Yeremiya 9:8 - Kifuliiru

⁸ Aahago! Abandu mwene yabo, ka ndakwiriiri mbahane? Ee ma! Ngwiriiri mbayihoole.» Kwokwo, kwo Nahano adesiri.

Yeremiya 9:8 Referans Kwoze

Zaburi 28:3

Utambanire kuguma na banangora-mabi, balya bakozi baꞌmabi. Si boohe, bagweti bagaadeta amagambo goꞌkulembuusa abatuulani baabo. Kiziga mu mitima yabo, bagweti bagabashungikira amabi.

Yeremiya 9:3

«Yehee! Ukizi yiyeka naꞌbiira baawe. Kiri na beene winyu, utayami bayitegera umulundi. Kundu balyagagi beene winyu, si bagweti bamùlyalyania! Kiri na ngiisi mwira, ali kateerania!

Zaburi 120:3

E batebesi, kuti kwo Rurema agamùgira, halinde muhanirizibwe lwoshi-lwoshi?

Zaburi 57:4

Agweti agandabaala ukulyoka mwiꞌgulu, anangize. Ali mu ba anguuziri, mu kuyemeerana. Si abagoma baani boohe, ikyanya bagweti bagandambiriza, Rurema ali mu kizi bayogogoza.

Zaburi 55:21

Ulya úshuba mwira wani, kundu tukanywana ikihango twe naye, haliko anagendi kihongola, anayiji ndeera.

Zaburi 12:2

E Nahano, uyiji ndabaala. Si ngiisi ábâli kusimbahiri, batakiri ho! Abemeera keera banyerera lwoshi-lwoshi.

2 Samweri 3:27

Habineeri ikyanya akagalukira i Heburooni, Yohabu anamúhengukana kwiꞌrembo, nga agamúganuuza. Lyeryo, ulya Yohabu anayami múbunduula ibunda. Na íbikatuma agaagira kwokwo, bwo Habineeri akayita mulumuna wage wa Hasaheeri.

Yeremiya 9:5

E Yeremiya! Ukoli tuuziri mu banabibeesha, banalahiiri ukummenya nga ngiisi kwo ndi.» Kwokwo, kwo Nahano adesiri.

Yeremiya 5:26

Yoho wee! Si mu bandu baani, muli mwo banangora-mabi! Yabo babi bagweti bagatega abaabo, nga kwoꞌmuhiivi ali mu tega utunyuni.

Zaburi 64:8

Kundu kwokwo, Rurema agayami balasha imyambi, halinde banayibumbulike haashi.

Zaburi 35:20

Amagambo gaabo, gatalyagagi ga kuyerekana ingoome. Na kundu abandu batuuziri ku butuudu mu kihugo, halikago, baki gweti bagabalegeereza ku bibeesha.

Migani 25:18

Umundu úli mu tanga ubumasi bweꞌbibeesha hiꞌgulu lyoꞌwabo, biri mu múlyaniisa nga úli mu múshulika neꞌnyundo, kandi iri kumúkomeeresa neꞌngooti, kandi iri kumúlasha noꞌmwambi.

Yeremiya 9:4

Ngiisi mundu agweti agaateba uwabo. Ndaanaye úli mu deta ukuli. Abayuda keera bakayikomeereza ukukizi beesha. Na mu kukizi gira ibyaha, keera bayiluhya.

Mika 6:12

Abagale ba mu kaaya kiinyu, bagweti bagayitana. Abandu biinyu bakoli komiiri ukukizi beesha, batanganaki hasha ukudeta íbiri ukuli.

Zaburi 12:3

Abandu booshi, kundu bali mu kizi lembuusania, si balyagagi banabibeesha, banali balyalya.

Zaburi 62:5

Yaba bandu basiimiri ukukizi deta ibibeesha. Keera banashungika kwo bandyose ho ndi mu simbahwa. Ehee! Ku tunwa twabo, bagweti bagagashanirana. Halikago mu mitima yabo, bagweti bagadaakana naaho.

Yeremiya 5:9

Aahago! Abandu mwene yabo, ka ndakwiriiri ukubahana? Ka ndakwiriiri ukubayihoola?» Kwokwo, kwo Nahano adesiri.