Yeremiya 9:11 - Kifuliiru

¹¹ Aahago! Yibyo byoshi, nyandagi mwitegeereza, úwangabisobanukirwa? Na nyandi úkaganuuza Nahano, halinde anamúbishuuka íbitumiri ikihugo kyashereera? Kituma kikagi ikihugo kikola kimaata ngiꞌshamba? Na kituma kiki ndaaye mundu úkiri mu kilenga mwo?

Yeremiya 9:11 Referans Kwoze

Hisaaya 25:2

Akaaya kaꞌbagoma, inzitiro zaako, keera zikahongolwa. Na buno, ikoli sigiiri naaho ndundo yaꞌmabuye. Ee! Kalya kaaya, kundu bakakayubakira inzitiro ngomu, haliko, katakiri ho, katanâye ki yubakululwe.

Yeremiya 51:37

Akaaya keꞌBabeeri, ngakahindula bibe biguuka, halinde linabe igomberano lyeꞌmirunga. Ikyanya abandu bagaabona kwokwo, bagakanguka. Ndaanaye úgaki katuula mwo.

Yeremiya 10:22

Yuvwagwi! Umwazi gwayija! Abasirikaani ukulyoka imbembe, bayiji teera utwaya tweꞌBuyuda. Yutwo twaya, bagatusiga ishamba limaata, linabe igomberano lyeꞌmirunga!»

Hisaaya 34:13

Inyumba zaabo, kundu ziryagagi zoꞌmulimbo, leero zigaamera mweꞌmigenge. Inzitiro zaabo nazo, zinamere kweꞌbidata, neꞌmihanda-njovu. Yibyo biguuka binabaagage igomberano lyeꞌmirunga, na banafufulu.

Hisaaya 13:22

Indama-kumulinga zigakizi yanira mu nyaala zaamwo. Na kundu inyumba zishubi limbiri bweneene, haliko, imirunga igakizi zimokera-mokera mwo. Akaaya keꞌBabeeri kakolaga kagaahera lwoshi-lwoshi! Isiku ízikasigiriiri, zikola nga ndaakizo.

Mika 3:12

Hiꞌgulu liinyu, kyo kitumiri akaaya keꞌYerusaleemu kagahingwa nga ndalo, kanahinduke biguuka! Na ngiisi ho bayubasiragi inyumba ya Nahano, hooshi, hagaamera ibishungu-shungu.

Kimombo 3:47

Keera twagwatwa mu mubashu, tunakoli humiirwi, tunakoli shereezibwi lwoshi-lwoshi!»

Kimombo 2:2

Nahano atakayuvwirwa abandu baage ikimino, si akayami bashereegeza inyumba zaabo. Na bwo âli koli rakiiri, anayami hongola inyumba zooshi zaꞌBayuda. Ubwami bwabo, anabudeedeka haashi, anabubonia ishoni, kiri naꞌbatwali baabo.

Yeremiya 34:22

halikago ngabahamagala kwo bashubi galuka. Kwokwo, bagateera kano kaaya, banakagwate, banakajigiivye lwoshi-lwoshi. Kiri noꞌtundi twaya tweꞌBuyuda, natwo ngatushereeza, tunabe mushaka.» Kwokwo, kwo Nahano adesiri.

Yeremiya 26:18

«Ikyanya mwami Hezekiya âli twaziri Abayuda, hâli riiri umuleevi muguma weꞌMoresheeti, iziina lyage Mika, anabwira Abayuda booshi, ti: “Nahano woꞌbushobozi bwoshi, adetaga kwokuno: Kano kaaya keꞌSayuni kagahingwa nga ndalo. Ee! I Yerusaleemu igahinduka biguuka. Na ngiisi ho bayubasiri inyumba ya Nahano, hooshi hagaamera ibishungu-shungu.”

Yeremiya 25:11

Yiki kihugo kyoshi, kigahinduka mushaka. Abahisiraheeri, kiri naꞌbatuulani baabo, booshi bagaahisa imyaka makumi galinda, bagweti bagakolera mwami weꞌBabeeri.

Zaburi 79:1

Izaburi ya Hasafu. E Rurema, ibinyamahanga keera bikateera ikihugo kyawe, byanayulubaza kiri neꞌnyumba yawe ndaluule. Akaaya kooshi keꞌYerusaleemu, kakoli ba mushaka.

Mika 6:16

Na íbitumiri bigaaba kwokwo, bwo mukoli gweti mugakizi yifunda mu byaha bya mwami Homuri, na mwami Ahabu. Ngiisi byo bagweti bagamùhanuula, byo mugweti mugayami yifunda mwo. Ku yukwo, ngamùleka musherezibwe. E ma! Kundu abandu baki tuuziri mu kaaya kiinyu, halikago, abagoma bagakizi mùshekeereza. Ibinyamahanga bigakizi mùhonyoleza.»

Mika 1:6

Kwokwo, ngahindula i Samariya ibe ndundo yaꞌmabuye. Injira zaayo, leero zigalimwa, banakizi byala mweꞌmizabibu. Amabuye ágâli biisirwi mu nzitiro, ngagahirikira i kabanda, halinde indaliro zisigale bwanuula.

