Yohana 12:46 - Kifuliiru

⁴⁶ Niehe nꞌgayija mu kihugo ndi mulengeerwe gwakyo. Kwokwo, iri umundu angaba ambiisiri kwoꞌbwemeere, atâye kituule mu kihulu.

Yohana 12:46 Referans Kwoze

Yohana 8:12

Yesu anashubi bwira abandu: «Niehe, nie mulengeerwe gweꞌkihugo! Umundu, iri angaba angulikiiri, atâye ki gende mu kihulu. Si agaaba akola noꞌmulengeerwe úguli mu leeta ubugumaana.»

Zaburi 36:9

Yabo booshi, uli mu bayigusa ku bugale bwa mu nyumba yawe, unali mu banywesa ku lwiji úluli mu bashambaaza.

Yohana 9:5

Haliko, ku kyanya ngiri mu kihugo, ndi mulengeerwe gwakyo.»

Mikolezi 26:18

gira ubazibuule amasu, halinde balyoke mu kihulu, na mu bushobozi bwa Shetaani. Banayiji tuula mu mulengeerwe gwa Rurema. Kwokwo, lyo bagaakogwa ibyaha byabo, banabe kuguma naꞌbandi booshi keera ábakayeruusibwa ku njira yoꞌkunyemeera.”

Hisaaya 42:7

Ugakizi humuula imbumi, unakizi shwekuuza imbohe. Kundu zitundamiragi mu kihulu mu nyumba zeꞌmbohe, ugazilyosa mwo.

Yohana 3:19

«Na íbigaatuma abandu bagaahanwa, bwoꞌmulengeerwe gukayija mu kihugo, halikago batanagusiima. Ikihulu, kyanaba kyo bagakizi siima, bweꞌmikolezi yabo yâli riiri mibi.

Yohana 1:9

Uyo mulengeerwe nirizina, akayija mu kihugo, anatanguulira abandu booshi.

Mataayo 4:16

Yabo bandu, kundu bâli tuuziri mu kihulu, haliko bakoli tundukiirwi noꞌmulengeerwe muhamu. Kundu bâli tuuziri mu kihulu kyoꞌlufu, si buno bakolaga mu mulengeerwe.»

Bahefeso 5:14

Na byoshi, ikyanya biri mu ba bikola mu mulengeerwe, iri nabyo gukolaga mulengeerwe. Kyo kitumiri bidesirwi kwokuno: «We gwejiiri mu bafwiri, uvyukage, unabazuuke mwo! Kwokwo, lyo Kirisito agakutanguulira.»

Luka 2:32

Yubwo bukize guli mulengeerwe gwoꞌkuyerekana injira yawe mu batali Bayahudi, halinde abandu baawe Abahisiraheeri bagingikwe.»

Hisaaya 42:15

«Ngashereeza imigazi noꞌtugangazi, bihinduke ishamba. Ibyasi byoshi, ngabiyumya. Ngayumya neꞌnyiiji neꞌbirigo, bihinduke luumagu.

Yohana 9:39

Yesu anadeta: «Íbitumiri nꞌgayija mu kihugo, hiꞌgulu lyoꞌkuyiji twa imaaja. Kwokwo, ngiisi ábali mu bona, bahinduke imbumi. Neꞌmbumi kwakundi, zibaagage zo zigalonga ukubona.»

Hisaaya 40:1

Rurema winyu adetaga: «Mukizi holeeza abandu baani. Ee! Mukizi baholeeza.