwiri baabo, atakiri mu bakejeerera. Kundu kwokwo, ubute bwage butazi hooha. Aki bangwiri ukuboko kwage, mu kulooza ukuhana abandu baage.

Zaburi 73:1

Izaburi ya Hasafu. Ku kasiisa Rurema agweti agagashaanira Abahisiraheeri, ngiisi ábakoli yeruusiri mu mitima yabo.

Zaburi 51:10

Uleke njubi shagaluka ku bushambaale. Kiri naꞌmavuha go ukafutiiriza, nago galonge ukushambaala.

Zaburi 51:6

Ikyanya nꞌgagira ibyaha, lyo nꞌgakuhubira. Ee! Ndaaye gundi ye nꞌgahubira. Keera nagira amabi bweneene mu masu gaawe. Ku yukwo, ikyanya ugweti ugandwira ulubaaja kwo nahuba, bibonekeriiri kwo uli woꞌkuli.

1 Kutondobola 29:19

Na mugala wani Sulumaani, umúshoboleese ukukizi simbaha imaaja zaawe, naꞌmategeko gaawe, nga ngiisi kwo uli mu kyula. Na bwo keera nakuumania yaka kanyamwala keꞌbindu, alonge ukukuyubakira mwo inyumba yawe.»

Bukengeeze 30:6

«Nahano, Rurema winyu agayeruusa imitima yinyu, kiri neꞌmitima yeꞌbibusi biinyu, munakizi múkunda ku mitima yinyu yoshi, na ku nzaliro ziinyu zooshi, halinde munalonge ukulama.

Bukengeeze 10:16

«Ku yukwo, muyiyeruusagye, mutanakizi ki haasa-haasa.

Bafiripi 3:3

Halikago, twehe, twe tutengwirwi ku njira yoꞌkuli. Mukuba, twe tuli mu yikumba Rurema ku njira yoꞌMutima gwage, iri tunashambaalira Yesu Kirisito. Si tutakiri mu yegamira ibya magala.

Barumi 2:28

Umuyahudi, atangaharuuragwa kwo ali Muyahudi nirizina ku bikagirwa ku magala gaage. Noꞌkutenguulwa kwa nirizina, nakwo kutali mu ba ku byagirwa ku magala.

Bakolosaayi 2:11

Mu kati ka Kirisito, mwo mukatenguulwa. Si kutakagirwa ku maboko gaꞌbandu. Ee! Mukatenguulwa na Kirisito yenyene mu kushaazibwa amifwije giinyu mabi.

Luka 2:46

Banamala isiku zishatu bagweti bagamúlooza. Iri hakatamaga, banagwana Yesu mu nyumba ya Rurema, abwatiiri ha kati kaꞌbigiriza, agweti agabayuvwiriza, iri anababuuza ibibuuzo.

Luka 5:17

Lusiku luguma, Yesu âli gweti agayigiriza abandu. Na mu kati kaabo, mwâli bwatiiri Abafarisaayo, kuguma naꞌbigiriza beꞌmaaja. Baguma baabo, bâli shaaziri mu ngiisi kaaya keꞌGalilaaya. Naꞌbandi, bâli shaaziri i Buyahudi, kiri neꞌYerusaleemu. Na bwo Yesu âli riiri mwoꞌbushobozi bwa Nahano, anakizi bakiza mwaꞌbalwazi.

Yohana 3:9

Uyo Nikodeemu, ti: «Yee! Amagambo mwene yaga, kutagi kwo gangaziga?»

Mikolezi 5:34

Mwiꞌyo naama, mwanayimuka Umufarisaayo muguma, iziina lyage Gamalyeri. Âli riiri mwigiriza weꞌMaaja, anâli kizi haabwa ulushaagwa mu bandu booshi. Anadeta kweꞌndumwa za Yesu zitee hulusibwa.