Yohana 17:17 - Kifuliiru

¹⁷ «Ukizi bayeruusa ku njira yoꞌkuli kwawe. Ee! Igambo lwawe liryagagi lyoꞌkuli.

Yohana 17:17 Referans Kwoze

Yohana 15:3

«Kwokwo, na niinyu, mukoli yeruusiri hiꞌgulu lyaꞌmagambo go nꞌgamùbwira.

Zaburi 119:160

Amagambo gaawe gooshi, gali goꞌkuli. Imaaja zaawe, kwo zikwaniini, zigayama ho imyaka neꞌmyakuula.

Bahefeso 5:26

Akagira kwokwo, gira aliyeruuse. Na yukwo kuliyeruusa, kukaba ku njira yaꞌmiiji, na kwiꞌGambo lya Rurema.

Yohana 17:19

Ngweti ngayitanga imwawe hiꞌgulu lyabo, gira lyo nabo bakalonge ukuyitanga imwawe.

Yohana 8:32

Mugaaba mukoli yiji ukuli. Na ku njira yakwo, munashwekuulwe.»

Yakobo 1:21

Ngiisi bikoleere íbimùli mwo, mubishaazagye, kuguma na ngiisi mabi, kwo gakoli luguusiri. Mukuba, Rurema keera akabiika igambo lyage mu mitima yinyu. Kwokwo, muliyakiire mu kati koꞌbutuudu. Mukuba, yiryo igambo lyage, lyo lishobwiri ukumùkiza.

2 Batesaloniki 2:13

E beene witu! Nahano Rurema amùkuuziri! Tukwiriiri tukizi tanga kongwa imwage hiꞌgulu liinyu. Mukuba, ukulyokera ku ndondeko, âli mali gwanwa amùtoola kwo mukizibwe ku njira yoꞌkuyemeera ukuli, munayeruusibwe noꞌMutima Mweru.

Zaburi 119:11

Lirya Igambo lyawe, ngoli lisingwiri mu mutima gwani, gira ndayiji kengeera nakuhubira.

Bahefeso 4:21

Mukuba ku kasiisa, mukayuvwa imyazi yage nga Bakirisito, mwanayigirizibwa hiꞌgulu lyage ukukulikirana noꞌkuli úkuliiri mu kati ka Yesu.

Zaburi 119:9

Umusore, kuti gwangakizi tuula guli mweru? Kuli ku njira yoꞌkukizi simbaha Igambo lyawe.

Zaburi 119:104

Ku njira yeꞌmaaja zaawe, kwo ndi mu longa ubwitegeereze, halinde lyo ndonga ukushomba ngiisi mabi.

Zaburi 12:6

Nahano ali mu shuvya: «Abakeni, bwo batashobwiri, kyo kitumiri bali mu tindimazibwa, iri banagongeera bweneene. Ku yukwo, ngola ngayimuka, na mbakize, nga kwo balangaliiri.»

Luka 8:15

«Zirya zindi, ikyanya zikatwa mu luvu lwija, biyerekiini umugani gwa ábali mu yuvwa igambo lya Rurema ku mutima mwija, banabe bashenguusiri. Boohe, bali mu ba balikaniziizi, iri banaliyihangaana mwo, halinde linatongeke mu kati kaabo.

2 Samweri 7:28

«E Nahamwitu, wehe, we Rurema! Yaga miija gooshi, keera wagandagaania, ganali ga kuyemeerwa.

2 Bakorindo 3:18

Kwokwo, tweshi, amalanga giitu gakola mabwikuule, tunakola mu bonekaga mwoꞌbulangashane bwa Nahano! Tunali mu hindulwa, halinde tumúshushe, iri tunakizi yushuuka mwoꞌbulangashane bwage. Yubwo bulangashane, bulyosiri imwa Nahano, anali ye Mutima.

Mikolezi 15:9

Kwokwo, ndaayo ndoola yo Rurema akagira ha kati kiitu na boohe. Si nabo, kulyagagi ku yeyo njira yoꞌkuyemeera Yesu, kwo ali mu yeruusa imitima yabo.

Luka 8:11

«Gulya mugani, umugeeza gwagwo gwo gwogu: Zirya mbuto, liri Igambo lya Rurema.

Yohana 8:40

Haliko buno, keera nꞌgamùbwira amagambo goꞌkuli go nꞌgayuvwa imwa Rurema, munakoli fitiirwi ukunyita. Si Hiburahimu yehe, atâli kizi gira kwokwo!

Zaburi 119:144

Ee! Yizo maaja zaawe ziyamiri ziri zoꞌkuli, halinde imyaka neꞌmyakuula. Kwokwo, ukizi zinzobanulira, lyo ndonga ukulama.