Yeremiya 26:9

Wakuura ku biki, mu kutanga ubuleevi kwiꞌziina lya Nahano, mbu ino nyumba ya Nahano igashereezibwa nga lirya iheema lyeꞌShiilo! Kiri na kano kaaya, mbu kagasigala mushaka, buzira bandu!» Yabo bandu booshi, banasokanana Yeremiya mwomulya mu nyumba ya Nahano.

Yeremiya 25:18

Iyo divaayi, nanatangirira ku batuulaga beꞌYerusaleemu, na ku bandu ba mu tundi twaya tweꞌBuyuda, kiri naꞌbaami naꞌbandi batwali baamwo. Yutwo twaya twoshi, twanasigala mushaka. Ikyanya abandu bakabona kwokwo, banakanguka ngana, banatondeera ukutunegura, iri banakizi tushekeereza, noꞌkutudaaka. Kwokwo, kwo binali, halinde zeene.

Hisaaya 44:26

Si abakozi baani, boohe, ikyanya bali mu deta amagambo, ndi mu gakwiza. Ngiisi byo nꞌgagwanwa nabatuma kwo badete, byo na byebyo ndi mu gira. Nabwira akaaya keꞌYerusaleemu kwokuno: “Abandu bagashubi kutuula mwo.” Noꞌtwaya tweꞌBuyuda, ninatubwire: “Bagaki yubakulula inzitiro zaawe. Ee ma! Ibiguuka byawe, ngashubi biyubakulula.”

Nehemiya 4:2

Banayami gira igambi kwo bayiji teera i Yerusaleemu, gira bayimule abatuulaga baamwo.

Bwigule 18:2

Uyo muganda, anayiberekaania kwiꞌzu kwokuno: «Akaaya kahamu keꞌBabeeri keera kayihongoleka haashi! Ee! Kayihongoleka haashi. Na buno, likolaga igomberano lyeꞌmizimu, neꞌbisigo, kuguma na ngiisi kanyuni koꞌmuziro ákali mu yagazania.

Balaawi 26:32

Ngasivya ikihugo kiinyu ngana-ngana. Ikyanya abagoma bagayiji kituula mwo, bagahuumirwa.

Zaburi 44:19

Imitima yitu itazindi kuhinduka, tutanazindi janda injira yawe.

Yeremiya 1:15

Abandu ba mu yago maami gooshi geꞌmbembe, ngola ngababerangira. Abaami baabo bagayiji tereka ibitumbi byabo byoꞌbwami hoofi neꞌnyiivi zaꞌkaaya keꞌYerusaleemu. Yako kaaya, banakasokanane. Kiri noꞌtundi twaya twoshi tweꞌBuyuda, banatuteere. Kwokwo kwo nie Nahano ndesiri.

Yeremiya 4:27

Nahano adetaga kwokuno: «Ikihugo kyoshi kigashereezibwa. Kundu kwokwo, ndagakishereeza lwoshi-lwoshi.

Yeremiya 44:2

Nahano woꞌbushobozi bwoshi, Rurema waꞌBahisiraheeri adetaga kwokuno: «Mwenyene mukayibonera ngiisi kwo nꞌgashereeza abandu beꞌYerusaleemu, naꞌba mu tundi twaya twoshi tweꞌBuyuda. Na buno, yutwo twaya, tukola mushaka. Ndaanaye mundu útutuuziri mwo, halinde zeene.

Yeremiya 49:33

«Akaaya keꞌHazoori kagasigala ishamba limaata. Ndaaye umundu úwâye ki katuule mwo, si ligaaba igomberano lyeꞌmirunga.»

Yeremiya 50:3

Yikyo kihugo kyeꞌBabeeri, abandu bakola mu yija ukulyoka imbembe, gira bayiji kiteera, banakishereeze, kinahinduke ishamba lizira bandu. Abandu neꞌbitugwa byoshi bigakitibita, ndaanaye úgaki tuula mwo.»

Kimombo 1:4

Injira íziloziri akaaya keꞌSayuni, zikoli jengiirwi. Mukuba, abandu batakiri mu zilenga mwo, mbu bashambaalire isiku ngulu, batanakiri mu lenga mu miryango yako. Abagingi baamwo bakola mu gongeera. Naꞌbanyere bakola mu bululuka. Kalya kaaya, kakola mu gooka ngana!

Bukengeeze 29:23

«Abandu baꞌmahanga gooshi, bagabuuza: “Emwe! Kituma kiki Nahano akayogogoza yiki kihugo mwene yuku? Si agweti agakirakarira ngana-ngana.”

Zaburi 107:43

Yaga magambo, ngiisi úli mu ba mwitegeereza, akizi gayitoneesa kwo. Anakizi sobaanura ngiisi kwo Nahano ali mu kizi kundana mu kati koꞌbwemeere.

Yeremiya 8:22

E balya! Kituma kiki inguma zaꞌbandu baani zitazi kira? Mu kihugo kyeꞌGiryadi, ka mutalyagagi umuti gwoꞌkuzilunga? Ka ndaaye mufumu úki ba mwo?

Yeremiya 16:10

«Yabo bandu, ikyanya ugababwira kwokwo, hali ikyanya bagakubuuza: “Aahago! Kituma kiki Rurema Nahamwitu akoli higiiri kwo atuyogogoze? Mahube maki go twagira? Kyaha kikagi kyo tukoziri imbere lyage?”